​ដោយៈ ទេ​ពក​ង្រី / កំពង់ឆ្នាំងៈ នៅ​ថ្ងៃទី​២៧ ខែវិច្ឆិកា ឆ្នាំ​២០២២ នេះ រដ្ឋបាលខេត្ត​កំពង់ឆ្នាំង បាន​កំពុង​មមាញឹក រៀបចំ​តុបតែង បំពាក់​ភ្លើង​បំភ្លឺ និង​បដា​ផ្សេងៗ នៅតាម​ទីសាធារណៈ ផ្សេងៗ ក្នុង​ទីក្រុង​កំពង់ឆ្នាំង ដើម្បី​លើកកម្ពស់​សោភ័ណ​ភា សំដៅ​ឆ្ពោះទៅ​រៀបចំ​ប្រារព្ធ ពិធីបុណ្យ​អុំទូក នៅ​ដើមខែ​ធ្នូ ឆ្នាំ​២០២២ ខាងមុខនេះ​។

​បើ​យោងតាម​លិខិត​របស់ រដ្ឋបាលខេត្ត​កំពង់ឆ្នាំង បាន​ជូនដំណឹង​ពី​ពិធី បុណ្យអុំទូក​នេះ ដែល​នឹង​ប្រារព្ធ​រយៈពេល ២ ថ្ងៃ គឺ​នៅ​ថ្ងៃទី​២ ដល់​ថ្ងៃទី​៣ ខែធ្នូ ឆ្នាំ​២០២២ ស្ថិតនៅ​មាត់ទន្លេ ផ្សារ​ក្រោម នៃ​ក្រុង​កំពង់ឆ្នាំង ។​

​រដ្ឋបាលខេត្ត​កំពង់ឆ្នាំង បានឱ្យដឹងថាៈ លោកនាយ​ឧត្ដមសេនីយ៍ សៅ សុខា អគ្គមេបញ្ជាការ រង នៃ​កងយោធពល​ខេមរភូមិន្ទ និង​ជា​មេបញ្ជាការ កងរាជអាវុធហត្ថ​លើ​ផ្ទៃ​ប្រទេស នឹង​អញ្ជើញ​ជា​អធិបតី ក្នុង​ពិធី​បិទ​បញ្ចប់ នៃ​ពិធី​បុណ្យអុំទូក​នេះ ។​

​រដ្ឋបាលខេត្ត​កំពង់ឆ្នាំង បានបញ្ជាក់​ថាៈ នៅក្នុង​ពិធីបុណ្យ​អុំទូក នេះដែរ រដ្ឋបាលខេត្ត ក៏បាន​រៀបចំ​កម្មវិធី​ជាច្រើន មានដូចជា ការរៀបចំ​តាំងពិព័រណ៍​ផលិតផល​កសិកម្ម និង​ផលិតផល​ផ្សេងៗ​ទៀត ដែលជា​ផលិតផល សម្រេច​ក្នុង​ខេត្ត , ការរៀបចំ​តំបន់​កម្សាន្ត គឺជា​តំបន់​ត្រជាក់ ដែលមាន​ទីតាំង​ស្ថិតនៅ តាម​បណ្តោយ​ផ្លូវ​ពី​ផ្សារលើ មកកាន់​ផ្សារ​ក្រោម មាត់​ទ​ន្ល ទៀតផង ៕/V​