ប្រែ​សម្រួលៈ​បំណង​(​ដេល្លី​ម៉េល​)៖ ប្រធានាធបតី​អាម៉េរិក​លោក ចូ បៃ​ដិន កាលពី​ថ្ងៃ​អង្គារ​បាន​ចុះហត្ថលេខា​អោយ​ក្លាយទៅជា​ច្បាប់​នូវ​ពង្រាង​ច្បាប់​មួយ​ដែល​ផ្តល់​ការ​គាំពារ​សហព័ន្ធ​ចំពោះ​អាពាហ៍ពិពាហ៍​​មនុស្ស​ភេទ​ដូចគ្នា នៅពេល​ហ្វូងមនុស្ស​ដ៏​ធំ​បាន​ជួបជុំ​នៅ​សេត​វិមាន​ដើម្បីអបអរ​ព្រឹត្តិការណ៍​ច្បាប់​សំខាន់​ជា​ប្រវត្តិសាស្ត្រ​នេះ​។​

​បៃ​ដិន ដូច​អនុ​ប្រធានាធិបតី​របស់​លោក​ដែរ គឺ​មាន​គោលជំហរ​គាំទ្រ​ការ​រួមមេត្រី​រវាង​ដៃគូ​ភេទ​ដូចគ្នា តាំងពី​មុន​វា​បាន​ក្លាយជា​ស្របច្បាប់​តាមរយៈ​ការសំរេច​របស់​តុលាការ​កំពូល​អាម៉េរិក​នៅ​ឆ្នាំ​២០១៥​។​​លោក​បាន​អួតអាង​ថា​ច្បាប់​ជា​ប្រវត្តិសាស្ត្រ​នេះ​ជា​ជោគជ័យ​មួយ​ស្តីពី​សិទ្ធិ​។​

​ក្នុងអំឡុងពេល​ចុះហត្ថលេខា​កាលពី​រសៀល​ថ្ងៃ​អង្គារ លោក​បាន​និយាយថា​«​អាម៉េរិក​បោះ​មួយ​ជំហាន​ដ៏​សំខាន់​ថែមទៀត​ឆ្ពោះ​កាន់​សមភាព សំរាប់​សេរីភាព​និង​យុត្តិធម៌ មិន​សំរាប់​នរណាម្នាក់​ទេ​តែ​សំរាប់​​គ្រប់គ្នា​»​។​

​ប្រធានាធិបតី ចូ បៃ​ដិន ញញឹម​ជាមួយ​អនុ​ប្រធានាធិបតី​និង​មន្ត្រី​របស់​លោក​ពេល​ចុះ​ហត្ថលេខា​លើ​ច្បាប់​«​ការគោរព​សំរាប់​ច្បាប់​អាពាហ៍ពិពាហ៍​» ក្នុង​ជ័យជម្នះ​ធំ​មួយ​សំរាប់​គូស្នេហ៍​ភេទ​ដូចគ្នា​នៅ​សហ​​រដ្ឋ​អាម៉េរិក​

​សូមបញ្ជាក់​ថា បន្ទាប់​ពី​តុលាការ​កំពូល​លុបចោល​សិទ្ធិ​រំលូតកូន​កាលពី​ខែមិថុនា ពួក​សមាជិក​សភា​ទាំង​ស្តាំ​និង​ឆ្វេងនិយម​រួមគ្នា​រារាំង​ចំណាត់ជាបន្ត​ណាមួយ​ក្នុង​ការរារាំង​សិទ្ធិ​អាពាហ៍ពិពាហ៍​សំរាប់​គូ​​ស្នេហ៍​ភេទ​ដូចគ្នា​។​

​ការអនុម័ត​ច្បាប់​នេះ​ដោយ​សភា​កាលពី​សប្តាហ៍​មុន​កត់សំគាល់​ការបង្ហាញ​ការគាំទ្រ​ទាំង​ពីរ​ក្រុម​ដ៏​កម្រ​មួយ​នៅក្នុង​ក្រុម​អំណាច​ថ្នាក់លើ​ដ៏​បែកបាក់​របស់​អាម៉េរិក​។​ក្នុង​ការអបអរ លោកបៃ​ដិនបាន​ជួប​​ជុំទាំង​ជាមួយ​ពួក​សភា​មកពី​បក្ស​សាធារណរដ្ឋ​និង​ប្រជាធិបតេយ្យ​នៅក្នុង​បរិវេណ​សេត​វិមាន ។​

​ថា​មមី បាល់ដ៍​វីន​(Tammy Baldwin) ព្រឹទ្ធ​សមាជិក​​ដែល​បង្ហាញ​គេឯង​ជា​សាធារណៈ​ដំបូង​គេថាលោកស្រីស្រឡាញ់​ភេទ​ដូចគ្នា បាន​និយាយថា​លោកស្រី​«​ខំ​ទប់​អារម្មណ៍​សប្បាយរីករាយ​»​ចំពោះ​ការចុះហត្ថលេខា​​លើ​ច្បាប់​ដែ​លោកស្រី​បាន​ជួយ​ព្រាង​នៅ​សភា​។​«​ថ្ងៃនេះ យើង​បាន​បង្កើត​ប្រវត្តិសាស្ត្រ​និង​ធ្វើអោយ​មានការខុស​ប្លែក​មួយ​សំរាប់​ប្រជាជន​អាម៉េរិក​រាប់លាន​នាក់​»​។​

​ច្បាប់​នេះ​នឹង​ផ្តល់​អារម្មណ៍​ស្ងប់ស្ងាត់​ដល់​ក្រុមមនុស្ស​ខ្ទើយ​និង​គូស្នេហ៍​ជាតិ​សាសន៍​ខុស​គ្នា​រាប់លាន​នាក់ ដែល​នៅ​ទីបំផុត​ត្រូវបាន​ធានា​សិទ្ធិ​និង​ការ​គាំពារ​ដែល​ពួកគេ​និង​កូន​របស់​ពួកគេ​សម​នឹងទទួលបាន ​នេះ​បើ​តាម​អ្នកនាំពាក្យ​សេត​វិមាន ការី​ន ហ្ស​ង់​-​ព្យែរ​៕