​ប្រែ​សម្រួលៈ​បំណង​(​ស្ត្រេត​ថែមស៍​)៖​កងកម្លាំង​អាម៉េរិក​ប្រចាំ​កូរ៉េ​(USFK)​បានចាប់ផ្តើម​បង្កើត​កងកម្លាំង​អវកាស​មួយ​កាលពី​ថ្ងៃ​ពុធ​នៅពេល​សម្ពន្ធមិត្ត​ទាំងពីរបង្កើន​កិច្ចខិតខំ​ដើម្បី​ធ្វើអោយ​ប្រសើរ​ឡើង​ការ​​ឆ្លើយតប​ទល់​នឹង​ការ​គំរាម​ប្រើ​កាំជ្រួច​និង​សព្វាវុធ​នុយក្លេអ៊ែរ​ពី​កូរ៉េខាងជើង​។​

​កងកម្លាំង​USFK​ជា​ក្រុម​អវកាស​ទី​ពីរ​នៅ​បរទេស​របស់​កងកម្លាំង​អវកាស​អាម៉េរិក និង​មាន​ភារកិច្ច​តាមដាន​ឃ្លាំមើល ចាប់​សញ្ញា​និង​តាម​ចាប់កំទេចកាំជ្រួច​ដែល​កំពុង​ហោះ​មក ព្រមទាំង​ពង្រឹង​សម​ត្ថ​​ភាព​អវកាស​ទូទៅ​របស់​យោធា​។​

​មេបញ្ជាការ​USFK ឧត្តមសេនីយ៍ ផូល ឡា​កាម៉េរ៉ា​(Paul LaCamera) បាន​និយាយ​ថា​កងឯកភាព​ទ័ព​ថ្មី​នេះ​នឹង​ជំរុញ​លទ្ធភាព​របស់​អាម៉េរិក​សំ​រាប់ធានា​សន្តិភាព​និង​សន្តិសុខ​នៅ​ឧបទ្វីប​កូរ៉េ រួម​​ទាំង​អាស៊ី​ឦសាន​។​លោក​ថា​« យោធា​អាម៉េរិក​នឹង​កាន់តែ​ឆ្លើយតប​បាន​លឿន​ឡើង ភ្ជាប់​បណ្តាញ​កាន់តែ​ប្រសើរ ត្រង់​ជាក់លាក់​និង​ស្រប​ច្បាប់​ដោយសារ​តែ​សមត្ថភាព​ពី​អាកាស​»​។​

​សូមបញ្ជាក់​ថា រដ្ឋាភិបាល​ទីក្រុង​សេ​អ៊ូ​ល​និង​វ៉ាស៊ីនតោន​កំពុង​ស្វះស្វែង​ជំរុញ​កិច្ចសហការ​គ្នា​ខាង​សន្តិសុខ​ដើម្បី​ប្រឈម​ដោះស្រាយ​ជាមួយ​កូរ៉េ​ខាងជើង ដែល​នៅ​ឆ្នាំ​២០២២​នេះ​បាន​ធ្វើ​ការសាកល្បង​កាំ​ជ្រួច​​ផ្លោង​ឆ្លង​ទ្វីប​ដែល​មាន​សមត្ថភាព​ហោះ​ដល់​អាម៉េរិក​ដីគោក​។​

​កងទ័ព​អាកាស​កូរ៉េខាងត្បូង​ក៏​បង្កើត​កងឯកភាព​អវកាស​របស់​ខ្លួន​ផ្ទាល់​ផង​ដែរ​នៅ​ខែ​ធ្នូ​នេះ ដើម្បី​ជំរុញ​កម្លាំង​អវកាស​របស់​ខ្លួន​និង​សមត្ថភាព​ប្រតិបត្តិការ​រួម​ជាមួយ​ក​ង​កម្លាំង​អវកាស​អាម៉េរិក​៕

​ពិធី​បង្កើត​កងកម្លាំង​អវកាស​អាម៉េរិក​ប្រចាំ​កូរ៉េខាងត្បូង​នៅ មូលដ្ឋានទ័ព​អាកាស​អូសាន ក្នុង​ទីក្រុង​ព្យុង​តែ​ក​របស់​កូរ៉េ​ខាងត្បូង​