​ប្រែ​សម្រួលៈ​បំណង​(​ស្ត្រេត​ថែមស៍​)៖​យុទ្ធជន​គាំទ្រ​លទ្ធិប្រជាធិបតេយ្យ​យ៉ាងតិច​២.០០០​នាក់​ត្រូវបាន​សម្លាប់​ក្នុងការ​ប៉ះទង្គិច​គ្នា​នៅ​មី​យ៉ាន់​ម៉ា​ទល់​នឹង​កងកម្លាំង​នៃ​របប​យោធា​ដែល​បាន​ដណ្តើម​អំណាច​​ពី​រដ្ឋាភិបាល​ស៊ីវិល​មួយ​កាលពី​ឆ្នាំមុន នេះ​បើ​តាម​ការអះអាង​ពី​មេដឹកនាំ​រដ្ឋាភិបាល​ស្រមោល​មួយ​នៅក្នុង​កិច្ចសម្ភាសន៍​ដែល​ត្រូវបាន​ចាក់​ផ្សាយ​កាលពី​ថ្ងៃ​ព្រហស្បតិ៍​ទី​០១​ធ្នូ ។​

មេដឹកនាំ​រូប​នេះ បាន​ទទូច​សុំ​ជំនួយ​យោធា​។​

​លោក ឌូ​វ៉ា ឡា​ស៊ី ឡា​(Duwa Lashi La)​ប្រធានាធិបតី​ស្តីទី​នៃ​រដ្ឋាភិបាល​ឯកភាព​ជាតិ​(NUG)ដែល​ផ្សំ​ឡើង​ដោយ​សមាសភាព​រដ្ឋាភិបាល​មុន​និង​មនុស្ស​ផ្សេង​ទៀត​ដែល​ប្រឆាំង​នឹង​របប​យោធា​មី​យ៉ាន់​​ម៉ា បាន​និយាយ​ដូច្នេះ​ក្នុង​ការផ្តល់​កិច្ច​សម្ភាសន៍​មួយ​ដល់​ទីភ្នាក់ងារ​សារព័ត៌មាន​រ៉​យ​ទ័​រចេញ​ពី​ទីតាំង​លា​ក់​កំបាំង​មួយ​នៅក្នុង​ប្រទេស​មី​យ៉ាន់​ម៉ា​។​

​លោក ឌូ​វ៉ា ឡា​ស៊ី ឡា ផ្តល់​កិច្ច​សម្ភាសន៍​មួយ​ដល់​ទីភ្នាក់ងារ​សារព័ត៌មាន​រ៉​យ​ទ័​រចេញ​ពី​ទីតាំង​លា​ក់​កំបាំង​មួយ​នៅក្នុង​ប្រទេស​មី​យ៉ាន់​ម៉ា​

​អតីត​គ្រូបង្រៀន​និង​មេធាវី លោក ឌូ​វ៉ា ឡា​ស៊ី ឡា បាន​និយាយថា​« យើង​ចាត់ទុក​ការស្លាប់​ជា​តំលៃ​ដែល​យើ​ង​នឹង​ត្រូវ​លះបង់»​។​

​ក្រុម​យោធា​កាន់​អំណាច​ចាត់ទុក​លោក​និង​បក្ខពួក​ជា​ពួក​ភេរ​វករ ហើយ​ហាម​មិន​អោយ​ប្រជាជន​ទា​ក់ទ​ង​ជាមួយ​ពួកគេឡើយតែ​រដ្ឋាភិបាល​លួចលាក់​របស់​ពួកគេ​រីករាយ​នឹង​ការគាំទ្រ​ពី​ប្រជាជន​ទូទៅ​។​ក្រុម​​ប្រដាប់​អាវុធ​ជា​សម្ពន្ធមិត្ត ដែល​ហៅ​ខ្លួនឯង​ថា “​កងកម្លាំង​យោធា​របស់​ប្រជាជន​” បាន​បង្ហាញ​ខ្លួន​នៅ​ទូទាំង​ប្រទេស​។​

​ក្រុម​​ប្រដាប់​អាវុធ​ជា​សម្ពន្ធមិត្ត ដែល​ហៅ​ខ្លួនឯង​ថា “​កងកម្លាំង​យោធា​របស់​ប្រជាជន​” បាន​បង្ហាញ​ខ្លួន​នៅ​ទូទាំង​ប្រទេស​

​លោក ឌូ​វ៉ា ឡា​ស៊ី ឡា បាន​ថត​ជាមួយ​ទាហាន​នៃ​”​កងកម្លាំង​យោធា​របស់​ប្រជាជន​” ដែល​រួមមាន​អតីត​និស្សិត​និង​អ្នកមាន​វិជ្ជាជីវៈ ដែល​ត្រូវ​បង្ខំ​ចូល​ព្រៃ​ដោយសារ​ការបង្ក្រាប​របស់​យោធា​។​លោក​បាននិ​​យាយ​ថា​«​ខ្ញុំ​មិនដឹងថា​នឹង​បាត់បង់​ជីវិត​ពេលណា​។​វា​អាស្រ័យ​លើ​បំណង​របស់​ព្រះ ។​ខ្ញុំ​ត្រៀម​បូជ្ញា​ខ្លួន​សំរាប់​ប្រទេស​របស់​ខ្ញុំ​»​។​

​សូមបញ្ជាក់​ថា ប្រជាជាតិ​អាស៊ីអាគ្នេយ៍​មួយ​នេះ​បាន​ធ្លាក់​ចូល​ក្នុង​ភាពវឹកវរ​ចាប់តាំងពី​ពេល​ក្រុម​យោធា​ធ្វើ​រដ្ឋប្រហារ​បណ្តេញ​រដ្ឋាភិបាល​ស៊ីវិល​ជាប់​ឆ្នោត​តាម​បែប​ប្រជាធិបតេយ្យ​មួយ​កាលពី​ខែ​កុម្ភៈ​ឆ្នាំ​​មុន ដោយ​យោធា​តែង​ប្រើ​កងកម្លាំង​បង្ក្រាប​លើ​ការតវ៉ា​របស់​ប្រជាជន​និងវាយឆ្មក់លើកន្លែងលាក់ខ្លួនក្រុមប្រឆាំង។​

​បន្ថែម​លើ​ការស្លាប់​ប្រមាណ​២.០០០​នាក់​ក្នុង​ការប្រយុទ្ធ​គ្នា ជន​ស៊ីវិល​ជាង​២.៥០០​នាក់​ទៀត​ត្រូវបាន​សម្លាប់​នៅ​កន្លែង​ផ្សេងៗ​ដោយ​ការបង្ក្រាប​របស់​សមត្ថកិច្ច​នៃ​របប​យោធានិង​ការវាយប្រហារ​លើទីតាំ​ង​​នានា​ដែល​ក្រុម​យោធា​គិតថា​ជា​កន្លែង​លាក់​ខ្លួន​ក្រុម​ភេ​វរ​ករ​។​

​សូមបញ្ជាក់​ថា ពួក​យុទ្ធជន​គាំទ្រ​លទ្ធិប្រជាធិបតេយ្យ​មាន​អាវុធ​អន់​ជាង​ក្រុម​យោធា​មី​យ៉ាន់​ម៉ា​ឆ្ងាយ​ណាស់ ដោយសារ​អាជ្ញាធរ​មី​យ៉ាន់​ម៉ា​បាន​ទទួល​អាវុធ​ពី​រុស្ស៊ី ចិន​និង​ឥណ្ឌា ។​ក្រុម​យោធា​តែង​ប្រើ​យន្ត​​ហោះ​ចម្បាំង​វាយប្រហារ​លើ​ទីតាំង​ក្រុម​ប្រឆាំង រួម​ទាំង​ក្រុម​ជនជាតិនៅតាមព្រំដែន​។​

​យោងតាម​អង្គការសហប្រជាជាតិ មនុស្ស​ជាង​១,៣​លាន​នាក់​បាន​ភៀសខ្លួន​នៅផ្ទៃក្នុង​ប្រទេស​ចាប់តាំងពី​កើត​មាន​រដ្ឋប្រហារ​៕