​ប្រែ​សម្រួលៈ​បំណង​(​ដេល្លី​ម៉េល​)៖ ប្តី​ប្រពន្ធ​ដែល​ត្រូវ​ឆ្នោត​រង្វាន់​ធំ​មួយ​នៅ​អង់គ្លេស​កំពុង​ធ្វើ​អោយ​ឆ្មា​អនាថា​«​មានសំណាង​»​មួយ​ក្បាល​សប្បាយចិត្ត ក្រោយ​នាំ​វា​មក​ចិញ្ចឹម​បាន​ប្រាំមួយ​ខែស្រាប់​តែ​ពួកគេ​ឈ្នះ​ឆ្នោត​មួយ​លាន​ផោន ចំ​ពេល​ពួកគេ​អត់​កា​ងារ​ធ្វើ ឈឺ​និង​ជំពាក់​បំណុល​។​

​ថូ​នី ភៀ​ស (Tony Pearce)​អាយុ​៧១​ឆ្នាំ និង​ប្រពន្ធ ដេ​ប ភៀ​ស​(Deb Pearce )​អាយុ​៦៣​ឆ្នាំ បានចាប់ផ្តើម​ចិញ្ចឹម​ឆ្មា​ខ្មៅ ប៊ី​ល្លី​(Billy)​ចំ​ពេល​ដែល​ពួកគេ​មាន​ការលំបាក​ខាង​លុយកាក់ តែ​ក្រោយ​បន្តិច​មក អ្នក​ទាំង​ពីរ​ដែល​រស់​នៅ​ក្រុង សោត​ថិ​ន​ដ៍​(Southend) ប្រទេស​អង់គ្លេស បាន​ឈ្នះឆ្នោត​១​លាន​ផោន​នៅ​ឆ្នាំ​២០១៧ ហើយ​ឆ្មា​ប៊ី​ល្លី របស់​គេ​ក៏​ចូលរួម​ទទួល​ទ្រព្យធន​នេះដែរ​។​

​ប៊ី​ល្លី អាយុ​៨​ឆ្នាំ តែង​ដើរ​លេង​ជាមួយ​ប្តី​ប្រពន្ធ​វ័យចាស់​នេះ​ជាមួយនឹងរ​ទោះ​ធំ​មួយ និង​រីករាយ​ជាមួយនឹង​អាហារ​តាម​វា​ចូលចិត្ត​។​

​លោកស្រី​ភៀស​បាន​និយាយថា​«​មនុស្ស​ខ្លះ​គិតថា ឆ្មា​ខ្មៅ​នាំ​ចង្រៃ ។​ខ្ញុំ​មិន​អាច​និយាយ​អ្វី​ក្រៅ​ពី​ការពិត​ទេ​។​ពេល​ប៊ី​ល្លី​ចូល​មក​នៅក្នុង​ផ្ទះរប​ស់​យើង ពួកយើង​ហៀបនឹង​លក់​ផ្ទះ​ទៅ​ហើយ​និង​ក៏​នឿយណាយ​ចិត្តនឹង​គ្នា​ផង​។​ថូ​នី បាន​ឈប់​ធ្វើការ​ដោយ​សារ​មាន​ជំងឺ និង​ពួកយើង​ជំពាក់​បំណុល​គេ​ច្រើន​»​។​

​លោកស្រី​បន្ត​ថា «​ពេល​នោះ​ពួក​យើង​មាន​ជំរើស​តែ​មួយ​គឺ​ជួល​ផ្ទះ​គេ​នៅ​។​តែ​នៅ​ប្រាំមួយ​ខែ​បន្ទាប់​ពី​ប៊ី​ល្លី​ចូល​មក​នៅ សំណាង​បាន​ចូលមក​ដល់ ជីវភាព​របស់​យើង​បាន​ផ្លាស់ប្តូរ​មក​ជា​ល្អ​។​យើង​អាច​បន្ត​នៅក្នុង​ផ្ទះ​ជា​ទី​ស្រឡាញ់​របស់​យើង​និង​កែកុន​ជួសជុល​វា​។​យើង​សប្បាយ​នឹង​ការដើរ​កម្សាន្ត​ជិត​ឆ្ងាយ​»​។​

​លោក​ថូ​នី ភៀ​ស ប្រពន្ធ ដេ​ប ភៀ​ស និង​ឆ្មា​ខ្មៅ ប៊ី​ល្លី​

​ប៊ី​ល្លី ឥឡូវ​ក្លាយជា​ផ្នែក​មួយ​នៃ​គ្រួសារ និង​ប្តី​ប្រពន្ធ​នេះ​ខិតខំ​មើលថែ​វា​ណាស់ ដោយ​មួយថ្ងៃ​ត្រូវ​ចាក់​ថ្នាំ​អ៊ី​ន​ស៊ូ​លីន​ពីរដង​ដោយសារ​វា​កើត​ជំងឺ​ទឹកនោម​ផ្អែម​និង​ផ្តល់​អាហារ​ប្រៃ​ផ្អែម​តិចៗ​។​ឆ្មា​ខ្មៅ​នេះ​មុនពេល​រើស​មក​ចិញ្ចឹម ជា​ឆ្មា​អនាថា​មួយ​ក្បាល​៕