​ប្រែ​សម្រួល : កញ្ញា​ដា​លី​ស (​បាល់ទាត់​) ៖ ម៉ារ៉ុក ដែល​ជា​គីឡូ​ថ្មីថ្មោង​មកពី​អាហ្វ្រិក មានបំណង​ចង់​បង្កើត​ឯតទគ្គ​កម្ម​ថ្មី ដោយ​ឡើង​វគ្គ​ផ្តាច់ព្រ័ត្រ​វើល​ខាប់​ជា​លើក​ដំបូង​តាម​រយៈកា​រ​ទម្លាក់​បារាំង ប៉ុន្តែ​ក្រុម​មាន់គក​មិនមែន​ជា​មាន់​សម្ល​ទេ ហើយ​ពួកគេ​ពិត​ណាស់​ជា​ក្រុម​ជំនាញ​លើ​កពាន​ធំៗ ជាពិសេស​វើល​ខាប់​តែម្តង​។

– បារាំង vs ម៉ារ៉ុក​

* ម៉ារ៉ុក​ស៊ុ​តបាន​៥​គ្រាប់​ក្នុង​ការប្រកួត​វើល​ខាប់​នេះ​។​
* បារាំង​មិន​ទាន់​រក្សា Clean Sheet នៅ​កាតា​បានទេ​។​
* បារាំង​មាន​បទពិសោធ​ក្នុង​ការប្រកួត​ធំៗ​នៅវើ​លខាប់​។​
* Olivier Giroud បាន​ស៊ុត​បញ្ចូល​ទី​វគ្គ Knockout ទាំង​ពីរ​លើក​សម្រាប់​មាន់​គក​។

​ម៉ារ៉ុក​បានបង្កើត​ប្រវត្តិសាស្ត្រ​រួចហើយ​ក្នុង​ប្រទេសកាតា ដោយ​ក្លាយជា​ក្រុម​អាហ្វ្រិក​ដំបូង​គេ​ឡើង​ដល់​វគ្គ​ពាក់កណ្តាល​ផ្តាច់ព្រ័ត្រ​វើល​ខាប់ ប៉ុន្តែ​ប្រសិនបើ​ពួក​គេ​ចង់​ទៅ​ឱ្យ​ហួស​មួយតង់​ទៀត ពួកគេ​ត្រូវតែ​ទម្លាក់​ក្រុម​ការពារ​តំណែង​ជើងឯក​បារាំង​នៅ​ថ្ងៃ​ពុធ​នេះ​។​

​ក្រុម​តោ​កំណាច​អាហ្វ្រិក​គួរតែ​ចូលមក​ក្នុង​ការប្រកួត​នេះ​ដោយ​គ្មាន​ការភ័យខ្លាច បន្ទាប់ពី​បាន​ទម្លាក់​អេ​ស្ប៉ាញ​ក្នុង​វគ្គ ១៦ ក្រុម​ចុងក្រោយ និង​បន្ទាប់មក ព័រ​ទុយ​ហ្គាល់​ក្នុង​វគ្គ ១/៤ ផ្តាច់ព្រ័ត្រ ប៉ុន្តែ​ពួកគេ​ត្រូវតែ​បង្កើន​កម្រិត​របស់​ពួកគេ​បន្ថែម​ទៀត​ដើម្បី​យកឈ្នះ​លើ​បារាំង​។​

​ម៉ារ៉ុក​ត្រូវបាន​គេ​វាយតម្លៃ​ថា​ជា​ក្រុម​ខ្សោយ​ជាង​ដោយ​មាន​ហាងឆេង​ឈ្នះ​បារាំង​ត្រឹម ៧/១ ប៉ុណ្ណោះ​។ ដោយសារ​ការបង្ហាញ​ទម្រង់​លេង​ដ៏​ល្អ​របស់​ពួកគេ​រហូតមកទល់​ពេលនេះ ពួក​គេ​មើល​ទៅ​ហាក់​ត្រូវគេ​មើលស្រាល​ណាស់ ប៉ុន្តែ​ជំនួស​ឱ្យ​ការ​ទាយ​ថា​ក្រុម​ណា​ជា​អ្នកឈ្នះ​ដាច់ខាត​នោះ ការ​ជ្រើស​យក​ក្រុម​ទាំង​ពីរ​ស៊ុត​ចូលគ្នា​គឺជា​ជម្រើស​ល្អ​ជាង​។​

​ជោគជ័យ​របស់​ម៉ា​រ៉ុកក្នុង​ប្រទេសកាតា​ត្រូ​វ​បាន​កសាងឡើង​ផ្អែក​លើ​តំបន់​ការពារ​រឹងមាំ​ដូច​ដែកថែប​។ មានតែ​កាណាដា​ទេ​ដែល​អាច​បំបែក​តំបន់​ការពារ​ដ៏​រឹង​របស់​ក្រុម​អាហ្វ្រិក​ខាងជើង​នេះ ហើយ​ពួកគេ​បាន​រក្សា Clean Sheet ទល់​នឹងក្រូ​អាស៊ី (០-០), បែលហ្ស៊ិក (២-០), អេ​ស្ប៉ាញ (០-០) និង ព័រ​ទុយ​ហ្គាល់ (១-០) នៅ​៤​ប្រកួត​ចុងក្រោយ​។​

​កូនក្រុម​របស់លោក Walid Regragui នឹង​រៀបចំ​ក្បួន​ដើម្បី​ធ្វើឱ្យ​បារាំង​ខកចិត្ត ប៉ុន្តែ​វា​ពិបាក​ណាស់​ដែល​គិតថា​មាន់គក​ដែល​ពោរពេញ​ដោយ​កីឡាករ​ទេពកោសល្យ​ខកខាន​រក​គ្រាប់​បាល់​ក្នុង​រយៈពេល ៩០ នាទី​។ ខ្សែ​ប្រយុទ្ធ Olivier Giroud និង Kylian Mbappe កំពុង​ឡើង​ជើង ហើយ​ពួកគេ​អាច​រក​បាន​ពីរ​គ្រាប់​ទល់​នឹង​អង់គ្លេស​ក្នុង​ជុំ​មុន ត្បិត​លេង​មិន​សូវ​ល្អ​ក៏ដោយ​។​

​ទោះយ៉ាងណា ម៉ារ៉ុក​គួរតែ​អាចរ​ក​បាន​យ៉ាង​ហោច​១​គ្រាប់​ដែរ ព្រោះ​ពួកគេ​លេង​ស្មើ​តែ​ជា​មួយក្រូអា​ស៊ីនិង​អេ​ស្ប៉ាញ​ប៉ុណ្ណោះ​។ ក្រុម​ទាំង​ពីរ​នោះ​មាន​តំបន់​ការពារ​ល្អ​ជាង​បារាំង ដែល​នៅ​មិនទាន់​រក្សា Clean Sheet នៅវើ​លខាប់​បាន​នៅឡើយ ហើយ​បើ​ក្រឡេក​មើល​ទៅ​ក្រោយ​បន្តិច បារាំង​បាន​ឆ្លងកាត់​ការ​ស៊ុត​ប៉េណាល់​ទី​តែម្តងគ​ត់​ក្នុង​វគ្គ Knockout ចំនួន ១១ លើកចុងក្រោយ​។​

​ការ​រះ​ឡើង​របស់​ម៉ារ៉ុក​នៅក្រោម​ការដឹកនាំ​រប​ស់​អតីត​ខ្សែការពារ Ajaccio លោក Regragui ដែល​ទើបតែ​ចូលកាន់​តំណែង​នៅ​ចុងខែ​សីហា គឺ​ពិតជា​គួរឱ្យកត់សម្គាល់ ប៉ុន្តែ​នេះ​អាច​ជា​កន្លែង​ដែល​ដំណើរ​រឿងនិទាន​របស់​ពួកគេ​ឈាន​ដល់​ទីបញ្ចប់​។​

​បារាំង​នៅតែ​អាច​រកឃើញ​វិធី​ឈ្នះ​ទល់នឹង​អង់គ្លេស បើទោះបីជា​លេង​អន់​ជាង​ពេញ​៩០​នាទី​ក៏​ដោយ ហើយ​នេះ​ជា​ក្រុម​ដែល​ធ្លាប់​ឈ្នះ​ពាន​វើល​ខា​ប់​។ លោក Didier Deschamps បាន​ដឹកនាំ​បារាំង​តាំងពី​ឆ្នាំ ២០១២ ហើយ​បាន​ដឹកនាំ​ក្រុម​ឱ្យ​ឈ្នះ​ពានរង្វាន់​វើល​ខាប់ ពានរង្វាន់ Nations League និង​វគ្គ​ផ្តាច់ព្រ័ត្រ​ពានរង្វាន់​ទ្វីបអឺរ៉ុប​។​

​កីឡាករ​បារាំង​គឺ​លេង​ស៊ាំ​ជាមួយគ្នា​អស់​ហើយ​ក្នុង​ការប្រកួត​ធំៗ ហើយ​ក្រុម​នេះ​មាន​ជំនាញ​ឈ្នះ​កម្មវិធី​ធំៗ ជាពិសេស​វើល​ខាប់​តែម្តង ខណៈ​ការប្រកួត​នេះ​នឹង​ក្លាយ​ជា​បទពិសោធន៍​ថ្មីចែស​សម្រាប់​ម៉ារ៉ុក ដែល​ជ្រុះ​នៅ​វគ្គ ១/៤ ផ្តាច់ព្រ័ត្រ​ក្នុង​ការប្រកួត African Cup of Nations​។​

Mbappe តែង​បង្ក​ព្យុះ​ភ្លៀង​ក្នុង​គ្រប់​ការប្រកួត តែ​កុំភ្លេចថា Giroud បញ្ចប់​ទី​ច្បាស់​ដូច​ថ្ងៃ ដូច្នេះ​ម៉ារ៉ុក​អាច​នឹង​លំបាក​បន្តិច​ហើយ​ថ្ងៃនេះ​។​

​លទ្ធផល​ទស្សនទាយ បារាំង​ឈ្នះ ២-១៕

​បារាំង​នឹង​ឡើង​ជួប​អា​ហ្សង់​ទីន ប្រសិនបើ​ឈ្នះ​ម៉ារ៉ុក​ថ្ងៃនេះ​