​ប្រែ​សម្រួល : កញ្ញា​ដា​លី​ស (​បាងកក​ប៉ុស្តិ៍​) ៖ បារាំង​នឹង​ប៉ះ​អា​ហ្សង់​ទីន ហើយ​កាយ​លៀន អឹម​បា​ហ្វេ​នឹង​ប្រយុទ្ធ​តតាំង​ជាមួយ​លី​អូ​នែ​ល ម៉េស​ស៊ី ក្នុង​ការប្រកួត​វគ្គ​ផ្តាច់ព្រ័ត្រ​វើល​ខាប់​រវាង​គីឡូ​ធ្ងន់​ទាំងពីរ បន្ទាប់​ពី​បារាំង​បាន​ផ្តួល​ម៉ារ៉ុក​២-០​កាលពី​ថ្ងៃ​ពុធ​។

​ក្រុម​ការពារ​តំណែង​ជើងឯក​បារាំង​កំពុង​ស្ថិត​លើ​វិថី​ឆ្ពោះទៅរក​ការ​ក្លាយជា​ក្រុម​រក្សា​តំណែង​ជើងឯក​បាន​ដំបូង​គេ​ក្នុង​រយៈពេល​៦០​ឆ្នាំ ដោយសារ​តែ​គ្រាប់​បាល់​ពី​កីឡាករ ថេ​អូ ហឺ​ណង់​ដេស និង រ៉ា​ន់​ដាល់ កូ​ឡូ មូ​អានី នៅ​កីឡដ្ឋាន Al Bayt​។

​ម៉ារ៉ុក ដែល​ជា​ក្រុម​អាហ្វ្រិក​ដំបូង​ឡើង​ដល់​វគ្គ​ពាក់កណ្តាល​ផ្តាច់ព្រ័ត្រ​វើល​ខាប់ បាន​ប្រយុទ្ធ​តស៊ូ​យ៉ាង​ខ្លាំងក្លា​ឆ្លង​ការ​ការប្រកួត​វើល​ខាប់​ជាច្រើន​ប្រកួត​មកនេះ​ហើយ​ត្រូវបាន​ជំរុញ​ទឹកចិត្ត​ដោយ​អ្នកគាំទ្រ​​របស់ខ្លួន ដែល​ចូល​ទស្សនា​សឹង​ណែន​កីឡដ្ឋាន​។ ប៉ុន្តែ​ការ​ស៊ុត​ប៊ិះ​ចូល​ទី​របស់​កីឡាករ អា​ហ្ស​ហ្សេ​ឌីន អូ​ណា​ហ៊ី (Azzedine Ounahi) នៅ​នាទីចុងក្រោយ​ដែល​ទាត់​ចេញពី​ខ្សែបន្ទាត់​ទាន់​ពេល​ដោយ​​ខ្សែការពារ ចូល ឃុន​ដេ (Jules Kounde) គឺជា​ឱកាស​ល្អ​បំផុត​របស់​ម៉ារ៉ុក​។​

​បារាំង​ឡើង​ដល់​វគ្គ​ផ្តាច់ព្រ័ត្រ​ជា​លើក​ទី​៤​ក្នុងវើ​លខាប់​៧​លើកចុងក្រោយ ហើយ​ប្រសិនបើ​ពួកគេ​ឈ្នះ​នៅ​កីឡដ្ឋាន Lusail នៅ​ថ្ងៃអាទិត្យ ពួកគេ​នឹង​ក្លាយ​ជា​ក្រុម​ដំបូង​គេ​ចាប់​តាំងពីប្រេ​ស៊ីល​ក្នុង​ឆ្នាំ​១៩៦២ ដែល​អាច​រក្សា​តំណែង​ជើងឯក​។​

​ពួកគេ​ត្រូវបាន​ស្វាគមន៍​ក្នុង​បន្ទប់​ផ្លាស់​សម្លៀក​បំពាក់​ដោយ​ប្រធានាធិបតី​បារាំង អេម​ម៉ានុយ​អែល ម៉ា​ក្រុង ដែល​ហោះ​មក​កាតា​កាលពី​ថ្ងៃ​ពុធ​ដើម្បី​ទស្សនា​ការប្រកួត​។

​គ្រូបង្វឹក​បារាំង​ដ៏​រីករាយ លោក ឌី​ឌី​យ៉េ ដេ​សំ បាន​និយាយថា “​វា​មាន​អារម្មណ៍​រំជើបរំជួល និង មោទនភាព​។ ពិតណាស់ វា​ជា​ជំហាន​សំខាន់​មួយទៀត​នៅ​ថ្ងៃនេះ និង​ឥឡូវ​នឹង​មាន​ជំហាន​មួយទៀត​”​។

“​យើង​បាន​នៅ​ជាមួយគ្នា​មួយខែ​។ វា​មិន​ងាយស្រួល​ទេ ប៉ុន្តែ​វា​ជា​ក្តី​រីករាយ​ណាស់​រហូតមកទល់​ពេលនេះ ហើយ​កីឡាករ​របស់ខ្ញុំ​កំពុង​ទទួល​រង្វាន់​តបស្នង​វិញ​”​។

​ការប្រកួត​វគ្គ​ផ្តាច់ព្រ័ត្រ​នឹងត្រូវ​ចាត់ទុក​ជា​សមរភូមិរ​វា​ងម៉េស​ស៊ី និង មិត្ត​រួម​ក្រុម PSG របស់គាត់ គឺ អឹម​បា​ហ្វេ​។

​ត្បិត​មិនបាន​ស៊ុត​ចូល តែ​អឹម​បា​ហ្វេ​បាន​ជួយ​ឱ្យ​មាន​គ្រាប់​បាល់​ទាំងពីរ​នោះ​កាលពី​ថ្ងៃ​ពុធ ហើយ​បាន​បង្កើត​គ្រាប់​បាល់​ទី​ពីរ​ជាមួយ​ការញាក់​ចូល​តំបន់​គ្រោះថ្នាក់ ហើយ​ស៊ុត​ផ្លាត​ទៅ​រក​កីឡាក​រកូឡូ មូ​អានី ដែល​គ្មាន​អ្នក​ចាប់ រួច​ក៏​ស៊ុត​ទះ​ផ្លា​ចូល​ទីងាយៗ​។​

​ចំណែក​អា​ហ្សង់​ទីន​វិញ​នឹង​សម្លឹង​រក​ចំណុចខ្សោយ​នៅ​តំបន់​ការពារ​របស់​បារាំង ខណៈ​ម៉េស​ស៊ីនិង​ជូ​លៀន អាល់​វ៉ា​រេស (Julian Alvarez) ដែល​ស៊ុត​ចូល​ទីក្រូ​អាស៊ី​នៅ​វគ្គ​ពាក់កណ្តាល​ផ្តាច់ព្រ័ត្រ នឹង​សម្លឹង​កេងចំណេញ​លើ​ចំណុចខ្សោយ​របស់​បារាំង​៕

ម៉េស​ស៊ី​និងអឹមបា​ហ្វេ​នឹង​ប៉ះ​គ្នា​នៅ​វគ្គ​ផ្តាច់ព្រ័ត្រ​វើល​ខាប់​នៅ​កាតា​នៅ​ថ្ងៃអាទិត្យ​

​ក្រុម​អា​ហ្សង់​ទីន​កំពុង​ហ្វឹកហាត់​និង​ភ័យអរ​មិនដឹង​ដណ្តើម​តំណែង​ជើង​ឯ​បាន​ដែរ​ឬ​អត់​