​ប្រែ​សម្រួលៈ​បំណង​(​ស្ត្រេត​ថែមស៍​)៖ សហរដ្ឋ​អាម៉េរិក​បានសំរេច​ផែនការ​បញ្ជូន​ប្រព័ន្ធ​ការពារ​កាំជ្រួច​ធុន​ភែត​ធ្រៀ​ត​(Patriot)​ទៅកាន់​អ៊ុ​យក្រែន ជា​ការសំរេចចិត្ត​មួយ​ដែល​នឹង​ត្រូវ​ប្រកាស​ចេញ​​នៅ​សប្តាហ៍​នេះ នេះ​បើ​តាម​ការបញ្ជាក់​អោយដឹង​ពី​មន្ត្រី​អាម៉េរិក​បីនាក់​កាលពី​ថ្ងៃ​អង្គារ​។​

​អ៊ុយ​ក្រែន​បាន​ស្នើសុំ​ដៃគូ​លោកខាងលិ​ច​នូវ​សព្វាវុធ​សំរាប់​ការពារ​ដែនអាកាស​របស់ខ្លួន រួមមាន​ប្រព័ន្ធ​កាំជ្រួច​ស្ទាក់​កំទេច​Patriot​ផលិត​នៅ​អាម៉េរិក ដើម្បី​ការពារ​ខ្លួន​ពី​ការវាយប្រហារ​ដោយ​កាំ​​ជ្រួច​រុស្ស៊ី ។​

​ប្រព័ន្ធ​ការពារ​ដែនអាកាស​តាំង​លើដី​Patriot ត្រូវបាន​រចនា​ឡើង​សំរាប់​ស្ទាក់​កំទេច​កាំជ្រួច​ដែល​ហោះ​ចូលមក​។​Patriot​ត្រូវ​គេ​គិត​ថា​ជា​ប្រព័ន្ធ​អាវុធ​ការពារ​ដែនអាកាស​ទំនើ​ប​បំផុត​មួយ​របស់​​អាម៉េរិក​ដែល​នឹង​បញ្ជូន​អៅ​យ​អ៊ុ​យក្រែន​

​អា​ឡិច​សង់ឌ័​រ វីន​មែន​(Alexander Vindman)​នាយទាហាន​ចូលនិវត្តន៍​ដែល​បាន​ដឹកនាំ​គោលនយោបាយ​អ៊ុយ​ក្រែន​នៅ​សេត​វិមាន​ក្នុងអំឡុង​រដ្ឋការ​ត្រាំ បាន​និយាយថា​« វា​សំខាន់​ណាស់​។​សព្វា​​វុ​ធ​នេះ​ពិតជា​អាច​ដោះស្រាយ​បញ្ហា​ប្រឈម​ជាច្រើន​ដែល​អ៊ុយ​ក្រែន​ជួប ជាពិសេស​បើសិនជា​រុស្ស៊ី​នាំចូល​កាំជ្រួច​ផ្លោង​ចម្ងាយ​ខ្លី​»​មក​ពី​អ៊ីរ៉ង់​។​

​មន្ត្រី​ពីរ​រូប​ទៀត​ដែល​សុំ​មិន​បញ្ចេញ​ឈ្មោះ បាន​និយាយថា​ការប្រកាស​អំពី​ការផ្តល់​ប្រព័ន្ធ​កាំជ្រួច​នេះ​ប្រហែល​ជាត្រូវធ្វើឡើង​នៅ​ដើម​ថ្ងៃ​ព្រហស្បតិ៍ តែ​រង់ចាំ​ការអនុម័ត​ផ្លូវការ​ពី​រដ្ឋមន្ត្រី​ការពារ​ជាតិ​ឡយ អូ​ស្ទី​ននិង​​ប្រធានាធិបតី បៃ​ដិន សិន​។​

​មន្ត្រី​អាម៉េរិក​ខាងលើ​បាន​បន្ថែមថា កងកម្លាំង​អ៊ុយ​ក្រែន​ទំនងជា​នឹង​ទទួល​ការ​ហ្វឹកហាត់​ប្រើ​Patriot​នៅក្នុង​ប្រទេស​អាល្លឺម៉ង់ មុន​ពេល​បញ្ជូន​គ្រឿង​បរិក្ខារ​Patriot​ទៅកាន់​អ៊ុ​យក្រែន​។​និង​ការ​​ហ្វឹកហាត់​អាច​ចំណាយ​ពេល​រាប់​ខែ​។​

សូមបញ្ជាក់ថា ​អតីត​ប្រធានាធិបតី​រុស្ស៊ី​លោក ឌី​មី​ទ្រី ម៉េដ​វ៉េ​ដេ​វ បាន​ព្រមាន​ណា​តូ​កុំ​អោយ​បញ្ជូន​ប្រព័ន្ធ​ការពារ​កាំជ្រួច​ធុន​ភែត​ធ្រៀ​ត​ទៅ​កាន់​អ៊ុ​យក្រែន ដោយសារ​វា​នឹង​ត្រូវ​រដ្ឋាភិបាល​ទីក្រុង​មូ​ស្គូ​មើ​លឃ​ញ​ថា​ជា​ការ​​បង្កើន​សង្គ្រាម​បន្ទាប់ពី​នាយសេនាធិការ​កងទ័ព​អាម៉េរិក ឧត្តមសេនីយ៍ ម៉ាក មី​ល្លី ​និយាយ​អំពី​លទ្ធភាព​កាន់តែ​ខ្ពស់​ដែល​សម្ពន្ធមិត្ត​ណា​តូ នឹង​បញ្ជូន​ប្រព័ន្ធ​ការពារ​ដែនអាកាស​ដូច្នេះ​ទៅ​កាន់​​អ៊ុ​យក្រែន​៕