​ប្រែ​សម្រួលៈ​បំណង​(​ដេល្លី​ម៉េល​)៖ កងទ័ពអាកាស​អាម៉េរិក​បានសំរេច​ដោយជោគជ័យការសាកល្បង​កាំជ្រួច​លឿន​ជាង​សម្លេង​ដែល​ហោះ​លឿន​ជាង​សម្លេង​ប្រាំ​ដង​ចេញពី​យន្តហោះ​ទម្លាក់​គ្រាប់បែក​ខ្នាត​យក្ស​B-52​។​ការ​​សាកល្បង​ត្រូវបាន​ធ្វើឡើង​នៅ​ឆ្នេរ​រដ្ឋ​កាលីហ្វ័​រញ៉ា និង​ជា​ការសាកល្បង​សព្វាវុធ​កំពូល​លឿន​ចុងក្រោយ​មួយ​លើក​ទៀត​នៅពេល​អាម៉េរិក​ព្យាយាម​រក្សា​ការប្រកួតប្រជែង​ជាមួយ​គូប្រជែង​យុទ្ធសាស្ត្រ​ចិន​​និង​រុស្ស៊ី ខណៈ​សង្គ្រាម​អ៊ុយ​ក្រែន​កំពុងបន្ត​។​

​ការសាកល្បង​ពីមុន​ធ្វើឡើង​កាលពី​ខែ​មីនា ដោយ​យន្តហោះ​B-52​មួយ​បាន​បាញ់​កាំជ្រួច​ARRW​មួ​យ​ដើម​។​

​សេចក្តីថ្លែងការណ៍​មួយ​ចេញ​ពី​មូលដ្ឋាន​ទ័ពអាកាស​អ៊ី​កលី​ន​(Eglin)​បាន​និយាយថា​« យន្តហោះ​B-52H​មួយ បាន​បញ្ចេញ​សព្វាវុធ​ឆ្លើយតប​រហ័ស AGM-183A​ជា​លើកដំបូង​កាលពី​ថ្ងៃ​៩​ធ្នូ នៅលើ​ឆ្នេរ​​កាលីហ្វ័រ​ញ៉ា​ខាងត្បូង​។​វា​ជា​ការសាកល្បង​កាំជ្រួច​ប្រតិបត្តិការ​ពេញលេញ​លើកដំបូង ដោយ​ការសាក្ល្បង​មុនៗ​ផ្តោត​លើ​កំលាំង​ជំរុញ​របស់​វា​»​។​

​កងទ័ពអាកាស​អាម៉េរិក​បាន​ប្រកាសថា​ខ្លួន​បាន​សាកល្បង​ដោយ​ជោគជ័យ​កាំ​ជ្រួច​AGM-183Aកាលពី​ថ្ងៃ​៩​ធ្នូ

​កាំជ្រួច​របស់​ក្រុមហ៊ុន​ឡក់​ហ៊ី​ដ ម៉ា​ធី​ន​(Lockheed Martin)​ត្រូវបាន​រចនា​ឡើង​សំរាប់​ការហោះ​៨០០​គីឡូម៉ែត្រ​ក្នុង​ពេល​១០​នាទី​ពេល​វា​ត្រូវ​បាញ់​ចេញពី​យន្តហោះ B-52

​យោង​តាម​សេចក្តីថ្លែងការណ៍ ក្រោយ​យន្តហោះ​បញ្ចេញ​កាំជ្រួច វា​បាន​ហោះ​ក្នុង​លឿន​លឿន​ជាង​សម្លេង​ជាង​ប្រាំ​ដង បំពេញ​តាម​ផ្លូវ​ហោះ​និង​ផ្ទុះ​នៅ​តំបន់​កំណត់ទុក​មុន​មួយ​ដែល​វា​បញ្ជាក់​ថា​«​កាំជ្រួច​បំ​​ពេញគ្រប់​កម្មវត្ថុ​ដែល​ចង់បាន​ទាំងអស់​»​។​

​ឧត្តមសេនីយ៍ ចា​សុន បា​តូ​ឡូ​មី​( Jason Bartolomei)​នាយក​កម្មវិធី​អាវុធ​ក្នុង​កងទ័ពអាកាស​បាន​អួតអាង​អំពី​ល្បឿន​របស់​កាំជ្រួច និង​កម្មវិធី​ដែល​រុស្ស៊ី​បាន​យក​ទៅប្រើ​ក្នុង​សង្គ្រាម​អ៊ុ​យក្រែន​​រួចទៅហើយ​។​លោក​ថា «​ក្រុម​ARRW​បាន​រចនា​និង​សាកល្បង​ដោយ​ជោគជ័យ​កាំជ្រួច​លឿន​ជាង​សម្លេង​ក្នុង​រយៈពេល​ប្រាំ​ឆ្នាំ​មកនេះ។​ខ្ញុំ​មាន​មោទនភាព​ចំពោះ​ភាព​ស្វិតស្វាញ​និង​ការតាំង​ចិត្ត​របស់​ក្រុម ដែល​​សំខាន់​សំរាប់​យន្តហោះ​ប្រយុទ្ធ​របស់​យើង​»​។​

សូមបញ្ជាក់ថា ​រុស្ស៊ី​បាន​បាញ់​កាំជ្រួច​លឿន​ជាង​សម្លេង​ដាក់​គោលដៅ​មួយ​ចំនួន​ក្នុងប្រទេស​អ៊ុ​យក្រែន ហើយ​ចិន​ក៏​ត្រូវគេជឿថាបាន​សាកល្បង​សព្វាវុធ​លឿន​ជាង​សម្លេង​ផងដែរ នេះ​បើ​តាម​យោធា​អាម៉េរិក​។​ពួក​សមាជិក​សភា​អា​ម៉េ​​រិក​បារម្ភ​ខ្លាចក្រែង​អាម៉េរិ​កនៅ​ពីក្រោយ​រុស្ស៊ី​និង​ចិន ក្នុង​ការអភិវឌ្ឍ​សព្វាវុធ​លឿន​ជាង​សម្លេង​។​

​រុស្ស៊ី​ត្រូវគេ​ជឿ​ថា​បាន​ប្រើ​កាំជ្រួច​ធុន​លឿន​ជាង​សម្លេង​ក្នុង​សង្គ្រាម​អ៊ុ​យក្រែន រួម​មាន​ការវាយប្រហា​រលើ​ទីក្រុង​កំពង់ផែ​អូ​ដេសា​

តាមពិត ​អាម៉េរិក​មិនមែនជា​ប្រទេស​តែ​មួយ​ដែល​អភិវឌ្ឍ​សព្វាវុធ​លឿន​ជាង​សម្លេង ដែល​ល្បឿន​និង​កល​យុទ្ធ​ហោះ​របស់​វា​ពិបាក​នឹង​អាច​អោយ​រ៉ា​ដា​ចាប់​បាន​ដើម្បី​កាំជ្រួច​បាញ់​កំទេច​កណ្តាល​អាកាស​៕