ដោយ៖រ៉ាម៉ន/ភ្នំពេញ៖ ដើម្បីបង្ហាញពីការយកចិត្តទុកដាក់របស់សម្តេចអគ្គមហាសេនាបតីតេជោហ៊ុន សែន ក៏ដូចរដ្ឋបាលរាជធានីភ្នំពេញចំពោះសុខទុក្ខរបស់មនុស្សចាស់ ពិសេសចូលរួមអបអរសាទរទិវាមនុស្សចាស់កម្ពុជា និងទិវាមនុស្សចាស់អន្តរជាតិ១ តុលាឆ្នាំ២០២២ នាព្រឹកថ្ងៃទី២៦ខែតុលានេះ នៅសាលារាជធានីភ្នំពេញលោក ឃួង ស្រេង អភិបាលរាជធានីភ្នំពេញបានជួបជុំសំណេះសំណាលជាមួយលោកតា លោកយាយមកពីតាមបណ្តាខណ្ឌ និងមន្ទីរនានាក្នុងរាជធានីភ្នំពេញចំនួន៥២៥នាក់ព្រមទាំងនាំយកអំណោយមួយចំនួនរបស់ ប្រគល់ជូនពួកគាត់។


លោកស្រី មុំ ចាន់ដានី ប្រធានមន្ទីរសង្គមកិច្ច និងអតីតៈយុទ្ធជនបានគូសបញ្ជាក់ថា ទិវាមនុស្សចាស់កម្ពុជាឆ្នាំ២០២២ ប្រព្រឹត្តទៅក្រោមប្រធានបទ៖មនុស្សវ័យចាស់ជាមរតកដ៏សំខាន់ក្នុងការអភិវឌ្ឍន៏គ្រួសារ និងសង្គមជាតិ ក្នុងន័យផ្តល់នូវភាពកក់ក្តៅ និងបង្ហាញអោយកាន់តែច្បាស់ពីការយកចិត្តទុកដាក់ខ្ពស់ជាមួយមនុស្សវ័យចាស់នៅរាជធានីភ្នំពេញ ព្រមទាំងឧបត្ថម្ភគាំទ្រទាំងស្មារតី សម្ភារះ និងថវិកានឹងថែរក្សាមនុស្សចាស់ ឲ្យដូចថែរក្សាខ្លួនឯង។

យោងតាមទិន្ន័យរបស់មន្ទីរផែនការរាជធានីភ្នំពេញឆ្នាំ២០២២ក្នុងរាជធានីភ្នំពេញ មានមនុស្សវ័យចាស់ចាប់ពីអាយុ៦១ឆ្នាំឡើងទៅមានចំនួន១៣៣.៣៦៣នាក់នៃប្រជាពលរដ្ឋទាំងអស់។

ក្នុងឱកាសនោះលោកឃួង ស្រេង បានថ្លែងអបអរសាទរយ៉ាងខ្លាំងចំពោះ លោកតាលោកយាយដែលជាឃ្លាំងនៃចំណេះដឹង,បទពិសោធន៏ដែលប្រធានបទឆ្នាំនេះបានបង្ហាញឲ្យឃើញកាន់តែច្បាស់អំពីតម្លៃដ៏មហាសាលរបស់មនុស្សវ័យចាស់ អោយសក្តិសមទៅនឹងគុណបំណាច់របស់អស់លោកនឹងផ្តល់តំលៃយ៉ាងធំធេងតាមរយៈការកំណត់យកថ្ងៃទី១តុលា ជាថ្ងៃប្រារព្វទិវាមនុស្សចាស់កម្ពុជា និងទិវាមនុស្សចាស់អន្តរជាតិ។
លោកឃួង ស្រេង ក៏បានបន្តថា មនុស្សចាស់នេះហើយ ជាអ្នកមានគុណចំពោះជាតិមាតុភូមិយ៉ាងធំធេង ដោយពួកគាត់ជាអ្នកដើរដង្ហែរជាមួយសម្តេចតេជោ ហ៊ុន សែន នាយករដ្ឋមន្ត្រី ក្នុងការរំដោះប្រទេសចេញរបបប៉ុល ពត និងបានចូលរួមជាមួយសម្តេច ក្នុងកសាងប្រទេសជាតិពីចំណុចសូន្យរហូតមានការអភិវឌ្ឍន៍រីកចំរើនរហូតមកដល់សព្វថ្ងៃនេះ ។
លោកអភិបាលបានមានប្រសាសន៏ទៀតថា៖ លោកជឿជាក់ថា លោកតា លោកយាយ លោកពូ អ្នកមីងនិងបងប្អូននិវត្តន៏ជនទាំងអស់ដែល មានវត្តមាននាឱកាសនេះ គឺជាសាក្សីរស់ដែលទទួលបានការស្រោចស្រង់ជីវិតខ្លួន និងក្រុមគ្រួសារពី ជំងឺកូវីដ-១៩ តាមរយះយុទ្ធសាស្ត្រចាក់ស្រោចវ៉ាក់សាំង អភិក្រមផ្ការីករបស់សម្តេចតេជោនាយករដ្ឋមន្ត្រីយ៉ាងពិតប្រាកដ។
លោកឃួង ស្រេង បានណែនាំពិសេសដល់លោកស្រីប្រធាមន្ទីរសង្គមកិច្ច អតិតៈយុទ្ធ និងយុវនិតិសម្បទា រាជធានីភ្នំពេញឲ្យ ពិនិត្យលើការជួបជុំមនុស្សចាស់នេះលើកក្រោយជួបឲ្យបានមុនបុណ្យភ្ជុំបិណ្ឌដើម្បីឲ្យលោកតា លោកយាយយកថវិកានេះទៅធ្វើបុណ្យធ្វើទាននាឱកាសបុណ្យភ្ជុំប៨ណ្ឌផង។
បន្ថែមពីលើនេះទៀត លោកឃួង ស្រេង បានបញ្ជាក់ថា៖ ការប្រារព្វពិធីនេះ ធ្វើឡើងក្នុង១ឆ្នាំម្តងក៏ពិតមែន តែនោះ គ្រាន់តែជានិមិត្តរូបប៉ុណ្ណោះ ។ ជាក់ស្តែងអ្វីដែលជាតថភាព គឺលោក ឃួង ស្រេង តែងបានណែនាំអោយអាជ្ញាធរ ភូមិ សង្កាត់ ខណ្ឌ មើលថែប្រជាពលរដ្ឋនៅក្នុងមូលដ្ឋាន ដោយមិនទុកអោយមានប្រជាពលរដ្ឋណាម្នាក់ស្លាប់ដោយការអត់បាយនោះទេ។
មន្ត្រីសាលារាជធានីបានឱ្យដឹងថា៖អំណោយសម្តេចតេជោ ហ៊ុន សែន និងសម្ដេចកិតិព្រឹទ្ធបណ្ឌិតគ្រគល់ជូនលោកតាលោកយាយទាំង៥២៥នាក់ក្នុងម្នាក់ទទួលបានអង្ករ២៥គីឡូក្រាម,ត្រីខ ១យួរ,ទឹកត្រី ឬទឹកស៊ីអ៊ីវ៦ដប,ទឹកសុទ្ធ១កេស,ប្រេងឆា២ដប,មី១កេស និងថវិកា ៥ម៉ឺនរៀល៕ P / N

រូបថត (  លោកកើត ឆែ )

រូបថត ( លេាក ហួត ហៃ​ អភិបាលរងរាជធានី )

រូបថត (​ លេាកស្រី មុំ ចាន់នី ប្រធានីមន្ទីរសង្គមកិច្ច )