​ប្រែ​សម្រួលៈ​បំណង​(​វ៉េ​អិន​អិច​ស្ព្រេ​ស​)៖ កំណក​ព្រិល​កើតមាន​នៅ​លើ​ភ្នំ​ខ្ពស់​បំផុត​របស់​វៀតណាម​នៅ​តំបន់​ខ្ពស់​រាប​ខាងជើង​អស់ពេល​ប្រមាណ​៣០​នាទី​កាលពី​ថ្ងៃ​សៅរ៍​ទី​១៧​ធ្នូ នៅពេល​សីតុណ្ហភាព​បាន​ធ្លាក់​​ចុះ​ដល់​ដក​ពីរ​(-2)​អង្សា​សេ​នៅ​ម៉ោង​ប្រមាណ​៧​ព្រឹក​។​កំណក​ព្រិត​ទឹកកក​ស្តើងៗ​ត្រូវបានគេឃើញកកជាប់​នៅ​តាម​ស្លឹក​និង​មែកឈើ​។​

​ខ្យល់​ត្រជាក់​ឥឡូវ​គ្របដណ្តប់​នៅ​តំបន់​វៀតណាម​ខាងជើង​និង​ភាគច្រើន​នៃ​វៀតណាម​កណ្តាល​។​នៅ​ទីក្រុង​ហាណូយ សីតុណ្ហភាព​បាន​ធ្លាក់ចុះ​ដល់​១២​អង្សា​សេ​កាលពី​ព្រឹក​ថ្ងៃ​សៅរ៍ ក្រោយ​ពី​ទីក្រុង​នេះ​​ជួប​សីតុណ្ហភាព​១៦​អង្សា​សេ​កាលពី​ថ្ងៃ​សុក្រ​។​

​បណ្តា​តំបន់ភ្នំ​ដូចជា​ខេត្ត​ឡាវ កាយ​(Lao Cai)​ឡាង​សឺ​ន​(Lang Son)​ហា យ៉ាង​( Ha Giang)​ឡាយ ចា​វ​(Lai Chau)​និងឌៀន​បៀ​ន​(Dien Bien)​សុទ្ធ​តែ​ជួប​អាកាសធាតុ​ត្រជាក់​ក្រោម​១០​អង្សា​សេ​។​

​នៅ​វៀតណាម​កណ្តាល សីតុណ្ហភាព​ចុះ​ទាប​បំផុត​ត្រូវ​បាន​គេ​សង្កេតឃើញ​នៅ​ខេត្ត ថាញ់​ហ័រ​(Thanh Hoa)​ហា​ទិញ​(Ha Tinh)​និង​ក្វាង​ទ្រី​( Quang Tri)​។​ខេត្ត​ទាំង​នេះ​មាន​សីតុណ្ហភាព​រង្វង់​១៥​ទៅ​១៧​អង្សា​សេ​។​ផ្នែក​ឧតុនិយម​បាន​និយាយថា សីតុណ្ហភាព​ទំនង​ជា​បន្ត​ធ្លាក់ចុះ​នៅ​ថ្ងៃ​សៅរ៍​និង​អាទិត្យ ដោយសារ​តែ​ម៉ាស​ខ្យល់​ត្រជាក់ ដោយ​ខ្ពង់រាប​និង​តំបន់ឆ្នេរ​នៅ​វៀតណាម​កណ្តាល​និង​ខាង​​ជើង​នឹងមាន​សីតុណ្ហភាពពី​៨​ទៅ​១១​អង្សា​សេ​។​

​តំបន់ភ្នំ នឹង​ឃើញ​សីតុណ្ហភាព​ចុះ​ប្រមាណ​៣​ទៅ​៧​អង្សា​សេ និង​កន្លែង​ខ្លះ​អាច​សូន្យ​អង្សា​។​

​សូមបញ្ជាក់​ថា ពេល​ត្រជាក់​បំផុត​នា​រដូវរ​ងារ​នេះ​នឹង​នៅ​ចន្លោះ​ខែធ្នូ​និង​កុម្ភៈ​ឆ្នាំក្រោយ ដោយ​មួយ​លើកៗ​មាន​រយៈពេល​ពីរ​ទៅ​ប្រាំ​ថ្ងៃ​៕

​កំណក​ទឹកកក​ស្តើង​នៅលើ​ស្លឹក​និង​មែកឈើ​នៅលើ​ភ្នំ ហ្វាន​ស៊ីប៉ាន់​នៅ​វៀតណាម​ខាងជើង​កាល​ពី​ព្រឹក​ថ្ងៃ​សៅរ៍​

​វៀតណាម​ខាងជើង​ត្រូវបាន​ព្យាករណ៍​ថា​នឹង​ជួប​រដូវរងារ​ត្រជាក់​បំផុត​នៅ​ឆ្នាំ​ចាប់ពី​ថ្ងៃ​សុក្រ​ទី​១៦​ធ្នូ ដោយ​តំបន់ភ្នំ​សីតុណ្ហភាព​អាច​ចុះ​ដល់​សូន្យ​អង្សា​