​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ប្រធានាធិបតី​ចិន​លោក ស៊ី ជីន​ភីង បាន​ជំរុញ​ពិភពលោក​ឱ្យ​ចាត់វិធានការ​លើ​ការការពារ​ការបាត់បង់​ធម្មជាតិ​នៅក្នុង​សារ​ជា​វីដេអូ​ទៅ​កាន់​រដ្ឋមន្ត្រី​មក​ពី​ជាង ១២០ ប្រទេស​ដែល​បាន​ជួបប្រជុំ​គ្នា​នៅ​ទីក្រុង​ម៉ុងរ៉េអាល់ (Montreal)​សម្រាប់​កិច្ចប្រជុំ​កំពូល​ជីវចម្រុះ​របស់​អង្គការសហប្រជាជាតិ ដែល​ចិន​កាន់តំណែង​ជា​ប្រធាន​។​

​លោក​ស៊ី ថ្លែង​តាម​វីដេអូ​ទៅកាន់​ការបើក​កិច្ចប្រជុំ​នៅ​ក្រុង​ម៉ុងរ៉េអាល់​កាលពី​ថ្ងៃ​១៥​ធ្នូ​

​លោក​ស៊ី​បាន​និយាយ​កាលពី​ថ្ងៃ​ព្រហស្បតិ៍​តាមរយៈ​អ្នកបកប្រែ​ថា “​យើង​ត្រូវ​ជំរុញ​ដំណើរការ​សកល​នៃ​ការការពារ​ជីវចម្រុះ​។ គ្រប់​ភាវៈរស់​ទាំងអស់​គួរ​រីកចម្រើន​ដោយ​មិន​បង្ក​ផល​ប៉ះពាល់​ដល់​គ្នា​ទៅវិញ​​ទៅមក​”​។​

​ប្រទេស​នានា​កំពុង​ព្យាយាម​ឈានដល់​កិច្ច​ព្រមព្រៀង​ជា​សកល​ថ្មី​មួយ​ស្តីពី​ការការពារ​ធម្មជាតិរ​ហូត​ដល់​ឆ្នាំ ២០៣០ ដែល​ត្រួសត្រាយ​ដោយ​គោលដៅ​២៣​ចំណុច​។ ប៉ុន្តែ​ការរីកចម្រើន​មាន​ភាពយឺតយ៉ាវ​។ ​កិច្ចពិភាក្សា​ក្នុងចំណោម​គណៈប្រតិភូ​បាន​ចាប់ផ្តើម​នៅ​ថ្ងៃទី ៧ ខែ​ធ្នូ តែ​ទោះ​យ៉ាងណា​បណ្តា​ប្រទេស​នានា​មិន​អាច​ស្វែងរក​កិច្ចព្រមព្រៀង​លើ​ទិដ្ឋភាព​នានា​បាន ដូចជា​ការផ្តល់​មូលនិធិ​និង​វិធី​ល្អ​បំផុត​​ដើម្បី​ការពារ​ដី​និង​ទឹក ខណៈ​ធាតុ​រាប់រយ​មិនទាន់បាន​ដោះស្រាយ​នៅ​ក្នុង​សេចក្តីព្រាង​នៃ​កិច្ចព្រមព្រៀង​នៅ​ឡើយ​ទេ​។​

​ចិន​កាលពី​ថ្ងៃ​ព្រហស្បតិ៍​បាន​តែងតាំង​រដ្ឋមន្ត្រី​ចំនួន​ប្រាំ​មួយរូប​ដើម្បី​អនុវត្ត​ការពិគ្រោះ​យោបល់​លើ​បញ្ហា​លេចធ្លោ​នានា រួម​ទាំង​ការ​កៀរគរ​ហិរញ្ញវត្ថុ​និង​គោលដៅ​សំខាន់ៗ​ចំនួន​បី​លើ​ការអភិរក្ស​​និង​ការស្ដារ​ឡើង​វិញ ក្នុង​ក្តីសង្ឃឹម​ថា​នឹង​ឈាន​ដល់​កិច្ចព្រមព្រៀង​នៅ​ត្រឹម​ថ្ងៃ​ផុតកំណត់ ១៩ ខែ​ធ្នូ​៕

ប្រទេស​នានា​កំពុង​ព្យាយាម​ឈានដល់​កិច្ច​ព្រមព្រៀង​ជា​សកល​ថ្មី​មួយ​ស្តីពី​ការការពារ​ធម្មជាតិរ​ហូត​ដល់​ឆ្នាំ ២០៣០ ដែល​ត្រួសត្រាយ​ដោយ​គោលដៅ​២៣​ចំណុច