ដោយ​៖ សុវណ្ណ​កុម្ភៈ​/​ភ្នំពេញ​៖ ការប្រកួត​បាល់ទាត់​កំដៅ​សាច់​ដុះ​នា​យប់​ថ្ងៃទី​៩ ធ្នូ នៅ​ពហុ​កីឡដ្ឋាន Bukit Jalil ប្រទេស​ម៉ាឡេស៊ី​។ នេះ​ជាការ​ប្រកួត​កំដៅ​សាច់ដុំ​ដ៏​សំខាន់​មួយ​របស់​ក្រុម​កម្ពុជា ក្នុងការ​ត្រៀមខ្លួន​ចូលរួម​ការប្រកួត​ពាន​រង្វាន់​ប្រចាំ​តំបន់ AFF Mitsubishi Electric Cup 2022​។ នៅ​តង់​ទី​១ ក្រុម​កម្ពុជា​បាន របូត បី​គ្រាប់​មុន​ពេលដែល​ក្រុម​ម្ចាស់ផ្ទះ​បាន​បន្ថែម មួយ​គ្រាប់​នៅ​ចុង​ម៉ោង ដែល​ធ្វើ​ឲ្យ​ម៉ាឡេស៊ី ទទួលបាន​ជ័យជម្នះ ៤​ទល់​០ តែម្ដង ។​

បន្ទាប់ពី​ការប្រកួត​ជា​មិត្តភាព​អន្តរជាតិ​នេះ​ក្រុម​ជម្រើសជាតិ​កម្ពុជា​នឹង​ត្រឡប់មក​បន្ដ​ប្រមូលផ្ដុំ​ហ្វឹកហាត់​ក្នុងស្រុក​វិញ ដើម្បី​ត្រៀម​ប្រកួត​ពានរង្វាន់ AFF Mitsubishi Electric Cup 2022 ដែល​កម្ពុជា ស្ថិតក្នុង​ពូ​ល A ជាមួយ​ថៃ ហ្វីលីពីន ឥណ្ឌូនេស៊ី និង​ប្រ៊ុយណេ ។ ក្នុង​កម្មវិធី​ប្រកួត​ជើងឯក​អាស៊ាន​នេះ កម្ពុជា​ត្រូវ​បើកទ្វារ​ពហុ​កីឡដ្ឋាន​ជាតិ​មរតក​តេ​ជោ ទទួល​ហ្វីលីពីន នា​ថ្ងៃទី​២០​ធ្នូ មុន​ជួប​ឥណ្ឌូនេស៊ី ក្រៅ​ដី នា​ថ្ងៃទី​២៣ ខែធ្នូ ។ បន្ទាប់មក កម្ពុជា​នឹងត្រូវ​បើកទ្វារ​ផ្ទះ​ជាថ្មី ទទួល​ប្រ៊ុយណេ នា​ថ្ងៃទី​២៩​ធ្នូ មុន​ការប្រកួត​បញ្ច​ប់ពូ​ល ជាមួយ​ក្រុម​ម្ចាស់ផ្ទះ​ថៃ នា​ថ្ងៃទី​០២ ខែមករា ឆ្នាំ​២០២៣ ខាងមុខ ៕​/R