​ដោយ : ភ្នំ​ស្វាយ / បន្ទាយមានជ័យ​:រដ្ឋបាលខេត្ត​បន្ទាយមានជ័យ​ដឹកនាំ​ដោយ​លោក​អ៊ុំ រាត្រី អភិបាលខេត្ត និង លោក​ខេង ស៊ុម ប្រធាន​ក្រុមប្រឹក្សា​ខេត្ត​កាលពី​ថ្ងៃទី​១៤​ខែធ្នូ​ឆ្នាំ​២០២២ បានទទួល​ជួបប្រជុំ​ពិភាក្សា​ការងារ​ជាមួយ​លោកស្រី​មាន សំអាន ប្រធាន​គណ​:​កម្ម​ការ​និង​គណ​:​ប្រតិភូ​គណ​:​កម្ម​ការ​សុខាភិបាល ការងារ បណ្តុះបណ្តាល​វិជ្ជាជីវ​: សង្គមកិច្ច អតីតយុទ្ធជន យុវ​និតិ​សម្បទារ នៃ​ព្រឹទ្ធសភា​ដែល​ចុះ​បេសកកម្ម​ពិនិត្យមើល​លទ្ធផល​និង​បញ្ហា​ប្រឈម​នៃ​ការងារ​ជំនាញ​នេះ ។​

​លោក​អ៊ុំ រាត្រី បាន​ស្វាគមន៍​និង​រាយការណ៍​ជូន​គណ​:​កម្ម​ការ​នេះ លទ្ធផល​ការងារ​រួម​និង​បញ្ហា​ប្រឈម​សេសសល់ ។​

​លោកស្រី​ប្រធាន​គណ​:​កម្ម​ការ និង​អនុប្រធាន លេខា សមាជិក​បាន​សួរ​ដើម្បី​ស្វែងយល់​ពី​លទ្ធផល​ការងា​និង​បញ្ហា​ប្រឈម​នៃ​ជំនាញ​របស់​គណ​:​កម្ម​ការ​ដូចជា​ការលើក​កម្ពស់​សុខុមាលភាព ការពិនិត្យ​ព្យាបាល ការបង្ការ​ទប់ស្កាត់ ការចាក់​វ៉ាក់សាំង​ការពារ​ជម្ងឺ​កូ​វីដ​១៩ ជូន​ពលរដ្ឋ មន្ត្រី អតីតយុទ្ធជន ។​

​ការ​ជម្រុញ បង្កើន​ការងារ​ជូន​ប្រជាពលរដ្ឋ​និង​ពលករ​។ ជម្រុញ​ការងារ​បណ្តុះបណ្តាល​វិជ្ជាជីវ​:​និង​មុខរបរ​ដល់​យុវជន​និង​ពលរដ្ឋ ។ ការកសាង​ផ្ទះ​ជូន​អតីតយុទ្ធជន ជនពិការ​និង​ជនក្រីក្រ​។ ការផ្សព្វផ្សាយ​និង​ទប់ស្កាត់ បង្ក្រាប​ពលករ​ចំណាកស្រុក​ដោយ​ប្រថុយប្រថាន ។​
​ការផ្សព្វផ្សាយ បន្សាប​គ្រឿងញៀន ។​ល​។​

​លោក​អ៊ុំ រាត្រី និង​ប្រធាន​មន្ទីរជំនាញ​បាន​បំភ្លឺ បកស្រាយ​ពី​ដំណោះស្រាយ​ពី​ការខិតខំ​បំពេញការងារ សកម្មភាព​អនុវត្ត​និង​លទ្ធផល​ការងារ​ជំនាញ​ខាងលើ​ដែល​សម្រេចបាន ហើយ​ប្តេជ្ញា​ថា​នឹង​បន្ត​អោយ​ជោគជ័យ​បន្ថែមទៀត ។​

​លោកស្រី​មាន សំអាន បាន​អបអរ និង​កោតសរសើរ​ចំពោះ​លទ្ធផល​និង​សមិទ្ធផល​ជោគជ័យ​របស់​ខេត្តបន្ទាយមានជ័យ ដែលជា​ការខិតខំ​រប​ស់​គណ​:​អភិបាល​និង​ក្រុមប្រឹក្សា​ខេត្ត ក៏ដូចជា​មន្ទីរ ស្នងការដ្ឋាន បញ្ជាការដ្ឋាន រដ្ឋបាល​ស្រុក​ក្រុង ឃុំ សង្កាត់ និង​អង្គភាព​ពាក់ព័ន្ធ ។​

​ក្នុងនោះ​ក៏​សូមអោយ​រដ្ឋបាលខេត្ត​បន្ត​ខិតខំ​អនុវត្តតាម​ផែនការ​ឬ​ការងារ​របស់ខ្លួន​និង​ការងារ​អន្តរាគមន៍​បន្តទៀត ៕​.mara