​ប្រែ​សម្រួលៈ​បំណង​(​ដេល្លី​ម៉េល​)៖ មនុស្ស​បីនាក់​ត្រូវបាន​សម្លាប់​នៅ​ពេល​ខ្មាន់កាំភ្លើង​វាយប្រហារ​សណ្ឋាគារ​ពេញនិយម​មួយ​សំរាប់​អ្នកជំនួញ​ចិន នៅក្នុង​រដ្ឋធានី​កា​ប៊ុល​របស់​អា​ហ្វ​ហ្គានី​ស្ថាន​កាលពី​ថ្ងៃ​ចន្ទ ​ដោយ​សាក្សី​បាន​រាយការណ៍​អំពី​ការ​ផ្ទះ​ជាច្រើន​និង​កា​បាញ់កាំភ្លើង​នៅពេល​ក្រុម​រដ្ឋ​អ៊ីស្លាមមូលដ្ឋាន​ប្រកាស​ទទួលខុសត្រូវ​ថា​សមាជិក​ខ្លួន​ជា​អ្នកប្រព្រឹត្ត​។​

​គេ​អាច​មើល​ឃើញ​ផ្សែង​ហុយ​ចេញពី​អាគារ​សណ្ឋាគារ​Kabul Longan Hotel​នៅ​ក្រុង​កា​ប៊ុល​នៅ​ពេល​កង​សន្តិសុខ​តា​លី​បង់​បាន​ប្រញាប់ប្រញាល់​ទៅ​កាន់​កន្លែងកើតហេតុ​និង​បិទ​តំបន់​នោះ​មិន​​អោយ​មនុស្ស​ចេញ​ចូល​។​

​ក្រុម​តា​លី​បង់​បាន​អះអាង​ថា​សន្តិសុខ​ក្នុង​ប្រទេស​បាន​ល្អ​ប្រសើរ​ឡើង​ចាប់តាំងពី​ខ្លួន​វិល​មក​កាន់​អំណាច​វិញ​កាលពី​ខែ​សីហា​ឆ្នាំ​មុន​តែ​មាន​ការ​បំផ្ទុះ​គ្រាប់បែក​និង​ការវាយប្រហារ​ជា​ហូ​ហែរ​ដែល​ក្រុម​រដ្ឋ​​អ៊ីស្លាម​មូលដ្ឋាន​អះអាង​ទទួលខុសត្រូវ​។​

​ផ្សែងហុយ​ចេញពី​សណ្ឋាគារ​Kabul Longan Hotel​ដែល​ពេញនិយម​សំរាប់​ភ្ញៀវ​ចិន បន្ទាប់​ពី​ការវាយប្រហារ​កាលពី​ថ្ងៃ​ចន្ទ​

​អង្គការក្រៅរដ្ឋាភិបាល​មួយ​ដែល​បើក​ដំណើរការ​មន្ទីរពេទ្យ​មួយ​នៅ​ចម្ងាយ​ប្រមាណ​១​គីឡូម៉ែត្រ​ពី​កន្លែងកើតហេតុបាន​និយាយថា មនុស្ស​​២១​នាក់​ត្រូវបាន​បញ្ជូន​មក​ក្នុងនេះ​បីនាក់​ស្លាប់​ក្នុង​​ពេលមកដល់​ពេទ្យ​។​

​អ្នកនាំពាក្យ​ប៉ូលិស​ក្រុង​កា​ប៊ុល​បាន​និយាយថា ជន​វាយប្រហារ​បី​នាក់​ត្រូវបាន​សម្លាប់​និង​ជនសង្ស័យ​ម្នាក់​ត្រូវបាន​ចាប់ខ្លួន​ នៅពេលអ្នកនាំពាក្យ​ក្រុម​តា​លី​បង់​បាន​សរសេ​របង្ហ​ញ​ក្នុង​ទ្វីត​ធឺ​ថា «​ភ្ញៀវ​ទាំងអស់​​ត្រូវ​បាន​ជួយ​សង្គ្រោះ​និង​មិន​មាន​ជនបរទេស​ស្លាប់​ក្នុង​ហេតុការណ៍​នេះ​ទេ​។​ភ្ញៀវ​បរទេស​តែ​ពីរ​នាក់​បាន​រងរបួស​ដោយសារ​លោត​ពី​ជាន់​លើ​»​។​

​ក្រុម​រដ្ឋ​អ៊ីស្លាម​នៅក្នុង​សេចក្តីថ្លែងការណ៍​មួយ​កាលពី​ថ្ងៃ​ចន្ទ បាន​និយាយថា​សមាជិក​ខ្លួន​ពីរ​នាក់​បាន​វាយប្រហារ​សណ្ឋាគារ​ធំ​មួយ​ក្នុង​ទីក្រុង​កា​ប៊ុល ដែល​តែង​ជា​កន្លែង​ស្នាក់នៅ​របស់​អ្នក​ការទូត​និង​​អ្នករកស៊ី​ចិន​។​«​ពួកគេ​បាន​ចុច​បំផ្ទុះ​គ្រាប់បែក​ដែល​លាក់​ក្នុង​ស្បោង​ពីរ​។​ពួកគេ​ក៏​បាន​គប់​គ្រាប់បែកដៃ​ដាក់​ពួក​យុទ្ធជន​តា​លី​បង់ហើយ​បាញ់កាំភ្លើង​ដាក់​ភ្ញៀវ​នៅ​សណ្ឋាគារ​»​។​

​ចិន​ដែល​មាន​ព្រំដែន​ប្រវែង​៧៦​គីឡូម៉ែត្រ​ជាប់​អា​ហ្វ​ហ្គានី​ស្ថាន មិន​បាន​ទទួលស្គាល់​រដ្ឋាភិបាល​របស់​ក្រុមតា​លីបង់​ទេ តែ​ខ្លួន​ជា​ប្រទេស​មួយ​ក្នុងចំណោម​ប្រទេស​បួន​ប្រាំ​ដែល​នៅ​រក្សា​វត្តមាន​ការទូត​នៅ​​នី​នោះ​។​ការរក្សា​ស្ថិរភាព​ក្រោយ​កើត​មាន​សង្គ្រាម​រាប់​ទសវត្សរ៍​នៅ​អា​ហ្វ​ហ្គានី​ស្ថានជា​គោលដៅ​ធំ​មួយ​សំ​រាប់រដ្ឋាភិបាល​ទីក្រុង​ប៉េកាំង ដោយសារ​ខ្លួន​ស្វះស្វែង​ធានា​សន្តិសុខ​តាម​ព្រំដែន​និង​ការវិនិយោគ​​ហេដ្ឋារចនាសម្ពន្ធ​យុទ្ធសាស្ត្រ​នៅ​ប៉ាគី​ស្ថាន​ក្បែរ​នោះ​។​

​សូមបញ្ជាក់​ថា ចិន​ខ្លាចក្រែង​អា​ហ្វ​ហ្គានី​ស្ថាន​ក្លាយជា​ចំណុ​ចចាប់ផ្តើម​មួយ​សំរាប់​ពួក​បំបែក​ខ្លួន​អ៊ីស្លាម​អ៊ុយ​ហ្គួ​រនៅ​ស៊ី​ជាំ​ង​ធ្វើការ​វាយប្រហារ​លើ​អាជ្ញាធរ​ចិន​ តែ​ក្រុម​តា​លី​បង់​សន្យាថា​ខ្លួន​នឹង​មិន​​អោយ​អា​ហ្វ​ហ្គានី​ស្ថាន​ក្លាយជា​មូលដ្ឋាន​របស់​ក្រុម​សកម្មប្រយុទ្ធ​ណាមួយ​ឡើយ​៕