ដោយ​៖ សុវណ្ណ​កុម្ភៈ​/​ភ្នំពេញ​៖ ការប្រកួត​ប្រដាល់សកល​ក្របខ័ណ្ឌ​នៃ​ការប្រកួត​កីឡា​ជាតិ​លើក​ទី​៣ ចាប់ផ្ដើម​ប្រកួត​ពីថ្ងៃ​ទី​២៦ ខែវិច្ឆិកា​នេះ​ទៅហើយ ។​

​ការប្រកួត​មាន​៩​ប្រភេទ​ទម្ងន់​។ ទម្ងន់​៤៨​គីឡូក្រាម​មាន​កីឡាករ​ចំនួន​បួនរូប ទម្ងន់​៥១​គីឡូក្រាម​មាន​ប្រាំ​រូប ទម្ងន់​៥៤​គីឡូក្រាម​មាន​ប្រាំ​រូប ទម្ងន់​៥៧​គីឡូក្រាម​ប្រាំ​មួយរូប ទម្ងន់​៦០​គីឡូក្រាម​មាន​ប្រាំ​មួយរូប ទម្ងន់​៦៣,៥០​គីឡូក្រាម​មាន​ប្រាំ​ពីររូប ទម្ងន់​៦៧​គីឡូក្រាម​មាន​ប្រាំ​មួយរូប ទម្ងន់​៧១​គីឡូ​ក្រា​មាន​បួន​​រូប​និង​ទម្ងន់​៧៥​គីឡូក្រាម​មាន​ប្រាំ​រូប​។ សម្រាប់​ថ្ងៃទី​២៦ ខែវិច្ឆិកា​ដែលជា​ថ្ងៃ​ចាប់​ផ្ដើមដំបូង​មានការ​ប្រកួត​ចំនួន​ប្រាំបី​គូ គឺ​បួន​ប្រភេទ​ទម្ងន់​។​

​ណាត សៀក​និ​ន ដែល​គេ​ស្គាល់​ជាទូទៅ​ថា ពេជ្រ ម្ទេសខ្មាំង ក្លិប​ក្រសួងការពារជាតិ​​នោះ​ប្រកួត​ជាមួយ​អ្នក​ប្រដាល់ ម៉ាប់ ថុ​នា ក្លិប​ក្រសួងមហាផ្ទៃ​ក្នុង​ប្រភេទ​ទម្ងន់​៥៧​គីឡូក្រាម​។​​អ៊ូច ធា​រិ​ទ្ធ ក្លិប​ក្រសួងមហាផ្ទៃ​ប្រកួត​ជាមួយ វណ្ណា លី​ហៀ​ង មកពី​ខេត្តកណ្ដាល​ដោយ​ប្រកួត​​គ្នា​ក្នុង​ប្រភេទ​ទម្ងន់​៥៧​គីឡូក្រាម ។​

​សយ សី មកពី​ក្លិប​ខេត្ត​កែប​ប្រកួត​ជាមួយ​ជើង​ខ្លាំង ទូច ដេវីដ ក្លិប​ក្រសួងការពារជាតិ​ក្នុង​​ប្រភេទ​ទម្ងន់​៦០​គីឡូក្រាម​។ ងិន សិលា ក្លិប​ខេត្តកណ្ដាល​ប្រកួត​ជាមួយ​ក្រុម​សុខុម​មកពី​ខេត្តព្រៃវែង​ក្នុង​ប្រភេទ​ទម្ងន់​៦០​គីឡូក្រាម ។​

​វ៉ែន រដ្ឋា ក្លិប​ក្រសួង​សេដ្ឋកិច្ច និង​ហិរញ្ញវត្ថុ​ប្រកួត​ជាមួយ​ឈាង សំអន​ក្លិប​រាជធានី​ភ្នំ​​ពេញ​ក្នុង​ប្រភេទ​ទម្ងន់​៦៣,៥០​គីឡូក្រាម​។ ម៉ាង ព្រហ្ម​ម៉ាញ ក្លិប​ក្រសួងមហាផ្ទៃ​ប្រកួត​ជាមួយ​​ញ៉ា​ន កញ្ញា មកពី​ក្លិប​ខេត្តកណ្ដាល​៦៣,៥០​គីឡូក្រាម ។​

​តាំ តឺ​ត​ក្លិប​ក្រសួងការពារជាតិ​ប្រកួត​ជាមួយ​ខុន ឌី​ណា​មកពី​ខេត្តព្រៃវែង​ក្នុង​ប្រ​​ភេទ​ទម្ងន់​៦៣,៥០​គីឡូក្រាម និង​អ្នក​ប្រដាល់ ឡាំង រិទ្ធី ក្លិប​ក្រសួងមហាផ្ទៃ​ប្រកួត​ជាមួយ​គឹម​​សច្ចៈ​មកពី​ខេត្ត​កែប​ក្នុង​ប្រភេទ​ទម្ងន់​៧៥​គីឡូក្រាម ៕​