​ឆ្នាំជូត​

 

​រាសី​ខ្ពស់ត្រដែត​។​ទាំង​ស្ត្រី​បុរស​ការរស់នៅ​ត្រូវ​ចេះ​សម្លឹង​ឱ្យ​ឆ្ងាយ និង​ត្រូវ​ចេះ​គន់គូរ​មើលមុខ​របរ​ថ្មីៗ​បន្ថែមទៀត​ជីវិត​នឹង​ល្អប្រសើរ​ជាង​នេះ​។​លោកអ្នក​អាច​ទទួលដំណឹង​ល្អ ឬ ធ្វើ​អ្វី​តែងមាន​ភ្លើង​សញ្ញា​ពណ៌​បៃតង​រង់ចាំ​ជានិច្ច​។​ចំពោះ​ការប្រកប​របរ​រកស៊ី​ជួញដូរ​លោកអ្នក​អាច​បោះទុន​រកស៊ី​ចូល​ហ៊ុន​ជាមួយ​អ្នកដទៃ​ដោយ​អាច​ទទួល​ផ្លែផ្កា​មកវិញ​គួរ​ជាទី​ពេញចិត្ត ហើយ​បើ​លោកអ្នក​ចង់​ជួញដូរ​ផ្លូវ​ឆ្ងាយ​ក៏​តែង​ហុច​ផ្លែផ្កា​ដូច​ការគ្រោងទុក​គួរសម​ដែរ​។
រីឯ​បញ្ហា​ស្នេហា​កំលោះ​ក្រមុំ​បើ​មានការ​ទុំ​ជោរ​ហើយ ជា​ឱកាសល្អ​ក្នុងការ​ផ្សំផ្គុំ​ជា​គ្រួសារ​ផង​៕

 

​ឆ្នាំឆ្លូវ​

 

​រាសី​ល្អជា​មធ្យម​។​ការធ្វើដំណើរ​ទៅណា​មក​ណា​គប្បី​មានការ​ប្រយ័ត្នប្រយែង​មិនអាច​ប្រមាថ​បានទេ​ព្រោះ​អាច​ជះឥទ្ធិពល​អាក្រក់​ណាមួយ​មកវិញ​។​ក្នុងថ្ងៃនេះ​លោកអ្នក​គួរ​ប្រយ័ត្នប្រយែង​រឿង​ឯកសារ​ឬ​កិច្ចការ​ផ្សេងៗ​ព្រោះ​ងាយ​ភ្លាំងភ្លាត់​និង​បាត់បង់​ណាស់​។​សម្រាប់​អ្នក​ប្រកប​របរ​រកស៊ី​ជួញដូរ​ការរក​ផល​ចំណូល​ជួប​ស្ថានភាព​តានតឹង​បន្តិច​តែ​យ៉ាងណា​ប្រាក់ចំណូល​មាន​ហូរ​ចូល​មួយៗ​គ្រាន់​ចិញ្ចឹម​ឆ្នាំងបាយ​អញ្ចឹង​ដែរ​។​
រីឯ​បញ្ហា​សេចក្តីស្នេហា​ប្រុស​ស្រី​កុំ​គប្បី​យក​ភាព​ប្រចែប្រច័ណ្ឌ​ដាក់ខ្លួន​ច្រើន​នាំ​កើត​តែ​រឿង​រាវ​រកាំរកូស​ប៉ុណ្ណោះ​៕

​ឆ្នាំខាល​

 

​រាសី​ល្អជា​មធ្យម​។​ថ្ងៃនេះ​ការធ្វើដំណើរ​ទីជិត​ឆ្ងាយ​ចូរ​ប្រយ័ត្ន​ពេលយប់​ព្រលប់​ព្រោះ​ងាយ​រងគ្រោះ​ដោយសារ​ក្រុមមនុស្ស​បៀតបៀន​យាយី​។​លោកអ្នក​បើ​មាន​គម្រោង​ចង់​ធ្វើ​អ្វីមួយ​ឬ​សម្រេចចិត្ត​ចង់​ប្រកប​កិច្ចការ​អ្វី​គប្បី​ប្រយ័ត្នប្រយែង​ពីព្រោះ​ងាយ​ជួប​គ្រោះ​ចាញ់បោក​គេ​ជាង​សព្វមួយដង​។​សម្រាប់​អ្នក​ប្រកប​របរ​រកស៊ី​ជួញដូរ​ត្រូវ​លៃលក​គិតគូរ​បញ្ជី​ប្រាក់កាស​ឱ្យបាន​ច្បាស់លាស់ ហើយ​ត្រូវ​ទូទាត់​ឱ្យ​រួចរាល់​ប្រយ័ត្ន​កើត​ជម្លោះ​វិវាទ​ដោយ​ប្រការ​ណាមួយ​។​
រីឯ​បញ្ហា​សេចក្តីស្នេហា​កំលោះ​ក្រមុំ​មានការ​លូតលាស់​ទៅមុខ​ល្អ​តែ​ក៏​ងាយ​ថយក្រោយ​ណាស់ដែរ​គួរ​ប្រយ័ត្នប្រយែង​៕

 

​ឆ្នាំថោះ​

 

​រាសី​ខ្ពស់ត្រដែត​។​ក្នុងថ្ងៃនេះ​ដួង​រាសី​ល្អប្រសើរ ដូចនេះ​បើ​ចង់​ទំនាក់ទំនង​ជាមួយ​សាច់ញាតិ ឬ សូម្បីតែ​អ្នកដទៃ តែងមាន​ការសហការ​ពី​ភាគី​ម្ខាង​ទៀត​យ៉ាង​ល្អ​។​សម្រាប់​កិច្ចការងារ​ថ្មី​ចាស់​បើ​មានការ​សម្រុក​ឬ​ព្យាយាម​ពុះពារ​ក៏​តែង​អាច​ទម្លុះទម្លាយ​សម្រេច​ជោគជ័យ​ផងដែរ​។​អ្នក​អាជីវករ​ទោះ​មានការ​ជួញ​ទីជិត​ឆ្ងាយ​តែង​អាច​ប្រមូល​ភោគផល​ចូល​ផ្ទះ​វិញ​គ្រាន់​គាប់ប្រសើរ​។
សម្ព័ន្ធ​ស្នេហា​កំលោះ​ក្រមុំ​ឬ​ពោះម៉ាយ​មេម៉ាយ​ក្តី មាន​ភាព​ផ្អែមល្ហែម និង​ស្រស់ស្រាយ​ចំពោះ​គ្នា​ប្រពៃ​ណាស់​៕

 

​ឆ្នាំរោង​

 

​រាសី​ល្អជា​មធ្យម​។​ក្នុងថ្ងៃនេះ​បើទោះបី​ធ្វើ​អ្វី​ក៏ដោយ​លោកអ្នក​តោង​តែ​ប្រយ័ត្ន​ពីព្រោះ​ធ្វើ​អ្វីៗ​ពុំ​សូវ​សម្រេច និង មានការ​រាំងស្ទះ​ច្រើន​។​ក្នុង​ពេលនេះ​បើទោះបី​មានការ​សម្រាក​ខ្លះៗ ក្តី​លោកអ្នក​មិន​គប្បី​សេពគប់​ល្បែងស៊ីសង​ឡើយ បើ​ពុំ​នោះទេ ប្រយ័ត្ន កើត​ឧបទ្រពចង្រៃ​កើត​តែ​រឿង​រាវ​ប្រទាំង​ប្រទើស​។​អ្នក​អាជីវករ​មានការ​ទិញ​ចូល​លក់​ចេញ​គ្រាន់​រស់​រវើក​គួរសម ហើយ​បើ​ចង់​ជួញ​ទីជិត​ឆ្ងាយ​ឃើញថា​ផល​កម្រៃ​ឆ្លើយតប​ក៏​គួរ​ជាទី​ពេញចិត្ត​។​
រីឯ​បញ្ហា​សេចក្តីស្នេហា​កំលោះ​ក្រមុំ​កុំ​គប្បី​មានការ​ជ្រួលជ្រើម​ខុស​បែបបទ​ប្រយ័ត្ន​ការសប្បាយ​ក្លាយជា​ទុក្ខ​វិញ​៕

 

​ឆ្នាំម្សាញ់​

 

​រាសី​ល្អជា​មធ្យម​។ អំឡុង​ពេលនេះ​បើទោះបី​លោក​អ្នកមាន​ប្រាក់កាស​ច្រើន​ក៏ដោយ​កុំ​សូវ​ចិត្តល្អ​ឱ្យគេ​ខ្ចី​ពេក​ប្រយ័ត្ន​ជួប​រឿង​ដូច​ពា​ក្ស​ចាស់​ថា ”​ខ្ចី​ធូរ​ឯ​ការសង​មកវិញ​តឹង​ដូច​អូស​ឫស្សី​បញ្ច្រាស​ចុង​”​។​នៅថ្ងៃនេះ​លោកអ្នក​គប្បី​មានការ​ប្រយ័ត្នប្រយែង​ទៅលើ​កិច្ចការងារ​បន្តិច​ពីព្រោះថា​ងាយ​កើត​បញ្ហា​ថ្នាំងថ្នាក់​ជាមួយ​អ្នកដទៃ​ជាង​សព្វមួយដង​។​សម្រាប់​អ្នក​ប្រកប​របរ​រកស៊ី​ជួញដូរ​លោកអ្នក​ជួប​រឿង​ចំណូល​តិច ឯ​ការចាយវាយ​វិញ​ចោមរោម​គ្រប់ទិសទី​ឥត​ស្រួល​ចិត្ត​ប៉ុន្មាន​ឡើយ​។​
​រីឯ​បញ្ហា​ស្នេហា​កំលោះ​ក្រមុំ​មានការ​រីកលូតលាស់​ទៅមុខ​យឺត​តែ​ងាយ​ថយក្រោយ​ណាស់​គប្បី​មានការ​ប្រយ័ត្នប្រយែង​ជម្លោះ​វិវាទ​៕

 

​ឆ្នាំមមី​

 

​រាសី​ស្រុតចុះ​។​លោកអ្នក​អាច​ទទួលដំណឹង​មិនល្អ ឬ​បាន​ស្តាប់​នូវ​រឿង​រាវ​អាក្រក់​ណាមួយ ម្ល៉ោះហើយ​ត្រូវធ្វើ​មិនដឹងមិនឮ​ទើ​ប្រសើរ​។​ក្រៅពីនេះ​ក៏​ឱ្យ​លោកអ្នក​ប្រយ័ត្នប្រយែង​បញ្ហា​រោគ​ជំងឺ​បៀតបៀន​យាយី​ផងដែរ​។​នៅថ្ងៃនេះ​មាន​បញ្ហា​រាំងស្ទះ​ខ្លះៗ​យាយី ហេតុនេះ​បើ​មានការ​ប្រឹងប្រែង​តែង​ទទួលជោគជ័យ​ត្រឡប់មកវិញ​។​សម្រាប់​អ្នក​ប្រកប​របរ​រកស៊ី​ជួញដូរ​មានការ​ជឿនលឿន​ទៅមុខ​តិចតួច ហើយ​បើ​ថយក្រោយ​នោះ​ក៏មាន​ច្រើន​។
​រីឯ​បញ្ហា​សេចក្តីស្នេហា​កំលោះ​ក្រមុំ​មានការ​ងាយ​ទាំង​ផ្អែមល្ហែម ហើយក៏​ងាយ​កើតរឿង​រាវ​ទាស់ទែង​៕

 

​ឆ្នាំមមែ​

 

​រាសី​ល្អជា​មធ្យម​។​លោកអ្នក​ត្រូវតែ​ចេះ​បែងចែក​ល្អ និង​អាក្រក់​ឱ្យបាន​ត្រឹមត្រូវ​ពិសេស​ទាំង​ញាតិមិត្ត​បងប្អូន​និង​មិត្តភក្តិ​បើ​ពុំនោះ​នឹង​ជួប​ផល​លំបាក​ត្រូវ​រែកពន់​នាគ្រា​ខាងមុខ​ពុំខាន ។​ការប្រកប​ការងារ​នៅថ្ងៃនេះ​វិញ​ឃើញថា​បញ្ហា​ការងារ​ជួប​ស្ថានភាព​តានតឹង ហើយ​បើ​ធ្វើ​ខុស​មាន​ក្រុមមនុស្ស​លួច​ជាន់ក​បន្ថែ​ទៀត​។​អ្នកធ្វើ​ជំនួញ​វិញ​មាន​ភាព​សោះកក្រោះ​មិន​សម្បូ​ណ៍​អតិថិជន​ឡើយ ហើយ​អ្នកខ្លះ​ដូច​ពាក្យចាស់​ថា​”​រក​អង្ករ​ច្រក​ឆ្នាំង​សឹង​ថា​មិន​គ្រប់​ផង​”​។
សម្ព័ន្ធ​ស្នេហា​កំលោះ​ក្រមុំ​បើ​ចង់​បែកបាក់​អំឡុងពេល​នេះ​មិន​ងាយ​ចប់​ទេ ពិសេស​កើតមាន​បញ្ហាលំបាក​នាពេល​ក្រោយ​ថែមទៀត​៕

 

​ឆ្នាំវក​

 

​រាសី​ល្អជា​មធ្យម​។​នៅថ្ងៃនេះ​បើ​លោកអ្នក​ចង់​ជួប ឬ ដោះស្រាយ​ជម្លោះ​វិវាទ​យូរ​មក ក៏​ជាការ​ប្រសើរ​ហើយពី​ព្រោះថា​តែង​សម្រេច​ដូច​គាប់​បំណង​គ្រាន់​កក់ក្តៅ​ផងដែរ​។​អ្នក​ប្រកបការងារ​វិញ​មាន​ភាព​ភ្លឺ​ថ្លា​គ្រាន់បើ ហើយ​ចង់​ចេញដំណើរ​ឆ្ងាយ​ក៏​តែងមាន​ភាពជោគជ័យ​ច្រើន​ត្រឡប់មកវិញ​។​អ្នកធ្វើ​ជំនួញ​មាន​សភាព​រលូន​ល្អ​គួរសម ឯ​ផល​កម្រៃ​ទោះ​មិន​ច្រើនតែ​ក៏មាន​ភាព​សុខដុម​ប្រពៃ​។​
បញ្ហា​ស្នេហា​កំលោះ​ក្រមុំ​ជា​ពេលវេលា​រៀបចំ​គ្រួសារ និង​ការ​ចូលដល់​ចាស់ទុំ​និយាយ​គ្នា​ហើយ​៕

 

​ឆ្នាំរកា​

 

​រាសី​អ្នក​ស្រុតចុះ​។​ថ្ងៃនេះ​លោកអ្នក​ឱ្យ​ប្រយ័ត្ន​រឿង​មួយ​គឺ​ការខូចខាត​ឬ​បាត់បង់​អ្វីមួយ ហើយ​ឱ្យ​ចងចាំ​ពាក្យចាស់​ថា​”​ប្រហែស​បាត់ ប្រយ័ត្ន​គង់​”​ទើប​មិនត្រូវ​សោកស្តាយ​នាពេល​ក្រោយ​។​ការប្រកប​ការងា​រវិ​ញ​មាន​បញ្ហា​លុកលុយ និង​ពិសេស​ក្រុមមនុស្ស​ចាំ​ចាប់កំហុស​និង​លួច​បន្ទោស​បង្អាប់​ប៉ុណ្ណោះ​។​អ្នក​ប្រកប​របរ​ទទួលទាន​មានការ​ខ្សត់ខ្សោយ​ចំណូល ហើយ​ចង់​ទិញ​ទំនិញ​សម្រា់ប​ស្តុក​ទុក​តែង​មិន​គាប់​ដូច​បំណង​ប៉ុន្មាន​ទេ​។​
​សម្ព័ន្ធ​ស្នេហា​កំលោះ​ក្រមុំ​មានដំណើរ​ថយក្រោយ​ងាយ​ទាំង​ជម្លោះ​វិវាទ​និង​ការបែកបាក់​ផង​៕

 

​ឆ្នាំច​

 

​រាសី​ខ្ពស់ត្រដែត​។​ដំណើរ​ជីវិត​ភ្លឺ​ថ្លា ឯ​បញ្ញា​ក៏​វាងវៃ ម្ល៉ោះហើយ​ចង់​ធ្វើ​អ្វី ឬ​ដោះស្រាយ​អ្វី​តែង​សម្រេច​ដូច​គាប់​បំណង​នោះ​ក៏មាន​ខ្ពស់​ដែរ​។​សម្រាប់​ការប្រកប​ការងារ​ប្រចាំថ្ងៃ​វិញ​លោកអ្នក​មិនត្រូវ​មានចិត្ត​ច្រើន ហើយ​កុំ​យក​ភាព​មួម៉ៅ​ក្តៅក្រហាយ​ដាក់ខ្លួន​ច្រើន​ដែរ បើ​ពុំ​នោះទេ​នឹង​មានតែ​រឿង​រាវ​មិនចេះចប់​ប៉ុណ្ណោះ​។​អ្នក​ប្រកប​របរ​រកស៊ី​ជួញដូរ​វិញ​បើ​លោកអ្នក​ចង់​បោះទុន​តូចធំ ឬ​ចង់​រកស៊ី​ចូល​ហ៊ុន​ជាមួយ អ្នកដទៃ​ត្រូវ​ចេះ ត្រួតពិនិត្យ ឱ្យបាន​គ្រប់​ជ្រុងជ្រោយ​បើ​ពុំ​នោះទេ​អាច​ជួប​ផល​អាក្រក់​ណាមួយ​នៅ​ថ្ងៃ​ខាងមុខ​។​
សម្ព័ន្ធ​ស្នេហា​ប្រុស​ស្រី​មានការ​លូតលាស់​ទៅមុខ​ព្រោះតែ​មានការ​យកចិត្តទុកដាក់​គ្នា​ប្រសើរ​ឡើងវិញ​៕

 

​ឆ្នាំកុរ​

 

​រាសី​ល្អជា​មធ្យម​។ ក្នុងថ្ងៃនេះ​បើ​លោកអ្នក​សម្រេចចិត្ត​អ្វីមួយ​ងាយ​ជះ​ផល​អាក្រក់​មកវិញ​ណាស់​គប្បី​ថ្លឹងថ្លែង​គ្រប់​ជ្រុងជ្រោយ​ទើប​ពុំមាន​បញ្ហា​ចោទឡើង​។​អ្នក​ប្រកបការងារ​មានការ​លូតលាស់​យឺត ហើយ​ឱ្យ​ប្រយ័ត្ន​ក្រុមមនុស្ស​ជាស​ត្រូវ​លាក់​មុខ​ទម្លាក់កំហុស​ទុកឱ្យ​ដោយ​ប្រការ​ណាមួយ​។​អ្នក​ប្រកប​របរ​លក់ដូរ​មានការ​តានតឹង​ក្នុងការ រក​ចំណូល ហើយ​បើ​ចង់​ទិញ​ទំនិញស្តុក​ទុក​ច្រើនតែ​មិនសូវ​ដូច​គាប់​បំណង​ទេ​។​
​សម្ព័ន្ធ​ស្នេហា​កំលោះ​ក្រមុំ កុំ​លង់លក់​តែ​រឿង​ស្នេហា​ត្រូវ​រក​ពេលវេលា​បំពេញការងារ ឬ រៀនសូត្រ​ឱ្យបាន​ច្រើន​ទើប​ជីវិត​ថ្លៃថ្លា​ទៅ​គ្រា​ខាងមុខ​៕