​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖​ធនាគារ​អភិវឌ្ឍន៍អាស៊ី​(ADB)​កាលពី​ថ្ងៃ​ពុធ​បាន​កាត់​តម្រឹម​ព្យាករណ៍​កំណើន​សេដ្ឋកិច្ចរ​បស់​ខ្លួន​សំរាប់​ពិភព​អាស៊ី​កំពុងអភិវឌ្ឍន៍​ឆ្នាំ​២០២២​ពី​កំរិត៤,៣​ភាគរយ​ដែល​​ខ្លួន​បាន​ព្យាករណ៍​កាលពី​ខែ​កញ្ញា​មក​នៅត្រឹម ៤,២​ភាគរយ​ដោយសារតែ​វិធានការ​គ្រប់គ្រង​កូវី​ដ​១៩​នៅ​ចិន និង​សង្គ្រាម​អ៊ុ​យក្រែន​។​

​របាយការណ៍​របស់​ស្ថាប័ន​ផ្តល់​ប្រាក់​កំចី​ដែល​មាន​មូលដ្ឋាន​នៅ​ក្រុង​ម៉ានីល​នេះ​បាន​និយាយថា ទស្សនវិស័យ​សំរាប់​ឆ្នាំ​២០២៣ ក៏​មិនសូវ​ភ្លឺស្វាង​ដោយ​ខ្លួន​បាន​បន្ទាប​អត្រាកំណើន​ពី​កំរិត​៤,៩​ភាគរយ​មក​នៅត្រឹម​៤,៦​ភាគរយ​។​

​ចង់​និយាយ​ដល់​ប្រទេស​កំពុងអភិវឌ្ឍន៍​៤៦​ដែល​ផ្សំគ្នា​បង្កើត​កំណើន​បាន​៧​ភាគរយ​កាលពី​ឆ្នាំមុន វា​បាន​និយាយថា​« ការ​រើប​រើ​នៅក្នុង​អាស៊ី​កំពុង​អភិវឌ្ឍន៍​ត្រូវ​រំពឹងថានឹង​បន្ត តែ​បាត់បង់​ម្ទុះ​ខ្លះ​»​។​​ការបិទ​ខ្ទប់​នៅ​ចិន សង្គ្រាម​អ៊ុ​យក្រែន និង​តំរូវការ​ធ្លាក់ចុះ​មក​ពី​បណ្តា​ប្រទេស​អភិវឌ្ឍន៍​សំរាប់​ទំនិញ​ឧស្សាហកម្ម​ជា​មូលហេតុ​ធំ​។​

​វា​បាន​បន្ថែមថា « ហានិភ័យ​ជាច្រើន​កើតមាន​នៅ​ពេល​បញ្ហា​ធំ​ទាំង​បី​ខាងលើអាច​កាន់តែ​អាក្រក់​ទៅ គួបផ្សំ​នឹង​ហានិភ័យ​ភូមិសាស្ត្រ​នយោបាយ​និង​ការប្រែប្រួល​អាកាសធាតុ​»​។​កំណើន​នៃ​ថ្លៃទំនិញ​នៅ​អា​​ម៉េ​រិក​និង​នៅ​ប្រទេស​អភិវឌ្ឍន៍​ដទៃទៀត​អាច​នាំអោយ​ធនាគារកណ្តាល​រឹតបន្តឹង​អត្រា​កា​ប្រាក់ នៅពេល​ជម្លោះ​អ៊ុយ​ក្រែន​កាន់តែ​បង្កអតិ​ផរ​ណា​។​

​ជាមួយនឹង​ការ​រឹតបន្តឹង​វិធានការ​ប្រឆាំង​កូវី​ដ​១៩ និង​ទីផ្សារ​អចលនទ្រព្យ​មិន​នឹងន សេដ្ឋកិច្ច​ធំ​បំផុត​របស់​អាស៊ី​(​ចិន​) ឥឡូវ​ត្រូវបាន​ធនាគារ​ADB​ព្យាករណ៍​ថា​នឹង​មាន​កំណើន​ត្រឹមតែ​៣​ភាគរយ​នៅ​ឆ្នាំនេះ​​និង​៤,៣​ភាគរយ​នៅ​ឆ្នាំក្រោយ ធៀប​នឹង​៣,៣​ភាគរយ​និង​៤,៥​ភាគ​ដែល​ខ្លួន​បាន​ព្យាករណ៍​កាលពី​ខែ​កញ្ញា​។​

​សញ្ញា​ល្អ​មួយ​គឺថា អាស៊ី​កំពុង​អភិវឌ្ឍន៍​នឹង​មាន​កំណើន​នៅ​ឆ្នាំ​នេះ​និង​ឆ្នាំក្រោយ​ច្រើនជាង​ផ្នែក​ផ្សេង​ទៀត​នៃ​ពិភពលោក ហើយ​ជួប​អតិផរណា​ក៏តិចជាងគេ​ផងដែរ​៕

​ចិន​ទើប​ចាប់ផ្តើម​បន្ធូរបន្ថយ​វិធានការ​គ្រប់គ្រង​កូវី​ដ​១៩​ដ៏​តឹងរឹង ក្រោយ​អនុវត្ត​វា​ធ្វើអោយ​ប៉ះពាល់​សេដ្ឋកិច្ច​ពេញ​មួយឆ្នាំ​