​ប្រែ​សម្រួលៈ​បំណង​(​ដេល្លី​ម៉េល​)៖ ក្រុមហ៊ុន​ផលិត​អាវុធ​អាម៉េរិក​និង​មន្ត្រី​រដ្ឋាភិបាល​វៀតណាម​បាន​ពិភាក្សា​អំពី​ការទិញ​លក់​គ្រឿង​សព្វាវុធ រួម​មាន​ឧទ្ធម្ភាគចក្រ​និង​ដ្រូ​ន នេះ​បើ​តាម​ប្រភព​ព័ត៌មាន​ពីរ​​ដែល​ដឹង​រឿង​នេះ​បាន​ប្រាប់​ទីភ្នាក់ងារ​សារព័ត៌មាន​រ៉​យ​ទ័រ នៅពេល​ប្រជាជាតិ​អាស៊ីអាគ្នេយ៍​មួយ​នេះ​ទំនងជា​ចង់​បន្ថយ​ការ​ពឹង​លើ​សព្វាវុធ​រុស្ស៊ី​។​

​មន្ត្រី​ទៅ​ពី​ក្រុមហ៊ុន​ឡក់​ហីដ ម៉ា​ធី​ន​(Lockheed Martin) បូ​អ៊ីង​( Boeing)​រ៉ា​យ​ធឿន​( Raytheon) ធិ​ច​ត្រុន​( Textron)​និង អាយ​អឹម ស៊ី​ស្ទឹម គ្រុប​(IM Systems Group)​បាន​ជួប​​ពិភាក្សា​គ្នា​ក្នុងអំឡុងពេល​វៀតណាម​រៀបចំ​តាំងពិព័រណ៍​យោធា​ធំ​បំផុត​កាលពី​សប្តាហ៍​មុន​។​អ្នក​ដែល​បាន​ចូលរួម​កិច្ចពិភាក្សា​នេះ​ម្នាក់​បាន​និយាយថា ភាគី​វៀតណាម​មាន​មន្ត្រី​ជាន់ខ្ពស់​នៅ​ក្រសួង​សន្តិ​​សុខ​សាធារណៈ​និង​ក្រសួង​ការពារជាតិ​​។​

កិច្ចពិភាក្សា​ជំហាន​ដំបូង​នៅ​មិនទាន់​ឈានដល់​កិច្ចព្រមព្រៀង​ណាមួយ​នៅឡើយ​ទេ និង​វា​កើត​ឡើង​នៅ​ពេល​វៀតណាម​ស្វះស្វែង​រក​ប្រភព​ផ្គត់ផ្គង់​អា​វុធ​ថ្មី នៅ​ពេល​សង្គ្រាម​អ៊ុ​យក្រែន​​កាន់តែ​ធ្វើអោយ​រុស្ស៊ី​ពិបាក​ផ្គត់ផ្គង់​សព្វាវុធ​។​សង្គ្រាម​របស់​រុស្ស៊ី​នៅ​អ៊ុយ​ក្រែនក៏​នាំអោយ​មាន​ការដាក់ទណ្ឌ​ក​ម្មលើ​រុស្ស៊ី​ផងដែរ។​

​ង្វៀន ថេ ហ្វឿង​(Nguyen The Phuong)​អ្នកជំនាញការ​យោធា​និងជាសាស្រ្តាចារ្យម្នាក់​នៅ​សកល​វិទ្យាល័យ​ញូ​វ សោត វ៉េ​លស៍​(New South Wales)​បាន​និយាយថា​«​វា​កត់សំគាល់​ការចាប់​ផ្តើម​ការបើកចំហ​ធំ​ឡើង​​របស់​កងទ័ព​ប្រជាជន​វៀតណាមក្នុង​ការទទួលយក​សព្វាវុធ​អាម៉េរិក និង​ជារួមវាបង្ហាញច្ឆ​ន្ទៈក្នុង​ការចូ​ល​រួម​ពាក់ព័ន្ធ​ជាមួយ​អាម៉េរិកខាង​វិស័យ​យោធា ​»​។​

​អ្នកចូលរួម​ក្នុង​កិច្ច​ពិ​ភក្សា​ម្នាក់​បាន​និយាយថា ក្រុមហ៊ុន​អាម៉េរិក​បាន​សុំ​លក់​គ្រឿង​បរិក្ខារ​យោធា​មួយ​ចំនួន​ រួម​មាន​ឧទ្ធម្ភាគចក្រ​និង​ដ្រូ​ន រ៉ា​ដា​និង​ប្រព័ន្ធ​យោធា​ដទៃទៀត​ដើម្បី​ការពារ​ដែនអាកាស​​សមុទ្រ​និង​អវកាសវៀតណាម​។​ទោះជា​យ៉ាងណា ក្រសួង​ការពារជាតិ​និង​ការបរទេស​វៀតណាម​មិន​បាន​ឆ្លើយតប​នឹង​ការសុំ​បញ្ជាក់​ពី​អ្នកយកព័ត៌មាន​ទេ​៕

​ប្រភព​ព័ត៌មាន​បាន​និយាយថា កិច្ចពិភាក្សា​អំពី​ដ្រូ​ន​និង​ឧទ្ធម្ភាគចក្រ​ត្រូវបានធ្វើ​តាំងពី​មុន​ពេល​វៀតណាម​រៀបចំ​ពិព័រណ៍​យោធា​កាលពី​សប្តាហ៍​មុន​មកម្ល៉េះ និង​មាន​ការពិភាក្សា​អំពី​សព្វាវុធ​ដទៃទៀត​