​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ចិន​បាន​បញ្ចប់​ការសាងសង់​កែវយឹត​ធំ​បំផុត​របស់​ពិភពលោក ដែល​នឹង​ត្រូវ​បែរ​ទិស​ទៅរក​ព្រះអាទិត្យ​ដោយ​ផ្ទាល់​ដើម្បី​សិក្សា​ពី​របៀប​ដែល​ឥរិយាបថ​របស់​​វា​ប៉ះពាល់​ដល់​ផែនដី​។​

​កែវយឹត​ឈ្មោះ Daocheng Solar Radio Telescope ឬ DSRT ដែល​មាន​ទីតាំង​នៅ​តំបន់​ខ្ពង់រាប​ក្នុង​ខេត្ត​ស៊ី​ឈាន់​ភាគ​និរតី​ប្រទេស​ចិន គឺ​មាន​បន្ទះ​ថាស​ចំនួន ៣១៣​។​បន្ទះ​ថាស​នី​​មួយៗ​មាន​អង្កត់ផ្ចិត ១៩,៧ ហ្វីត (៦​ម៉ែត្រ​) ហើយ​រួម​គ្នា​បង្កើតបានជា​រង្វង់​ប្រវែង ១,៩៥ ម៉ា​យ (៣,១៣ គីឡូម៉ែត្រ​)​។​

​ការរៀបចំ​ដ៏​ធំ​នៃ​គ្រឿងចក្រ​វិទ្យាសាស្ត្រ ដែល​ចំណាយ​អស់ ១៤ លាន​ដុល្លារ​នេះ គ្រោង​នឹង​សិក្សា​ពី​ភ្លើង​ព្រះអាទិត្យ និង​ការ​បញ្ចោ​ញ​ពពក​ខូ​រ៉ូ​ណាល់ (CME)​ដែល​ទាំង​ពីរ​នេះ​អាច​ជះ​ឥទ្ធិពល​អវិជ្ជមាន​ដល់​​គ្រឿង​អេឡិចត្រូនិច បណ្តាញ​ថាមពល​និង​ផ្កាយរណប​។​

CME គឺជា​ពពក​ដ៏​ធំ​មួយ​នៃ​ភាគល្អិត​ផ្ទុក​បន្ទុកអគ្គិសនី ដែល​ត្រូវបាន​កម្តៅ​រហូតដល់​សីតុណ្ហភាព​ក្តៅ​ខ្លាំង​ហើយ​បន្ទាប់មក​បាន​បញ្ចេញ​ចេញ​ជាមួយនឹង​ល្បឿន​យ៉ាង​លឿន​ដោយ​ថាមពល​​ដែល​បញ្ចេញ​ក្នុង​ភ្លើង​ពន្លឺព្រះអាទិត្យ​។​

​លោក វូ លីន (Wu Lin) នាយករង​ផ្នែក​រចនា​គម្រោង​កែវយឹត DSRT​បាន​និយាយថា “​យើង​អាច​ព្យាករណ៍​បាន​ថា​តើ​ព្យុះ​ព្រះអាទិត្យ​បោកបក់​មក​កាន់​ផែនដី​ឬ​អត់​”​។​

​លោក​វូ​បាន​ប្រាប់​ទូរទស្សន៍ CCTV+ តាមរយៈ​វេបសាយ Space.com ថា “​ប្រសិនបើ​វា​ផ្ទុះ​មកកាន់​ផែនដី ហើយ​នឹង​មកដល់​ពួកយើង យើង​នឹង​អាច​ចេញ​ការព្រមាន​ជា​មុន​ចំពោះ​ព្យុះ​ព្រះអាទិត្យ​បែបនេះ​។ តាម​វិធី​នេះ យើង​អាច​ផ្តល់​នូវ​ការព្យាករណ៍​អំពី​បរិយាកាស​អវកាស​សម្រាប់​ប្រតិបត្តិ​ការធម្មតា​របស់​ផ្កាយរណប​នៅក្នុង​លំហ និង​បណ្តាញ​ថាមពល​នៅលើ​ដី​”​។​

​កែវយឹត​នេះ​នឹង​ចាប់ផ្តើម​ប្រតិបត្តិការ​សាកល្បង​នៅ​ខែមិថុនា ឆ្នាំ ២០២៣ បន្ទាប់​ពី​បញ្ចប់​ការសាកល្បង​ការ​តម្រែតម្រង់​បន្ថែម​៕

​កែវ​យឹត DSRT ត្រូវបាន​សាងសង់​រួចរាល់​