​ប្រែ​សម្រួល : កញ្ញា​ដា​លី​ស,បំណង (​ដេល្លី​ម៉េល​) ៖ បន្ទាប់​ពី​ការប្រកួត​វគ្គ​ផ្តាច់ព្រ័ត្រ​ដ៏​រំភើប​បំផុត ដែល​ឃើញ​ក្រុម​អា​ហ្សង់​ទីន​ផ្តួល​បារាំង​ដោយ​បាល់​ប៉េ​ណាល់​ទី​ពានរង្វាន់​ដទៃទៀត​សម្រាប់វើល​ខា​ប់​២០២២​ក៏​ត្រូវបាន​ប្រកាស​ផងដែរ​។​

​ជាមួយនឹង​ការលេង​ដ៏​ល្អមើល​នៅក្នុង​ប្រទេស​កាតា ឈ្មោះ​ល្បី​បំផុត​មួយ​ចំនួន​នៅក្នុង​កីឡាបាល់ទាត់​ត្រូវបាន​ទទួលស្គាល់​។​

* ពាន​បាល់​មាស​បាន​ទៅ​ម៉េស​ស៊ី ៖ នេះ​ជា​ពាន​វើល​ខាប់​របស់​ម៉េស​ស៊ី ក្រោយ​ស៊ុត​ចូល​៧​គ្រាប់​ដើម្បី​លើ​កពាន​នេះ​នៅ​អាយុ​៣៥​ឆ្នាំ​។

* ពាន​ស្បែកជើង​មាស​បាន​ទៅ​កាយ​លៀន អឹម​បា​ប៉េ ៖ រូបគេ​ជា​កីឡាករ​ដំបូង​គេ​គិត​ចាប់តាំងពី​កីឡាករ ជេ​ហ្វ ហឺ​ស (Geoff Hurst) ដែល​ស៊ុត​បី​គ្រាប់​ម្នាក់ឯង​នៅ​វគ្គ​ផ្តាច់ព្រ័ត្រ​វើល​ខាប់​។ រូបគេ​មាន​៨​គ្រាប់​នៅ​វើល​ខា​ប់ លើ​សម៉េ​សស៊ី​១​គ្រាប់​។​

​កាយ​លៀន អឹម​បា​ប៉េ រកបានគ្រាប់បាល់៨គ្រាប់ ជួយអោយរកបានគ្រាប់បាល់២គ្រាប់ ក្នុង៧ប្រកួត

* ពាន​កីឡាករ​វ័យក្មេង​ឆ្នើម​បាន​ទៅ​កីឡាករ អេម​ហ្សូ ហ្វើ​ណង់​ដេ​ស (Enzo Fernandez) របស់​អា​ហ្សង់​ទីន ៖ ពិត​ណាស់​មាន​កីឡាករ​វ័យក្មេង​ច្រើនណាស់​ដែល​ប្រជែង​ពាន​នេះ តែ​ចុង​ក្រោយ​ហ្វើ​ណង់​ដេ​ស​ជា​អ្នក​ទទួលបាន​វា ក្រោយ​ជួយ​អា​ហ្សង់​ទីន​លើកពាន​វើល​ខាប់​នៅ​អាយុ​ត្រឹម​២១​ឆ្នាំ​។​

* ពាន​ស្រោមដៃ​មាស​បាន​ទៅ​អ្នកចាំទី​អា​ហ្សង់​ទីន អេ​មីលី​យ៉ាណូ ម៉ា​ទីណេស (Emiliano Martinez) ៖ អ្នក​ចាំទី Aston Villa រូប​នេះ​ជួយ​អា​ហ្សង់​ទីន​ឈ្នះ​ហូឡង់​និង​បារាំង​ក្នុង​វគ្គ​ស៊ុត​ប៉េណាល់​ទី ដោយ​សង្គ្រោះបាន​២​គ្រាប់​ក្នុង​ការប្រកួត​នោះ​ដូចគ្នា​។

* ពាន​លេង​មាន​វិន័យ​បាន​ទៅ​ជម្រើសជាតិ​អង់គ្លេស ៖ អង់គ្លេស​មិនបាន​ចាកចេញ​ពី​កាតា​ដោយ​ដៃទទេ​នោះទេ​។ អង់គ្លេស​ជា​ក្រុម​ទទួលបាន​កាត​លឿង​តិចជាងគេ ដូច្នេះ​ត្រូវ​ទទួលពាន​ដ៏​ស័ក្តិសម​មួយ​នេះ​៕