​ប្រែ​សម្រួលៈ​បំណង​(​ស្ត្រេត​ថែមស៍​)៖​ប្រទេស​និង​ស្ថាប័ន​នៅ​ទូទាំង​ពិភពលោក​សរុប​ប្រមាណ​៧០​កាលពី​ថ្ងៃ​អង្គារ​បាន​សន្យា​ជួយ​ប្រាក់​ជាង​១​ពាន់​លាន​អឺរ៉ូ​(១,០៦​ពាន់​លាន​ដុល្លារ​)​ជា​ជំនួយ​បន្ទាន់​ដើម្បី​ជួយ​​អ៊ុយ​ក្រែន​ឆ្លងកាត់​រដូវរងារ​ដែល​សីតុ​ណ្ណ​ភាព​ធ្លាក់​ចុះ​ក្រោម​សូន្យ នៅពេល​កងកម្លាំង​អ៊ុយ​ក្រែ​ន​និង​រុស្ស៊ី​បន្ត​ប្រយុទ្ធ​គ្នា​ដ៏​ខ្លាំង​នៅ​ម្តុំ​ទី​ក្រុងបាក់​មុត​ភាគ​ខាងកើត និង​រុស្ស៊ី​បន្ត​បាញ់​បំផ្លាញ​ហេ​ដ្ឋា​រចនា​​សម្ពន្ធ​ថាមពល​និង​ស៊ីវិល​ផ្សេង​នៅក្នុង​ប្រទេស​អ៊ុ​យក្រែន​។​

​បារាំង​បាន​ទទួល​រៀបចំ​កិច្ចប្រជុំ​ពិភពលោក​នេះ​ដើម្បី​ពិភាក្សា​អំពី​អ្វី​ដែល​អាច​ផ្តល់​ពី​ពេល​ឥឡូវ​ដល់​ខែ​មីនា​ដើម្បី​រក្សា​ការផ្គត់ផ្គង់​ទឹក ស្បៀង ថាមពល សុខាភិបាល​និង​គមនាគមន៍​ក្នុងអំឡុង​រដូវរងារ​​នេះ​នៅ​អ៊ុ​យក្រែន​។​

​រដ្ឋមន្ត្រីការបរទេស​បារាំងលោកស្រី កា​ដឺ​រី​ន កូ​ឡូ​នណា​(Catherine Colonna)​បាន​និយាយថា​ទឹកប្រាក់​ជាង​១​ពាន់​លាន​អឺរ៉ូ ត្រូវបាន​សន្យា​ផ្តល់ ក្នុងនេះ​៤១៥​លាន​សំរាប់​វិស័យ​ថាមពល​របស់​អ៊ុ​យក្រែន ដែល​រងគ្រោះ​ខ្លាំង​ពី​ការ​វាយប្រហារ​របស់​រុស្ស៊ី​។​ប្រាក់​ដែល​នៅសល់​នឹង​បញ្ជូន​ទៅ​ខាង​វិស័យ​សុខាភិបាល ស្បៀង ទឹក​និង​គមនាគមន៍ ដែល​មាន​ទឹកប្រាក់​ជិត​៥០០​លាន​អឺរ៉ូ​។​

​ប្រាក់​ជំនួយ​៤១៥​លាន​លៃ​ទុក​សំរាប់​វិស័យ​ថាមពល​របស់​អ៊ុ​យក្រែន ដែល​រងគ្រោះ​ខ្លាំង​ពី​ការ​វាយប្រហារ​របស់​រុស្ស៊ី​។​អ៊ុយ​ក្រែន​ជួប​ការដាច់​ភ្លើង​ទូទៅ​ក្រោយ​រង​ការវាយប្រហារ​ពី​រុស្ស៊ី​

​លោកស្រី​បាន​បន្ថែមថា ការចូលរួមចំណែករ​បស់​បណ្តា​ប្រទេស​មិន​មក​ពី​លោកខាងលិច ដូចជា​កាតា​និង​កម្ពុជា បាន​បង្ហាញ​ការគាំទ្រ​ធំ​ឡើង​សំរាប់​អ៊ុ​យក្រែន​។​

​ចំណែក​នាយករដ្ឋមន្ត្រី​អ៊ុយ​ក្រែនលោក ដេ​នីស ស្មី​ហាល​(Denys Shmyhal)​បាន​ប្រាប់​អ្នកយកព័ត៌មាន​នៅ​ក្រុងប៉ារីស​ថា «​នេះ​ជា​សញ្ញា​ដ៏​មាន​ឥទ្ធិពល​មួយ​ដើម្បី​បង្ហាញ​ថា​ពិភព​ស៊ីវីល័យ​កំពុង​​គាំទ្រ​អ៊ុ​យក្រែន​។​យើង​សូម​ដឹងគុណ​បណ្តា​ប្រទេស​ដែល​នៅ​តែ​ឈរ​នៅ​ខាងយើងនៅ​ពេល​ពួកយើង​រងទុក្ខវេទនា​ពី​ការឈ្លានពាន​របស់​រុស្ស៊ី​មក​លើ​ទឹកដី​និង​ហេដ្ឋារចនាសម្ពន្ធ​ស៊ីវិ​លរបស់​យើង​»​។​

​សន្និសីទ​ស្វែងរក​ជំនួយ​នេះ​ក៏​ជា​ឳ​កាស​មួយ​សំរាប់​ប្រធានាធិបតី​បារាំង​លោក​អេម​ម៉ានុយ​អែល ម៉ា​ក្រុង បង្ហាញ​សាមគ្គីភាព​ជាមួយ​អ៊ុ​យក្រែន​។​លោក​ត្រូវបាន​គេ​រិះគន់​ជា​យូរ​មក​ហើយ​អំពី​កំរិត​គាំទ្រ​​របស់​យោធា​បារាំង​សំរាប់​សង្គ្រាម​នៅ​អ៊ុ​យក្រែន និង​ការ​បន្ត​រក្សា​ទំនាក់ទំនង​ជាមួយ​សម​ភាគី​រុស្ស៊ី​លោក​វ្ល៉ា​ឌី​មៀ ពូ​ទីន​។​

Ukraine’s first lady Olena Zelenska, French President Emmanuel Macron, Ukrainian Prime Minister Denys Shmyhal and French Foreign Minister Catherine Colonna pose as they arrive to attend the international conference “Standing With the Ukrainian People” in Paris, France, December 13, 2022. REUTERS/Gonzalo Fuentes

​ប្រធានាធិបតី​បារាំង​លោក​អេម​ម៉ានុយ​អែល ម៉ា​ក្រុង​បាន​និយាយថា បារាំង​នឹងផ្តល់​ម៉ាស៊ីនភ្លើង​ចំនួន​៦៣​គ្រឿង​បន្ថែម​លើ​ជំនួយ​១០០​គ្រឿង​កាលពី​ខែវិច្ឆិកា ។​ជាមួយ​នឹង​ជំនួយ​៤៨,៥​លាន​អឺរ៉ូ​ទៀត​ ជំនួយ​បារាំង​សំរាប់​អ៊ុយ​ក្រែ​ននឹង​ឡើងដ​ល់​២០០​លាន​អឺរ៉ូ​នៅ​ឆ្នាំ​នេះ​៕

​ថ្លែង​ទៅ​កាន់​កិច្ចប្រជុំ​នេះ ប្រធានាធិបតី​អ៊ុយ​ក្រែន​បាន​និយាយថា​រដ្ឋាភិបា​ល​ទីក្រុង​គៀវ​ត្រូវការ​ជំនួយ​បន្ទាន់​យ៉ាងតិច​៨០០​លាន​អឺរ៉ូ​ដើម្បី​ដោះស្រាយ​អ្វី​ដែល​លោក​ថា «​ភេរវកម្ម​របស់​រុស្ស៊ី​»​និង​ជួយ​ប្រ​​ជា​ជន​អ៊ុយ​ក្រែន​អោយ​ឆ្លងកាត់​រដូវរងា​រដ៏លំ​បាក​លំបិន​នេះ​