​ប្រែ​សម្រួលៈ​បំណង​(​បាងកក​ប៉ុស្តិ៍​)៖ ការិយាល័​ព្រះបរមរាជវាំង​បាន​ប្រកាស​នៅ​ថ្ងៃ​សៅរ៍​ទី​១៧​ធ្នូ​នេះ​ថា ព្រះមហាក្សត្រ​និង​មហាក្សត្រិយ៍​ថៃ បាន​ឆ្លងកូវី​ដ​១៩​តែ​ចេញ​រោគសញ្ញា​ស្រាល​ទេ​ នេះ​បើ​តាម​ការចុះ​​ផ្សាយ​របស់​សារព័ត៌មាន​បាងកក​ប៉ុស្តិ៍​នៅ​ថ្ងៃ​សៅរ៍​នេះ​។​

​សារព័ត៌មាន​ខាង​លើ​បាន​និយាយថា ក្រុម​វេជ្ជបណ្ឌិត​ប្រចាំ​រាជវាំង​បាន​ធ្វើតេស្តិ៍​រក​មេរោគ​លើ​ព្រះមហាក្សត្រ​និង​មហាក្សត្រិ​យ៍ និង​បង្ហាញ​ថា​ទ្រង់​ទាំង​ទ្វេ​ឆ្លងកូវី​ដ តែ​ស្ថានភាព​ជំងឺ​ស្រាល​មិន​ធ្ងន់ធ្ងរ​ទេ​។​ក្រុម​​គ្រូពេទ្យ​បាន​ថ្វាយ​ឳ​សថ​ហើយ​ទូលថ្វាយ​ព្រះអង្គ​កុំអោយ​យាង​ចូល​កម្មវិធី​និង​ព្រឹត្តិការណ៍​ណាមួយ​។​

​សូមបញ្ជាក់​ថា ស្តេ​ចថៃ​ព្រះបាទ មហា វិជ្ជ​រ៉ា​ឡុងកន និង​មហេសី កាលពី​ថ្ងៃ​សុក្រ​បាន​យាង​ទៅ​កាន់​មន្ទីរពេទ្យ​ជូឡាឡុងកន​ក្នុង​ទីក្រុង​បាងកក​ដើម្បី​មើល​ព្រះអង្គម្ចាស់ក្សត្រិយ៍ បា​រ៉ា​គី​ទី​យ៉ាផា ណា​រ៉េ​ន​ឌី​រ៉ា ​ដេ​ប៊ី​អេ​វ៉េត​(Bajrakitiyabha Narendira Debyavati)​បុត្រ​ច្បង​របស់​ទ្រង់​ជា​មួយ​មហេសី​មុន​ដែល​កំពុង​សម្រាក​ព្យាបាល​នៅ​ទីនោះ​ក្រោយ​ដួលសន្លប់​នៅ​ខេត្ត​ភាគ​ខាងជើង​មួយ​ដោយសារ​​បញ្ហា​បេះដូង ។​

​នៅ​ទីនោះ អ្នកគាំទ្រ​ព្រះអង្គ​រាប់រយ​នាក់​បាន​ស្វាគមន៍​ទ្រង់​និង​មហេសី និង​បន់ស្រន់​អោយ​ព្រះអង្គម្ចាស់ក្សត្រិយ៍​ឆាប់​ជា​ពី​ជំងឺ​ព្យាធិ​៕

​ស្តេ​ថៃ​ព្រះបាទ មហា វិជ្ជ​រ៉ា​ឡុងកន និង​មហេសី យាង​ទៅ​មើល​បុត្រី​ដែល​កំពុង​សម្រាក​ព្យាបាល​ជំងឺ​នៅ​មន្ទីរពេទ្យ​និង​បាន​ជួប​ស្វាគមន៍​អ្នកគាំទ្រ​ជាច្រើន​។​ក្រោយ​វិល​មក​កាន់​រាជវាំង ព្រះអង្គ​ទាំង​ទ្វេ​​មានកូ​វីដ​១៩

ប្រជាជនថៃ រួមជាមួយសមាជិកគណៈរដ្ឋមន្រ្តីថៃ ជូនពរអោយព្រះអង្គម្ចាស់ក្សត្រិយ៍​ឆាប់​ជា​ពី​ជំងឺ​