​ប្រែ​សម្រួលៈ​បំណង​(​ដេល្លី​ម៉េល​)៖ អ្នកគាំទ្រ​ជិត​១០០.០០០​នាក់​នៃ​គណបក្សប្រឆាំង​ធំ​បំផុត​របស់​បង់​ក្លា​ដែស បាន​បង្ហាញ​ខ្លួន​នៅ​ទីក្រុង​ដា​ក្កា​(Dhaka)​​កាល​ពី​ថ្ងៃសៅរ៍ ដើម្បី​ប្រឆាំង​​រដ្ឋាភិបាល​របស់​នាយ​ក​រដ្ឋមន្ត្រី សេក ហា​ស៊ីណា​(Sheikh Hasina)​ហើយ​ទាមទារ​ធ្វើការ​បោះឆ្នោយជាថ្មី​។​

​ពួក​គេ​ស្រែក​ថា​«​សេក ហា​ស៊ីណា ជា​ចោរ​លួច​សម្លឹកឆ្នោត​»​។​

​សមាជិកសភា​គណបក្ស​ជាតិនិយម​បង់​ក្លា​ដែស​(BNP)​ទាំង​ប្រាំ​ពីររូបក៏​បាន​ប្រកាស​លាឈប់​ពី​សភា ដែល​នាំ​អោយ​សភា​បង់​ក្លា​ដែស​ក្លាយ​ជា​សភា​ប្រថាប់ត្រា ដោយសារ​តែ​គណបក្សរ​បស់​លោកស្រី ហា​ស៊ីណា​​កាន់កាប់​សម្លេង​ភាគ​ច្រើន​ជាង​ពីរ​ភាគ​បី​ក្នុង​សភា​។​

​ក្នុងពេល​ជាមួយគ្នា បណ្តា​រដ្ឋាភិបាល​លោកខាងលិច​និង​អាម៉េរិក​បាន​សម្តែង​ការព្រួយបារម្ភ​អំពី​បរិយាកាស​នយោបាយ​នៅក្នុង​ប្រទេស​អាស៊ី​ខាងត្បូង​មួយ​នេះ​។​

​បង់​ក្លា​ដែស​ជា​ប្រទេស​មានកំណើ​ន​សេដ្ឋកិច្ច​លឿន​បំផុត​មួយ​នៅ​អាស៊ី តែ​សង្គ្រាម​អ៊ុយ​ក្រែន​បាន​បង្ខំ​អោយរ​ដ្ឋ​ផ្អាក​ការនាំ​ចូល​ហ្គាស​និង​ប្រេង​នៅពេល​ការ​កាត់​ផ្តាច់ការ​ផ្គត់ផ្គង់​ចរន្តអគ្គិសនី​និង​ការឡើង​​ថ្លៃទំនិញ​បង្កអោយមាន​បាតុកម្ម​នៅ​ប៉ុន្មាន​ខែ​ចុងក្រោយ​នេះ​។​

​ប្រាក់​តា​ការបស់បង់​ក្លា​ដែស​ចុះ​ថ្លៃ​២៥​ភាគរយ​នាំអោយ​ថ្លៃ​នាំចូល​ស្បៀង​កើនឡើង​ខ្លាំង​ដោយ​ប៉ះពាល់​ប្រជាជន​ក្រីក្រ​និង​អ្នកមាន​ចំណូល​ក្រោម​មធ្យម​។​

​អ្នករត់​កង់​បី​ម្នាក់​ឈ្មោះ​រូស​សែ​ល មៀ​(Russel Miah)​បាន​ចូលរួម​ក្នុង​ការជួបជុំ​តវ៉ា​ដើម្ប​សម្តែង​កំហឹង​ចំពោះ​ទំនិញ​ឡើងថ្លៃ ដែល​នាំអោយ​លោក​ពិបាក​រក​ប្រាក់​ផ្គត់ផ្គង់​អាហារ​បី​ពេល​ដល់​សមាជិក​គ្រួ​​សារ​។​

​នាយករដ្ឋមន្ត្រី សេក ហា​ស៊ីណា កំពុង​ប្រឈម​រលក​បាតុកម្ម​ប្រឆាំង​រដ្ឋាភិបាល​របស់​លោក​ស្រី​

​មន្ត្រី​បក្ស​BNP​បាន​និយាយថា​មនុស្ស​រាប់​ម៉ឺន​នាក់​បាន​ចូលរួម​ការតវ៉ា​ប្រឆាំង​កាលពី​ព្រឹក​ថ្ងៃ​សៅរ៍ តែ​ទូរទស្សន៍​ប្រាំ-​ប្រាំមួយរប​ស់​បង់ក្លា​ដែសអត់​មាន​មួយណា​ផ្សាយ​ព្រឹត្តិការណ៍​នេះ​ទេ ដោយ​គេ​​សង្ស័យថា​អាជ្ញាធរ​ដាក់​សម្ពាធ​លើ​ស្ថានីយ​ទូរទស្សន៍​ទាំង​នេះ​កុំអោយ​ផ្សាយ​។

​ភាព​តានតឹង​នយោបាយ​បាន​កើន​ឡើង​បន្ទាប់ពី​កងកម្លាំង​សន្តិសុខ​សំរុកចូល​ស្នាក់ការ​បក្សប្រឆាំង​កាលពី​ថ្ងៃ​អង្គារ ដោយ​បណ្តាលអោយ​ស្លាប់​មនុស្ស​ម្នាក់​និង​របួស​ជាច្រើន​នាក់​។​មេដឹកនាំ​ជាន់ខ្ពស់​ពីរ​​រូប​របស់​បក្ស​ប្រឆាំង​ក៏​ត្រូវបាន​ចាប់ខ្លួន​កាលពី​ថ្ងៃ​សុក្រ​ពីបទញុះញង់​អោយមាន​អំពើហិង្សា ។​សូមបញ្ជាក់ថាសកម្មជន​និង​អ្នកគាំទ្រ​បក្សប្រឆាំង​ប្រមាណ​២.០០០​នាក់​ត្រូវបាន​ចាប់ឃុំខ្លួន​ចាប់តាំងពី​ថ្ងៃ​៣០​វិច្ឆិកា ដើម្បី​រារាំង​កុំអោយ​មាន​បាតុកម្ម​ប្រឆាំង​រដ្ឋាភិបាល​។​

​ក្រុម​ប្រឆាំង​បាន​ធ្វើ​ការប្រឆាំង​តវ៉ា​នៅ​ពាសពេញ​ប្រទេស​ហើយ​លោក​ស្រី​ហា​ស៊ីណា​បាន​ច្រាន​ចោល​ការទាមទារ​អោយ​លោកស្រី​ចុះចេញ​ពី​តំណែង​និង​ធ្វើ​ការបោះឆ្នោត​នៅក្រោម​រដ្ឋាភិបាលចាំផ្ទះ​មួយ​៕