​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ អង្គការសហប្រជាជាតិ​បាន​និយាយថា កង​រក្សាសន្តិភាព​រប​ស់​អ​.​ស​.​ប​ពីរ​នាក់​មកពី​ប្រទេស​នី​ហ្សេ​រី​យ៉ា​ត្រូវបាន​សម្លាប់​និង​បួន​នាក់​ផ្សេង​ទៀត​បាន​រង​​របួស​នៅក្នុង​ការវាយប្រហា​រកា​លពី​ថ្ងៃ​សុក្រ​ទី​១៦​ធ្នូ​លើ​ការ​ល្បាត​សន្តិភាព​នៅ​ទីក្រុង​ធី​ម​បុក​ទូ (Timbuktu) ភាគ​ខាងជើង​ប្រទេស​ម៉ាលី​។​

​ក្រុមប្រឹក្សាសន្តិសុខ​អ​.​ស​.​ប​បាន​និយាយថា សមាជិក​នៃ​កងកម្លាំង​សន្តិសុខ​របស់​ម៉ាលី​ក៏​ត្រូវបាន​សម្លាប់​នៅក្នុង​ការវាយប្រហារ​នេះ​ផងដែរ​។​

​អ្នកនាំពាក្យ​អ​.​ស​.​ប លោក ស្តេ​ហ្វេន ឌួ​ចារិក (Stephane Dujarric) បាន​និយាយថា សមាជិក​រក្សា​សន្តិភាព​ម្នាក់ ដែល​ត្រូវបាន​សម្លាប់ គឺជា​ស្ត្រី​។​

​អគ្គលេខាធិការ​អ​.​ស​.​ប លោក អង់​តូ​នីញ៉ូ គូថេ​រ៉េស​និង​ក្រុមប្រឹក្សាសន្តិ​សុខ បាន​ថ្កោលទោស​យ៉ាងខ្លាំង​ចំពោះ​ការវាយប្រហារ​នេះ​។​

​ក្រុមប្រឹក្សាសន្តិសុខ​បាន​សង្កត់ធ្ងន់ថា ការ​ជាប់​ពាក់ព័ន្ធ​ក្នុង​ការរៀបចំ​ផែនការ ដឹកនាំ ឧបត្ថម្ភ ឬ​ធ្វើ​ការវាយប្រហារ​សំដៅលើ​កង​រក្សាសន្តិភាព​រប​ស់​អ​.​ស​.​ប អាច​បង្កើតបាន​ជា​ឧក្រិដ្ឋកម្ម​សង្គ្រាម​។​

​ប្រទេស​ម៉ាលី​បាន​ស្ថិតក្នុង​ភាពចលាចល​ចាប់តាំងពី​ការបះបោរ​ឆ្នាំ ២០១២ នៅពេល​ដែល​ទាហាន​បះបោរ​បាន​ផ្តួល​រំលំ​ប្រធានាធិបតី​។​ការ​ខ្វះ​អ្នក​កាន់អំណាច​ទីបំផុត​បាន​នាំឱ្យ​មាន​ការបះបោរ​ពី​​ពួក​ជី​ហាដ និង​សង្គ្រាម​ដឹកនាំ​ដោយ​បារាំង ដែល​បាន​បណ្តេញ​ពួក​ជី​ហាដ​ចេញពី​អំណាច​ក្នុង​ឆ្នាំ ២០១៣​។​

​ក្រុម​បះបោរ​នៅតែ​សកម្ម​នៅក្នុង​ប្រទេស​ម៉ាលី​ហើយ​ក្រុម​ជ្រុលនិយម​ដែលមាន​ទំនាក់ទំនង​ជាមួយ​ក្រុម​អាល់​កៃ​ដា​និង​ក្រុម​រដ្ឋ​អ៊ីស្លាម​បាន​ផ្លាស់​ពី​ភាគ​ខាងជើង​ដ៏​ស្ងួត​ហួតហែង​ទៅកាន់​ភាគ​​កណ្តាល​ប្រទេស​ម៉ាលី​ដែល​សម្បូរ​មនុស្ស​ចាប់តាំងពី​ឆ្នាំ ២០១៥ ដោយ​បាន​បង្ក​ឱ្យ​មាន​ភាពច្របូកច្របល់​និង​អំពើ​ហិង្សា​រវាង​ក្រុម​ជនជាតិ​ភាគតិច​នៅ​ក្នុង​តំបន់​។​

​ភាព​តានតឹង​បាន​កើន​ឡើង​រវាង​ម៉ាលី ប្រទេសជិតខាង​អាហ្វ្រិក និង​ប្រទេស​លោកខាងលិច ចាប់តាំងពី​រដ្ឋាភិបាល​របស់​ម៉ាលី​បានអនុញ្ញាត​ឱ្យ​ទាហាន​ស៊ីឈ្នួល​រុស្ស៊ី​មក​ពី​ក្រុម Wagner Group ពង្រាយ​លើ​ទឹកដី​របស់​ខ្លួន​៕

វត្តមានកងថែររក្សា​សន្តិភាព​នៅម៉ាលី