ដោយ​៖ រ៉ូ​ហ្សា​/​ភ្នំពេញ​៖ សហព័ន្ធ​កីឡា​វាយ​កូន​បាល់​កម្ពុជា​នឹង​រៀបចំ​ការប្រកួត​ជើងឯក​ជាតិ​សម្រាប់​ឆ្នាំ​២០២២​នា​សប្ដាហ៍​ក្រោយនេះ​។​

​តាម​ការគ្រោងទុក​ការប្រកួត​នឹង​ចាប់ផ្ដើម​ប្រព្រឹត្តទៅ ចាប់ពី​ថ្ងៃទី​១៩ ដល់​ថ្ងៃទី ២២ ខែធ្នូ ឆ្នាំ​២០២២ នៅ​ទីលាន​ហ្វឹកហាត់ របស់​សហព័ន្ធ​ក្នុង​ពហុ​កីឡដ្ឋាន​ជាតិ អូឡាំពិក រាជធានី​ភ្នំពេញ ក្រោម​ការប្រើប្រាស់​ថវិកា ឧបត្ថម្ភ​ប្រចាំឆ្នាំ របស់​ក្រសួង​អប់រំ យុវជន និង​កីឡា ។​

​អគ្គលេខាធិការរង​នៃ​សហព័ន្ធ​កីឡា​វាយ​កូន​បាល់​កម្ពុជា លោក ជា ពៅ បាន​ប្រាប់​ឲ្យ​ដឹងថា​យោងតាម​ផែនការ​ប្រចាំឆ្នាំ​២០២២​របស់​សហព័ន្ធ​កីឡា​វាយ​កូន​បាល់​កម្ពុជា ការប្រកួត​កីឡា​វាយ​កូន​បាល់ នឹង​រៀបចំ​ជ្រើសរើស​ជើងឯក ប្រចាំឆ្នាំ​២០២២ ដែលមាន​កីឡាករ កីឡា​រិ​នី​ចូលរួម​តាម​រាជធានី​ខេត្ត​ដែលជា​សមាជិក​សហព័ន្ធ ។ សមាគម​-​ក្លិប​នីមួយៗ​អា​ចប​ញ្ចូ​ន​កីឡាករ កីឡា​កា​វិ​នី​របស់ខ្លួន​មក​ចូលរួម​ការប្រកួត​នេះ កីឡាករ​ចំនួន​បី​រូប កីឡាការិនី​ចំនួន​បី​រូប​យ៉ាងច្រើន​បំផុត​។ កីឡាករ​កីឡាការិនី​ដែល​ចូលរួម​មកពី​សមាគម រាជធានី​ខេត្ត ដូច្នេះ​កី​ឡករ​-​កីឡាការិនី​ទាំងអស់​ត្រូវតែ​ជា កីឡាករ​-​កីឡាការិនី ជា​សមាជិក​តាម​បណ្តា សហគម ក្លិប​នីមួយៗ ៕/R​