​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្រុមហ៊ុន Uber អាច​នឹង​សម្លឹង​យក​រ៉ូបូត​មក​ជំនួស​អ្នក​បើកបរជា​មនុស្ស​មួយចំនួន បន្ទាប់​ពី​ប្រឈមមុខ​នឹង​បណ្ដឹង​តុលាការ​ពី​បុគ្គលិក ដែល​ព្យាយាម​ចង់​ឱ្យ​ដំឡើង​ប្រាក់ខែ​។​

​ក្រុមហ៊ុន​ដឹក​ភ្ញៀវ​ខ្នាត​យក្ស​នេះ​កំពុង​ជួល​រ៉ូ​បូតបើកបរ​ដោយខ្លួន​ឯង​ដើម្បី​ចែកចាយ​អាហារ​សម្រាប់​កម្មវិធី​UberEats​របស់​ខ្លួន​ពី​ឈ្មួញ​សម្រិតសម្រាំង​នៅ​ទីក្រុង​ម៉ៃ​អា​មី រដ្ឋ​ផ្លរីដា​ហើយ​គ្រោង​នឹង​​ពង្រីក​ទៅ​ទីក្រុង​ជា​ច្រើន​ទៀត​នៅ​ឆ្នាំក្រោយ​។​

​រ៉ូបូ​តកង់​ប្រាំមួយ​សម្រាប់​ធ្វើដំណើរ​តាម​ចិញ្ចើម​ផ្លូវ​នេះ​គឺ​មកពី​ក្រុមហ៊ុន Cartken ដែល​អតីត​វិស្វករ Google បាន​បង្កើតឡើង និង មាន​ឃ្លុប​មួយ​អាច​ផ្ទុកទំនិញ​បាន​ដល់​ទៅ ១១ គីឡូក្រាម​។​

​ភាព​ជា​ដៃគូ ដែល​បាន​ប្រកាស​កាលពី​ថ្ងៃ​ព្រហស្បតិ៍ កើតឡើង​ពីរ​ថ្ងៃ​បន្ទាប់ពី​ចៅក្រម​នៅ​ម៉ា​ហា​ថែ​ន (Manhattan) បាន​គាំទ្រ​ការប្រឹងប្រែង​របស់​ក្រុមហ៊ុន Uber​ក្នុង​ការទប់ស្កាត់​ការដំឡើង​ប្រាក់​​ឈ្នួល​ជា​បណ្តោះអាសន្ន​សម្រាប់​អ្នកបើកបរ​ដែល​ចែករំលែក​ការ​ជិះ មិន​ឱ្យ​ចូល​ជា​ធរមាន​នៅ​សប្តាហ៍​ក្រោយ​។​

​ការដំឡើង​ប្រាក់​ឈ្នួល​នឹង​កើនឡើង ២៣,៩៣ ភាគរយ​ក្នុង​មួយ​ម៉ា​យល៍ (១,៦ គីឡូម៉ែត្រ​)​។ Uber ត្រូវ​គេ​និយាយថា​នឹង​យក​កម្រៃជើងសារ​ប្រហែល ២៥ ភាគរយ​ពី​អ្នកបើកបរ​។​

​ទោះយ៉ាងណា ការចែក​រំ​លែ​ការ​ជិះ​យានយន្ត​ជាមួយ​រ៉ូបូត​ហាក់បីដូច​ជា​វិថី​នៃ​អនាគត ខណៈ​ក្រុមហ៊ុន​ជាច្រើន​កំពុង​ស្វែងរក​ការប្រើប្រាស់​រ៉ូបូ​តតាក់​ស៊ី​និង​រ៉ូ​បូតដឹកជញ្ជូន​។​

Uber បាន​សាកល្បង​រ៉ូបូត​តាំងពី​ខែ​ឧសភា ដែល​ជា​បច្ចេកវិជ្ជា​ដំបូង​គេ​បង្កើតឡើង​ដោយ​ក្រុមហ៊ុន Serve Robotics នៅ​ឡូ​សអាន់​ជេ​ឡេស​, សាន់​ឌី​ហ្គោ (San Diego) និង ឌូ​បៃ​៕

Uber កំពុង​ប្រើ​រ៉ូ​បូតពី​ក្រុមហ៊ុន Cartken ដើម្បី​ដឹក​អាហារ​នៅ​ម៉ៃ​អា​មី​