​ប្រែ​សម្រួល : កញ្ញា​ដា​លី​ស (​ប៊ី​ប៊ីស៊ី​) ៖ ជីន (Jin) សមាជិក​ចាស់​ជាង​គេ​របស់​ក្រុម K-pop លំដាប់​កំពូល BTS បាន​ចូល​បម្រើ​យោធា ដែល​ជា​សមាជិក​ទី​មួយ​ដែល​ធ្វើ​ដូច្នេះ​។​

​តារាចម្រៀង​វ័យ ៣០ ឆ្នាំ​រូប​នេះ​បាន​បង្ហោះ​រូបថត​ខ្លួនឯង​ជាមួយនឹង​ការ​កាត់សក់​យោធា​ថ្មី មុនពេល​ចូល​បម្រើ​ការងារ​នៅ​ថ្ងៃ​អង្គារ​ទី​១៣​ធ្នូ​នេះ​។ រូបគេ​បាន​និយាយថា​”​វា​មើលទៅ​គួរ​ឱ្យ​ស្រលាញ់​​ជាង​អ្វីដែល​ខ្ញុំ​រំពឹងទុក​”​។​

​ខណៈ​តាមន័យ​បច្ចេកទេស​កូរ៉េខាងត្បូង​នៅតែ​ស្ថិត​ក្នុង​សង្គ្រាម​ជាមួយ​កូរ៉េខាងជើង បុរស​ដែល​មាន​កាយសម្បទា​ពេញលេញ​ទាំងអស់​ត្រូវ​តម្រូវឱ្យ​បម្រើ​ក្នុង​ជួរ​កងទ័ព​។​

​ជីន​បានចាប់ផ្តើម​ការហ្វឹកហ្វឺន​រយៈពេល​ប្រាំ​សប្តាហ៍​នៅ​ឯ​ជំរំ​មួយ​ក្បែរ​ព្រំដែន​កូរ៉េខាងជើង​។​

​បន្ទាប់​ពី​នេះ រូប​គេ​នឹង​ត្រូវ​ចាត់​ឱ្យ​ទៅ​បម្រើការ​នៅ​អង្គភាព​ជួរមុខ​។ ដំណឹង​នេះ​បាន​ធ្វើ​ឱ្យ​អ្នកគាំទ្រ​រាប់លាន​នាក់​របស់​គេ​មាន​ការភ្ញាក់ផ្អើល​យ៉ាងខ្លាំង​៕

ជីន​ចូល​បម្រើ​កងទ័ព​នៅ​ថ្ងៃ​អង្គារ​នេះ