​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្រសួង​ពាណិជ្ជកម្ម​ចិន​បាន​និយាយថា ចិន​បាន​ចាប់ផ្តើម​បណ្តឹង​ពាណិជ្ជកម្ម​នៅ​អង្គការ​ពាណិជ្ជកម្ម​ពិភពលោក (WTO)​ប្រឆាំង​នឹង​សហរដ្ឋ​អាម៉េរិក​ជុំវិញ​​វិធានការ​ត្រួតពិនិត្យ​ការនាំ​ចេញ​បន្ទះ​ឈី​បរបស់ខ្លួន​។​

​សហរដ្ឋ​អាម៉េរិក​បានអនុម័ត​ប​ទប្ប​ញ្ញត្តិ​ដ៏​សម្បើម​មួយ​ក្នុង​ខែតុលា​ក្នុង​គោលបំណង​កាច់​បំបាក់​ឧស្សាហកម្ម​បន្ទះ​ឈីប​របស់​ចិន ជាហេតុ​ជំរុញ​ឱ្យមាន​ការតវ៉ា​ពី​ក្រុម​ពាណិជ្ជកម្ម​កំពូល​របស់​ចិន​។​

​សេចក្តីថ្លែងការណ៍​មួយ​របស់​ក្រសួង​ពាណិជ្ជកម្ម​ចិន បាន​ផ្សាយ​ថា “​ចិន​ចាត់វិធានការ​ផ្លូវ​ច្បាប់​នៅក្នុង​ក្រប​ខណ្ឌ WTO ជា​មធ្យោបាយ​ចាំបាច់​ដើម្បី​ដោះស្រាយ​កង្វល់​របស់​យើង​និង​ដើម្បី​ការពារ​​ផលប្រយោជន៍​ស្របច្បាប់​របស់​យើង​”​។​

​សេចក្តីថ្លែងការណ៍​បាន​បន្ថែមថា ការទប់ស្កាត់​របស់​ស​ហ​រដ្ឋ​អាម៉េរិក “​បាន​គំរាមកំហែង​ដល់​ស្ថិរភាព​នៃ​ខ្សែសង្វាក់​ផ្គត់ផ្គង់​ឧស្សាហកម្ម​សកល​”​។​

​អ្វី​ដែល​គេ​ហៅ​ថា​សំណើ​សម្រាប់​ការពិគ្រោះ​យោបល់​គឺ​ជា​ជំហាន​ដំបូង​ក្នុង​នីតិវិធី​ដ៏​វែង​មួយ​នៅ​ស្ថាប័ន​ពាណិជ្ជកម្ម​ពិភពលោក​មួយ​នេះ​។

​លោក អាដាម ហុក (Adam Hodge) អ្នកនាំពាក្យ​ការិយាល័យ​តំណាង​ពាណិជ្ជកម្ម​អាម៉េរិក​បាន​និយាយថា “​យើង​បាន​ទទួល​សំណើ​សម្រាប់​ការពិគ្រោះ​យោបល់​ពី (​សាធារណៈរដ្ឋ​ប្រជាមានិត​ចិន​) ទាក់ទង​នឹង​សកម្មភាព​មួយចំនួន​របស់​សហរដ្ឋអាម៉េរិក​ដែល​ប៉ះពាល់​ដល់​ឧបករណ៍ប​ន្ទះ​ឈីប​”​។​

​លោក​ហុក​បាន​និយាយ​នៅក្នុង​សេចក្តីថ្លែងការណ៍​តាម​អ៊ីមែល​ថា “​ដូចដែល​យើង​បាន​ប្រាស្រ័យ​ទាក់ទង​ជាមួយ​ចិន​រួចហើយ សកម្មភាព​គោលដៅ​ទាំងនេះ​គឺ​ទាក់ទង​នឹង​សន្តិសុខ​ជាតិ ហើយ WTO មិនមែន​ជា​វេទិកា​សមស្រប​ដើម្បី​ពិភាក្សា​អំពី​បញ្ហា​ទាក់ទង​នឹង​សន្តិសុខ​ជាតិ​នោះទេ​”​។​

​ពាក្យបណ្តឹង​របស់​ចិន​លើ​ការ​ទប់ស្កាត់​ការនាំ​ចេញ​បន្ទះ​ឈីប​របស់​សហរដ្ឋអាម៉េរិ​ក​បាន​កើតឡើង​ប៉ុន្មាន​ថ្ងៃ​បន្ទាប់ពី​សេចក្តីសម្រេច​របស់ WTO​ប្រឆាំង​នឹង​ទីក្រុង​វ៉ាស៊ីនតោន​នៅក្នុង​បណ្តឹង​ដាច់​ដោយ​​ឡែក​មួយ​អំពី​ពន្ធ​លោហៈ​ដែល​ត្រូវបាន​ប្តឹង​ដោយ​ចិន​ក្នុងចំណោម​ប្រទេស​ផ្សេង​ទៀត​។ សហរដ្ឋ​អាម៉េរិក ដែលជា​អ្នក​រិះគន់​ជា​ទៀងទាត់​លើ​ដំណើរកា​រ​មជ្ឈត្តក​ម្ម​របស់ WTO​បាន​ច្រានចោល​លទ្ធផល​​របស់ WTO៕

ចិន​ប្តឹង WTO ជុំវិញ​ការហាមឃាត់​នាំចេញ​បន្ទះ​ឈីប​ពី​សំណាក់​អាម៉េរិក