ប្រែសម្រួលៈបំណង(ដេល្លីម៉េល)៖ យោធាកូរ៉េខាងត្បូងបាននិយាយថា កូរ៉េខាងជើងនៅថ្ងៃសៅរ៍នេះបានបាញ់កាំជ្រួចផ្លោងចម្ងាយខ្លីបួនគ្រាប់ចូលក្នុងសមុទ្រ បន្ថែមលើការបាញ់ជាងម្ភៃដើមកាលពីថ្ងៃពុធនិងព្រហស្បតិ៍ដែលវាកាន់តែបង្ហាញការផ្គើនដាក់គ្នាកាន់តែខ្លាំងឡើងចំពេលអាម៉េរិកបញ្ជូនយន្តហោះទម្លាក់គ្រាប់បែចម្ងាយឆ្ងាយB-1Bមកចូលរួមសមយុទ្ធទ័ពអាកាសថ្ងៃបញ្ចប់នៅកូរ៉េខាងត្បូង។
នាយសេនាធិការកងទ័ពចំរុះកូរ៉េខាងត្បូង បាននិយាយថាកាំជ្រួចបានហោះបានចម្ងាយប្រមាណ១៣០គីឡូម៉ែត្រឆ្ពោះទៅសមុទ្រខាងលិចរបស់កូរ៉េខាងជើង។
កូរ៉េខាងជើងនៅសប្តាហ៍នេះបានបាញ់កាំជ្រួចជាងម្ភៃដើមចូលក្នុងសមុទ្រ រួមមានមួយដើមជាកាំជ្រួចផ្លោងឆ្លងទ្វីបដែលនាំអោយមានការប្រកាសជម្លៀសមនុស្សនៅជប៉ុនខាងជើង និងបានបញ្ជូនយន្តហោះចម្បាំងមកកៀកព្រំដែនកូរ៉េទាំងពីរ។
សហរដ្ឋអាម៉េរិកនៅថ្ងៃសៅរ៍នេះបានបញ្ជូនយន្តហោះទម្លាក់គ្រាប់បែកលឿនជាងសម្លេងB-1Bពីរគ្រឿងមកហោះរំលងកូរ៉េខាងត្បូងនៅថ្ងៃចុងក្រោយនៃសមយុទ្ធទ័ពអាកាសអាម៉េរិក-កូរ៉េខាងត្បូងក្នុងការបង្ហាញកំលាំងទៅកាន់កូរ៉េខាងជើង។សមយុទ្ធVigilant Stormមានការចូលរួមពីយន្តហោះចម្បាំង២៤០គ្រឿង រួមមានយន្តហោះបំបាំងកាយទំនើបF-35មកពីភាគីទាំងពីរ ជាហេតុនាំអោយកូរ៉េខាងជើងប្រតិកម្មទាំងកំហឹង ដោយសារកូរ៉េខាងជើងចាត់ទុកវាជាការហាត់ត្រៀមចូលឈ្លានពានខ្លួន។
ក្រសួងការបរទេសកូរ៉េខាងជើងបាននិយាយថាកូរ៉េខាងជើងនឹងឆ្លើយតបយ៉ាងម៉ឺងម៉ាត់បំផុតចំពោះការប៉ុនបោះងណាមួយដោយកងកម្លាំងអមិត្តដើម្បីរំលោភបូរណភាពទឹកដីឬផលប្រយោជន៍សន្តិសុខរបស់ខ្លួន៕
កូរ៉េខាងជើងនៅសប្តាហ៍នេះបានបាញ់កាំជ្រួចជិត៣០គ្រាប់ចំពេលអាម៉េរិកធ្វើសមយុទ្ធយោធាដ៏ធំជាមួយកូរ៉េខាងត្បូង