ប្រែ​សម្រួលៈ​បំណង​(​ដេល្លី​ម៉េល​)៖​កាំ​ជ្រួច កាំភ្លើង​ធំ​និង​ដ្រូ​ន​រុស្ស៊ី​បាន​វាយប្រហារ​គោលដៅ​នានា​នៅ​អ៊ុយ​ក្រែន​ខាងកើត​និង​ខាងត្បូង នៅពេល​មហាអំណាច​សេដ្ឋកិច្ច​លោក​ខាងលិចបាន​សន្យា​បង្កើន​​សមត្ថភាព​យោធា​របស់​អ៊ុយ​ក្រែន​ដោយ​ផ្តោត​លើ​ការការពា​រដែន​អាកាស​។​

​ក្រុម​ប្រទេស​មាន​ឧស្សាហកម្ម​ជឿនលឿន​ទាំង​ប្រាំពីរ​ហៅថា​G7​បាន​សន្យា​«​បំពេញ​តាម​ការទាមទារ​បន្ទាន់​របស់​អ៊ុ​យក្រែន​»​បន្ទាប់​ពី​ប្រធានាធិបតី​វ៉ូ​ឡូ​ឌី​មៀ ហ្សេ​ឡេន​ស្គី អំពាវនាវ​អោយ​G7​បើក​កិច្ច​ប្រ​​ជុំ​ដើម្បី​ផ្តល់​រថក្រោះ​ទំនើប កាំភ្លើង​ធំ​និង​សព្វាវុធ​ចម្ងាយ​ឆ្ងាយ​​សំរាប់​ទប់ទល់​​រុស្ស៊ី​។​

​លោក​ហ្សេ​ឡេន​ស្គីក៏​បាន​ទទូច​សុំ​G7​ជួយ​ផ្តល់​ហ្គាស​ដល់​អ៊ុយ​ក្រែន​ចំនួន​២​លាន​ម៉ែត្រត្រីគុណ​ចំ​ពេល​ខ្លួន​ខ្វះខាត​ថាមពល​ខ្លាំង​បំផុត នៅពេល​មនុស្ស​រាប់លាន​នាក់​កំពុង​រស់​ដោយ​គ្មាន​អគ្គិស​នី​និង​កំដៅ​​ចំ​ពេល​អាកាសធាតុ​ធ្លាក់​ចុះ​ក្រោម​សូន្យ​និង​រុស្ស៊ី​បន្ត​វាយ​ប្រហារ​លើ​ហេដ្ឋារចនាសម្ពន្ធ​សំខាន់ៗ​។​

​មេដឹកនាំ​G7​ក៏​បាន​សន្យា​ជួយ​អ៊ុយ​ក្រែន​ត្រៀម​ជម្នះ​ការលំបាក​ក្នុង​រដូវរ​ងារ​នេះ

​ក្នុងពេល​ជាមួយគ្នា ក្រុម​រដ្ឋមន្ត្រីការបរទេស​សហភាព​អឺរ៉ុប បាន​យល់ព្រម​ដាក់​ប្រាក់​២​ពាន់​លាន​អឺរ៉ូ​(២,១​ពាន់​លាន​ដុល្លារ​)​បន្ថែម​ទៅ​ក្នុង​មូលនិធិ​មួយ​ដែល​ប្រើ​សំរាប់​គាំទ្រ​យោធា​អ៊ុ​យក្រែន បន្ទាប់​ពី​លុយក្នុងមូល​​និធិ​នេះប្រើ​ជិត​អស់​។​

​មិន​មាន​កិច្ចពិភាក្សា​ស្វែងរក​សន្តិភាព​ណា និង​ក៏​មិន​មើល​ឃើញ​សញ្ញា​នៃ​ការបញ្ចប់​ជម្លោះ​ធំ​បំផុត​នៅ​អឺរ៉ុប​ចាប់តាំងពី​សង្គ្រាមលោកលើកទី​ពីរ​នេះ​នៅឡើយ​ទេ​។​ទីភ្នាក់ងារ​សារព័ត៌មាន​រុស្ស៊ី​RIA​បាន​ស្រង់​​សម្តី​រដ្ឋមន្ត្រីការបរទេស​រុស្ស៊ី​លោក សឺ​ហ្គេ វើ​ស៊ីនីន កាលពី​ថ្ងៃ​ចន្ទ​ដែលថា រុស្ស៊ី​មិនទាន់​បាន​ឃើញ​ការ​បោះដៃ​«​ដោយ​ស្ថាបនា​»​ណាមួយ​ពី​សហរដ្ឋ​អាម៉េរិក​អំពី​ជម្លោះ​អ៊ុយ​ក្រែន​នៅឡើយ​ទេ​។​

​ប្រធានាធិបតី​អាម៉េរិក​លោកចូ បៃ​ដិន កាលពី​ថ្ងៃអាទិត្យ​បាន​ប្រាប់​សម​ភាគី​អ៊ុយ​ក្រែនលោក​ហ្សេ​ឡេន​ស្គីថា អាទិភាព​របស់​រដ្ឋាភិបាល​ទីក្រុង​វ៉ាស៊ីនតោន​គឺ​ពង្រឹង​ការការពារ​ដែនអាកាស​អ៊ុ​យក្រែន ។​រីឯ​​លោក​ហ្សេ​ឡេន​ស្គី​បាន​អរគុណ​លោកបៃ​ដិន​ក្នុង​ការសន្ទនា​តាម​ទូ​រស័​ព្ទមួយ ចំពោះ​«​ជំនួយ​ហិរញ្ញវត្ថុ​និង​យោធា​ដ៏​ច្រើន​សន្ធឹកសន្ធាប់​មិន​ដែល​ធ្លាប់មាន​»​ដែល​អា​ម៉េរិក​បានផ្តល់​។​

​រដ្ឋមន្ត្រី​ការពារជាតិ​អង់គ្លេស​កាលពី​ថ្ងៃ​ចន្ទ​បាន​និយាយថា​លោក​នឹង​«​បើក​ចិត្ត​ទូលាយ​»​អំពី​ការផ្គត់ផ្គង់​អោយ​អ៊ុយ​ក្រែន​នូវ​កាំជ្រួច​ចម្ងាយ​ឆ្ងាយ​ដើម្បី​វាយប្រហារ​ទីតាំង​បង្ហោះ​ចេញ​ដ្រូ​ន​របស់​រុស្ស៊ី​ដែល​​បាន​បំផ្លាញ​ហេដ្ឋារចនាសម្ពន្ធ​អ៊ុ​យក្រែន បើសិនជា​រុស្ស៊ី​នៅ​បន្ត​វាយប្រហារ​តំបន់​ជន​ស៊ីវិល​រស់នៅ​។​

​រដ្ឋាភិបាល​ទីក្រុង​មូ​ស្គូ​តែងតែ​បដិសេធថា​ខ្លួន​មិន​បាន​ផ្តោត​ការវាយប្រហា​រលើ​ជន​ស៊ីវិល តែ​សង្គ្រាម​នេះ​បាន​ជម្លៀស​មន​ស្ស​រាប់លាននាក់​និង​សម្លាប់​ជន​ស៊ីវិល​រាប់ពាន់នាក់​៕

​នាយ​សេ​នាធការ​កងទ័ព​អ៊ុយ​ក្រែន​បាន​និយាយ​កាលពី​ថ្ងៃ​ចន្ទ​ថា កងកាំភ្លើងធំ​រុស្ស៊ី​បាន​វាយប្រហារ​ភូមិ​នៅ​តាម​ខ្សែត្រៀម​ជួរមុខ​ប្រមាណ​២០​ម្តុំ​ទី​ក្រុងបាក់​មុត​ដែល​ទាហាន​រុស្ស៊ី​ព្យាយាម​ដណ្តើម​គ្រប់​​គ្រង​។​ក្នុង​រូប កងកម្លាំង​អ៊ុយ​ក្រែន​នៅ​សមរភូមិឃើ​សុន ថយ​មក​សម្រាក​និង​ជួសជុល​សម្ភារ​សឹក​