​ប្រែ​សម្រួលៈ​បំណង​(​ស្ត្រេត​ថែមស៍​)៖ ក្នុង​សន្និសីទកាសែត​ជាមួយ​ប្រធាន​ស្ថាប័ន​សេដ្ឋកិច្ច​ធំៗ​កាលពី​ថ្ងៃ​សុក្រ នាយក​គ្រប់គ្រង​អង្គការ​រូបិយវត្ថុ​អន្តរជាតិ​(IMF)​បាន​សរសើរ​ចំណា​ត់ការ​ដាច់​ណាត់​របស់​ចិន​​ក្នុងការ​ងាក​ចេញពី​គោលនយោបាយ​សូន្យ​កូវី​ដ​ដ៏​តឹងតែង​របស់ខ្លួន​។​

​រដ្ឋាភិបាល​ទីក្រុង​ប៉េកាំង​កាលពី​ថ្ងៃ​ពុធ​បាន​បន្ធូរបន្ថយ​វិធា​ការគ្រប់គ្រង​កូវី​ដ​១៩ ដោយ​បញ្ចប់​ការបិទ​ខ្ទប់​ទ្រង់ទ្រាយ​ធំ​និង​អនុញ្ញាត​អោយ​អ្នក​កើតកូ​វីដ​ស្រាលៗ​ខ្លះអាច​ធ្វើ​ចត្តា​ឡីស័​កនៅ​តាម​ផ្ទះ បន្ទាប់​ពី​​ផ្ទុះ​ការតវ៉ា​ពាស​ពេល​ប្រទេស​ប្រឆាំងនឹង​ការ​អនុ​វុត្ត​វិធានការ​ទប់ស្កាត់​កូវី​ដ​តឹងរឹង​និង​យូរ​ជាង​គេ​ក្នុង​លោក​។​

​នាយក​IMF​លោកស្រី គ្រី​ស្តាលី​ណា ហ្ស​រហ្ស៊ី​វ៉ា​(Kristalina Georgieva)​បាន​និយាយថា​«​យើង​ស្វាគមន៍​ខ្លាំងណាស់​ចំណាត់ការ​ប្រកាន់​យក​ដោយ​អាជ្ញាធរ​ចិន​…​ដើម្បី​កែសម្រួល​គោលនយោបាយ​កូវី​ដ​​ដោយសារ​វានឹង​បង្កើត​កំលាំង​ជំរុញ​កាន់តែ​ប្រសើរ​សំរាប់​ការរស់រាន​នៃ​កំណើន​សេដ្ឋកិច្ច​ចិន​»​។​

​លោកស្រី​បាន​បន្ថែមថា កិច្ច​ខិតខំ​ជំរុញ​ការចាក់​វ៉ាក់សាំង​និង​ការព្យាបាល​ប្រឆាំង​វីរុស​«​ល្អ​ខ្លាំងណាស់​សំរាប់​ប្រជាជន​ចិន តែ​ក៏​សំខាន់​សំរាប់​អាស៊ី​និង​ផ្នែក​ផ្សេង​ទៀតនៃ​ពិភពលោក​ដែរ​។​កំរិត​ប្រតិបត្តិ​រប​​ស់​ចិន មិន​ត្រឹមតែម៉ែត្រ​វាស់​សំរាប់​ចិន តែ​សេដ្ឋកិច្ចពិភពលោក​ទាំង​មូល​ផងដែរ​»​។​

​នាយក​IMF​លោកស្រី គ្រី​ស្តាលី​ណា ហ្ស​រហ្ស៊ី​វ៉ា​

​សូមបញ្ជាក់​ថា សេដ្ឋកិច្ច​សកល​ត្រូវ​ធ្វើ​អោយ​កក្រើក​នៅ​ឆ្នាំ​នេះ​នៅពេល​រុស្ស៊ី​បើក​ប្រតិបត្តិការ​សឹក​ចូល​អ៊ុ​យក្រែន បន្ថែម​លើ​ការ​រើប​រើ​ក្រោយ​កូ​វីដមិន​នឹងនរ​ រួមនឹង​ការចំណាយ​លើ​ការរស់នៅ​កើនឡើង​ខ្ពស់​​នៅក្នុង​ប្រទេស​ជាច្រើន​។​

​លោក ង៉ូ​ហ្ស៊ី អូ​កូនចូ​-​អ៊ី​វីឡា​(Ngozi Okonjo-Iweala)​អគ្គនាយក​អង្គការ​ពាណិជ្ជកម្ម​ពិភពលោក​ក៏​បាន​និយាយ​នៅក្នុង​សន្និសីទ​កាសែត​នេះ​ថា ការដកចេញ​វិធានកា​រសូន្យ​កូវី​ដ​«​នឹង​ជួយ​ដកចេញ​​ភាពមិនប្រាកដប្រជា​មួយ​»​នៅក្នុង​លោក​ដែល​កំពុង​ទន់​ដៃ​ជើង​បណ្តាលមកពី​ផល​នៃ​ជំងឺឆ្លង សង្គ្រាម​អ៊ុយ​ក្រែ​ន​និង​ការប្រែប្រួល​អាកាសធាតុ​។​

​ចំណែក​អគ្គលេខា​អង្គការ​សំរាប់​ការអភិវឌ្ឍ​និង​កិច្ចសហការ​សេដ្ឋកិច្ច​(OECD)​លោក ម៉ា​ធៀ​ស ខ័រ​មែន​( Mathias Cormann)​បាន​និយាយថា «​ការកែសម្រួល​វិធានការ​នេះ​នឹង​គាំទ្រ​កម្លាំង​រើប​រើ​ឡើង​​វិញ​ទាំង​នៅ​ចិន​និង​សកលលោក​»៕