​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ដំបូង​វា​ជាលី​អូ​នែ​ល ម៉េស​ស៊ី ឥឡូវ​ដល់​វេន រ៉ូបឺត ឡេ​វ៉ាន់ដូ​វស្គី (Robert Lewandowski) ។ គូប្រជែង​ល្បី​ឈ្នះ​ទាំងពីរ​នឹង​បន្ត​ប៉ះ​ជាមួយ​អា​រ៉ាប៊ីសាអូឌីត​។​

​បន្ទាប់ពី​ធ្វើ​ឱ្យ​ម៉េស​ស៊ីនិង​អា​ហ្សង់​ទីនខកចិត្ត​ធំ​បំផុត​នៅវើ​លខាប់ ឥឡូវ​នេះ​ក្រុម​ស្ទាំង​បៃតង​នឹង​បង្វែរ​ការចាប់អារម្មណ៍​របស់​ពួកគេ​ទៅលើ​ឡេ​វ៉ាន់ដូ​វស្គី​និង​ក្រុមប៉ូឡូញ​របស់​គាត់​នៅ​ថ្ងៃ​សៅរ៍​នេះ​។​

​អា​រ៉ាប៊ីសាអូឌីត ដែលមាន​ចំណាត់​ថ្នាក់​ទាប​បំផុត​ទី​ពីរ​ក្នុងវើ​លខាប់​នេះ ថែម​ទាំង​អាច​កក់​កៅអី​ជុំ​បន្ទាប់​ជាមួយនឹង​ជ័យជម្នះ​លើ​ប៉ូឡូញ ដែល​ជា​សមិទ្ធិផល​ដ៏​អស្ចារ្យ​សម្រាប់​ក្រុម​ដែល​គ្មាន​កីឡាករ​មកពី​បរទេស​សោះ​។​

​ខុស​ពី​អ្នកគាំទ្រ គ្រូបង្វឹក​សញ្ជាតិ​បារាំង​របស់​អា​រ៉ាប៊ីសាអូឌីត លោក ហឺ​វ រី​ណាដ (Hervé Renard) មិនទាន់​អបអរ​ទេ​។​

​លោក​រី​ណាដ​បាន​និយាយ​កាលពី​ថ្ងៃ​សុក្រ​ថា “​ការប្រកួត​ជាមួយ​អា​ហ្សង់​ទីន​គឺជា​ការប្រកួត​មួយក្នុ​ង​ចំណោម​ការប្រកួត​សំខាន់ៗ​ទាំង​បី​ដែល​យើង​ត្រូវ​លេង​។ រឿង​ល្អ​តែមួយ​គត់​នៅ​ចុងបញ្ចប់​នៃ​វគ្គ​ចែក​ពូ​ល​នេះ​គឺ​ការបញ្ចប់​នៅ​ចំណាត់ថ្នាក់​លេខ​មួយ​ឬ​លេខ​ពីរ​។ ដូច្នេះ​ទោះ​មាន​អ្វី​កើត​ឡើង​ក៏​ដោយ អ្វី​ដែល​សំខាន់​បំផុត​នោះ​គឺ​ត្រូវ​មាន​លក្ខណៈសម្បត្តិ​គ្រប់គ្រាន់​សម្រាប់​ជុំ​បន្ទាប់​”៕

ម៉េស​ស៊ីនិង​ឡេ​វ៉ាន់ដូ​វ​ស្គី​ត្រូវ​ប្រឈម​មុខ​នឹង​អា​រ៉ាប៊ីសាអូឌីត​ក្នុងពូល C ដូចគ្នា