​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ឈុត​រ៉ូប​ពណ៌​ខ្មៅ​ពាក់​ដោយ​ប្រធាន​ក្រុម​អា​ហ្សង់​ទីន លី​អូ​នែ​ល ម៉េស​ស៊ី ត្រូវបាន​ផ្តល់​ជូន​គាត់​ជា “​កិត្តិយស​”​នៅពេល​ដែល​គាត់​លើ​កពាន​វើល​ខាប់​នៅ​ប្រទេស​​កាតា​។​

​ឈុត​រ៉ូបឈ្មោះ ប៊ីស (Bisht) ដែល​ជា​ឈុត​រ៉ូប​ធំ​បែប​ប្រពៃណី​មើលឃើញ​ឆ្លុះ​របស់​អារ៉ាប់ ត្រូវ​បាន​ពាក់​លើ​ម៉េ​ស៊ី​ដោយ​ស្តេច​កាតា មុន​ពេល​គាត់​ចូលរួម​ជាមួយ​មិត្ត​រួម​ក្រុម​ដ៏​រីករាយ​របស់​គាត់​ខណៈ​ពួក​​គេ​អបអរ​ជ័យជម្នះ​ត្រជាក់​ចុងដៃចុងជើង​របស់​ពួក​គេ​លើ​បារាំង​។​

​អ្នក​មើល​និង​អ្នក​ផ្សាយ​មួយ​ចំនួន ដែល​មិន​ស្គាល់​សម្លៀក​បំពាក់​នេះ​និង​សារៈសំខាន់​របស់​វា មាន​ការងឿងឆ្ងល់​យ៉ាង​ខ្លាំង ប៉ុន្តែ​អ្នក​សិក្សា​ម្នាក់​បាន​ពន្យល់​ថា​វា​ជា​វិធី​របស់​កាតា​ក្នុង​ការ​ផ្តល់​កិត្តិយស​​ដល់​ម៉េស​ស៊ី​។​

​លោក​បណ្ឌិត មូស្តា​ហ្វា បា​អ៊ី​ក (Mustafa Baig) ជា​សាស្ត្រាចារ្យ​ផ្នែក​សិក្សា​អ៊ីស្លាម​នៅ​សាកលវិទ្យាល័យ Exeter បាន​ប្រាប់​ទីភ្នាក់ងារ​សារព័ត៌មាន PA ថា​ឈុត​ប៊ីស​គឺជា​សម្លៀកបំពាក់​ផ្លូវការ​​ដែល​ពាក់​ដោយ​រាជវង្ស ឥស្សរជន កូនកំលោះ​ក្នុង​ថ្ងៃ​រៀបការ​របស់​ពួកគេ និង​និស្សិត​បញ្ចប់​ការសិក្សា​ក្នុង​ពិធី​បញ្ចប់​ការសិក្សា​។​

​លោក​បាន​បន្តថា “​ដូច្នេះ​មាន​តែ​មនុស្ស​សម្រាំង​មួយចំនួន​តូច​ប៉ុណ្ណោះ​ដែល​បាន​ស្លៀកពាក់​ឈុត​នេះ​”​។​

​និយាយ​អំពី​ម៉េស​ស៊ី​ស្លៀកពាក់​ឈុត​នេះ លោក​បណ្ឌិត​បា​អ៊ី​ក​និយាយថា “​ពួក​គេ​គោរព​គាត់​ដោយ​ដាក់​វា​នៅ​លើ​ស្មា​របស់គាត់​”​។​

“​វា​ដូច​ជា​សញ្ញា​នៃ​កិត្តិយស ហើយ​គ្រាន់តែ​ជា​ប្រភេទ​នៃ​ការស្វាគមន៍​បែប​វប្បធម៌ និង​ការទទួលយក​វប្បធម៌​មួយ​ប៉ុណ្ណោះ​”​។​

​លោក​បណ្ឌិត​បា​អ៊ី​ក​បាន​និយាយថា វា​ក៏​ជា​តំណាង​នៃ​សម្លៀកបំពាក់​ជាតិ​របស់​កាតា​ផងដែរ ប៉ុន្តែ​មាន​តែ​នៅក្នុង​ឱកាស​សំខាន់ៗ​ប៉ុណ្ណោះ​។​

​លោក​និយាយថា “​ហើយ​នេះ​គឺជា​ឱកាស​កំពូល​មួយ​។ ខ្ញុំ​ចង់​មានន័យថា ប្រហែលជា​មិន​មាន​ឱកាស​ធំ​ជាង​នេះ​ទៀត​នោះទេ ដូច្នេះ​គេ​យក​វា​មក​ពាក់​ឱ្យ​គាត់​សម្រាប់​ជា​កិត្តិយស​”៕

ម៉េស​ស៊ីលើក​ពានជាមួយ​ស្តេច​កាតា​និង​ប្រធាន FIFA​ក្រោម​ការបំពាក់​រ៉ូប​ពណ៌​ខ្មៅ​ពី​ស្តេច​កាតា​