កូរ៉េខាងត្បូងនៅថ្ងៃសុក្រទី២ធ្នូនេះបានដាក់ទណ្ឌកម្មលើបុគ្គលកូរ៉េខាងជើងប្រាំបីនាក់និងអង្គភាពចំនួនប្រាំពីរ ដែលសង្ស័យថាបានពាក់ព័ន្ធនឹងសកម្មភាពផ្តល់ ហិរញ្ញវត្ថុដោយខុសច្បាប់សំរាប់កម្មវិធីកាំជ្រួចនិងនុយក្លេអ៊ែររបស់កូរ៉េខាងជើង។ចំណាត់ការនេះត្រូវបានធ្វើឡើងមួយថ្ងៃបន្ទាប់ពីរដ្ឋការលោកចូ បៃដិនកាលពីថ្ងៃព្រហស្បតិ៍បានដាក់ទណ្ឌកម្មលើសមា ជិកបីនាក់នៃគណៈកម្មាធិការកណ្តាលរបស់គណបក្សពលករកូរ៉េខាងជើងចំពោះការជាប់ពាក់ព័ន្ធរបស់គេក្នុងកម្មវិធីកាំជ្រួចផ្លោងរបស់ប្រទេសនេះ។