​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ កីឡាករ លី​អូ​នែ​ល ម៉េស​ស៊ី ដែល​ពាក់​ឈុត​រ៉ូប​កាតា​ពណ៌​ខ្មៅ​លើ​អាវ​អា​ហ្សង់​ទីនព​ណ៌​ខៀវ​ឆ្នូតស​របស់ខ្លួន បាន​ថើប​ពាន​វើល​ខាប់ រត់​សំដៅ​មិត្ត​រួម​ក្រុម​ហើយ​​លើក​ពានមាស​ទៅលើ​មេឃ​។​

​វា​ជា​ទិដ្ឋភាព​ដ៏​អស្ចារ្យ ដែល​នៅ​ទីបំផុត​បាន​ដាក់​កំពូល​តារាបាល់ទាត់​រូបនេះ​ទៅក្នុង​បញ្ជី​កីឡាករ​អស្ចារ្យ​បំផុត​នៅ​វើល​ខា​ប់​។​

​អាជីព​មួយ​ជំនាន់​របស់​ម៉េស​ស៊ី​ត្រូវបាន​បញ្ចប់ ៖ គាត់​គឺជា​ជើងឯក​វើល​ខាប់​។​

​ក្នុង​ការប្រកួត​វគ្គ​ផ្តាច់ព្រ័ត្រ​ដែល​ប្រហែល​ល្អមើល​បំផុត​ក្នុង​ប្រវត្តិសាស្ត្រ ៩២ ឆ្នាំ​នៃ​វើល​ខា​ប់ អា​ហ្សង់​ទីន​បានឈ្នះ​ពាន​វើល​ខាប់​ជា​លើក​ទី​បី​របស់​ខ្លួន​ដោយ​យកឈ្នះ​បារាំង ៤-២ ក្នុងការ​ស៊ុត​បាល់​ប៉េណាល់​ទី បន្ទាប់​ពី​ស្មើ ៣-៣ ដែល​មាន​ពីរ​គ្រាប់​ពី​ម៉េស​ស៊ីវ័យ ៣៥ ឆ្នាំ និង​បី​គ្រាប់​ពី​កីឡាករ​ទំនងជា​អ្នក​ស្នង​តំណែង​ពី​គាត់ គឺ ខ្សែប្រយុទ្ធ​បារាំង កាយ​លៀន អឹម​បា​ប៉េ (Kylian Mbappé)​។​

​ម៉េស​ស៊ីបា​ននិយាយថា “​វា​ពិតជា​រឿង​ឆ្កួត​មែនដែ​លវា​ក្លាយជា​ការពិត​។ ខ្ញុំ​ចង់បាន​ពាន​នេះ​ខ្លាំងណាស់​។ ខ្ញុំ​ដឹង​ថា​ព្រះ​នឹង​នាំយក​អំណោយ​នេះ​មក​ឱ្យ​ខ្ញុំ​។ ខ្ញុំ​មាន​អារម្មណ៍​ថា ពាន​វើល​ខាប់​គឺជា​អំណោយ​ព្រះ​”​។​

​ក្នុងពេល​កំពុង​មាន​ភាពច្របូកច្របល់​នៅក្នុ​ង​កីឡដ្ឋាន Lusail អឹម​បា​ប៉េ​បាន​ប្រឹង​អស់​ពី​សមត្ថភាព​ដើម្បី​យក​គំរូ​តាម​ប៉េឡេ ស្តេច​បាល់ទាត់​របស់​ប្រេ​ស៊ីល​ក្នុងនាម​ជា​ម្ចាស់​ជើងឯក​ក្នុង​ការប្រកួត​វើល​ខាប់​ពីរ​លើក​ដំបូង​របស់​គេ​។ រូបគេ​ថែមទាំង​បាន​ស៊ុត​បញ្ចូល​ទី​បី​គ្រាប់​ម្នាក់​ឯង​ជា​លើក​ដំបូង​ក្នុង​វគ្គ​ផ្តាច់ព្រ័ត្រ​ចាប់តាំងពី​កីឡាករ ជេ​ហ្វ ហឺ​ស (Geoff Hurst) ស៊ុត​បី​គ្រាប់​សម្រាប់​អង់គ្លេស​ក្នុង​ឆ្នាំ ១៩៦៦ ទៀតផង​។ តែ​វា​មិន​គ្រប់គ្រាន់​ដើម្បី​ជួយ​បារាំង​ឈ្នះ​ពាន​វើល​ខាប់​ជា​លើក​ទី​ពីរ​នោះទេ​។

​ឥឡូវ​នេះ​លែង​មាន​ការពិភាក្សា​អី​ទៀត​ទេ​។ ម៉េស​ស៊ីបាន​ចូលរួម​ក្នុង​ក្លិប​កីឡាករ​អស្ចារ្យ​គ្រប់​សម័យកាល រួម​ជាមួយ​ប៉េឡេ ដែល​ជា​ម្ចាស់​ជើងឯក​វើល​ខាប់​បី​សម័យកាល និង ឌី​ហ្គោ ម៉ា​រ៉ាដូ​ណា ដែល​ជា​អតីត​កីឡាករ​អា​ហ្សង់​ទីនដ៏​អស្ចារ្យ​ដែល​ម៉េស​ស៊ី​ត្រូវគេយ​កមកប្រៀបធៀប​ជា​ញឹកញាប់​នោះ​៕

ម៉េស​ស៊ី​ឥឡូវ​ជាប់​ក្នុង​បញ្ជី​កីឡាករ​អស្ចារ្យ​រួម​ជាមួយ​ប៉េឡេ​និង​ម៉ា​រ៉ាដូ​ណា ក្រោយ​អា​ហ្សង់​ទីន​ឈ្នះ​ពាន​វើល​ខាប់​

ប្រជាជនអាហ្សង់ទីនផ្ទុះការអបអរក្រោយក្រុមជំរើសជាតិរបស់គេយកឈ្នះក្រុមបារាំងនៅការប្រកួតWorld Cupវគ្គផ្តាច់ព្រាត់