រាជធានី​ភ្នំពេញ ប្រគល់​ទង់​ជូន​អភិបាល​ទីក្រុង នៃ​ប្រទេស​ឥណ្ឌូណេស៊ី ដើម្បី​ធ្វើជា​ម្ចាស់ផ្ទះ វេទិកា​អភិបាលក្រុង​អាស៊ាន នៅ​ឆ្នាំ​២០២៣

​ដោយ​៖ រ៉ា​ម៉ន / ភ្នំពេញ​៖ លោក ឃួ​ង ស្រេង អភិបាល​រាជធានី​ភ្នំពេញ និង​ជា​ប្រធាន វេទិកា​អភិបាលក្រុង​អាស៊ាន ឆ្នាំ​២០២២ នៅ​ព្រឹក​ថ្ងៃទី​៣ ខែធ្នូ ឆ្នាំ​២០២២ នេះ បានប្រគល់​ទង់ ជូន​អភិបាលក្រុង នៃ​ប្រទេស​ឥណ្ឌូណេស៊ី ដើម្បី​ធ្វើជា​ម្ចាស់ផ្ទះ នៃ​វេទិកា​អភិបាល​រាជធានី និង​រដ្ឋធានី​អាស៊ាន នៅ​ឆ្នាំ​២០២៣​។​

​ការប្រគល់​ទង់​នេះ ក្រោយ​បញ្ចប់​ដោយ​ជោគជ័យ ដែល​រាជធានី​ភ្នំពេញ ដឹកនាំ​កិច្ចប្រជុំ អភិបាល​រាជធានី និង​រដ្ឋធានី​អាស៊ាន ឆ្នាំ​២០២២ និង​បានអនុម័ត និង​ចុះហត្ថលេខា​រួមគ្នា លើ​សេចក្ដីប្រកាស ដែលមាន​ខ្លឹមសារ​ចំនួន ៦ ចំណុច ៕/V​