​ប្រែ​សម្រួលៈ​បំណង​(​ស្ត្រេត​ថែមស៍​)៖​អ្នកការទូត​ជើងចាស់​អាម៉េរិក​លោក ហេន​នី ឃី​ស​ស៊ី​ង​ហ្គ័​រ (Henry Kissinger)​បាន​និយាយថា​ពេលវេលា​កំពុង​ខិត​ទៅរក​សន្តិភាព​នៅ​អ៊ុយ​ក្រែន​មួយ​តាមរយៈ​​ការចរចា​ដើម្បី​កាត់បន្ថយ​ហានិភ័យ​នៃ​សង្គ្រាម​លោក​ដ៏​បំផ្លិចបំផ្លាញ​មួយលើកទៀត តែ​រដ្ឋាភិបាល​ទីក្រុង​គៀវ​បាន​ច្រាន​ចោល​ការលើកឡើង​រប​ស់លោក​ដោយ​ចាត់ទុក​វា​ជាការ​«​បំពេញចិត្ត​ពួក​ឈ្លាន​​ពា​ន​»​និង​បាន​និយាយថា មិន​អាច​មាន​កិច្ចព្រមព្រៀង​ណា ពាក់ព័ន្ធ​នឹង​ការប្រគល់​ទឹកដី​អ៊ុយ​ក្រែន​ឡើយ​។​

​លោក ឃី​ស​ស៊ី​ង​ហ្គ័​រ ស្ថាបនិក​នៃ​គោលនយោបាយ​បន្ធូរបន្ថយ​សង្គ្រាមត្រជាក់​ជាមួយ​សហភាពសូវៀតកាល​ពី​លោក​នៅ​ជា​រដ្ឋមន្ត្រី​ការបរទេស​អាម៉េរិក បាន​ជួប​ប្រធានាធិបតី​រុស្ស៊ីជាច្រើន​លើ​ចាប់​តាំង​​ពី​លោក​ពូ​ទីន​ក្លាយជា​ប្រធានាធិបតី​រុស្ស៊ី​ដំបូង​នៅ​ឆ្នាំ​២០០០​។​លោក​បាន​ព្រមាន​ថា បំណង​ចង់អោយ​រុស្ស៊ី​ខ្វិន​លែង​មាន​អំណាច ឬ​រំលាយ​រុស្ស៊ី​ចោល អាច​បង្ក​ភាពវឹកវរ​ធំ​។​

​សូមបញ្ជាក់​ថា ក្រោយ​រុស្ស៊ី​បើក​ប្រតិបត្តិការ​យោធា​ចូល​ប្រទេស​ក្បែរ​ខាង​អ៊ុយ​ក្រែន​កាលពី​ថ្ងៃ​២៤​កុម្ភៈ ឥឡូវ​មិន​មាន​សញ្ញា​ណា​មួយ​បង្ហាញ​ថា​ជម្លោះ​នេះ​នឹង​បញ្ចប់​ក្នុងពេល​ឆាប់ៗ​ទេ​។​ក្រោយ​ធ្វើសង្គ្រាម​អស់​​ដប់​ខែ សម្លាប់​មនុស្ស​រាប់​ម៉ឺន​នាក់​និង​បង្ខំ​អោយ​មនុស្ស​រាប់លាន​នាក់​ចាកចោល​ផ្ទះ​សម្បែង​របស់​គេ រុស្ស៊ី​ឥឡូវ​កាន់កាប់​ទឹកដី​អ៊ុយ​ក្រែន​ប្រមាណ​មួយ​ភា​គប្រាំ​។​

​រដ្ឋាភិបាល​ទីក្រុង​មូ​ស្គូ​និយាយថា រដ្ឋាភិបាល​ទីក្រុង​គៀវ​ត្រូវតែទទួលស្គាល់​ការ​កាត់​យក​ទឹកដី​អ៊ុយ​ក្រែន​នៅ​ភាគ​ខាងកើត​និង​ខាងត្បូង​ទៅ​ជា​ផ្នែក​មួយ​នៃ​ទឹកដី​រុស្ស៊ី តែ​អ៊ុយ​ក្រែន​តប​វិញ​ថាទាហាន​រុស្ស៊ី​​ត្រូវតែ​ដក​ចេញពី​ទឹកដី​របស់​ខ្លួន​ទាំងអស់ រួម​ទាំង​តំបន់​គ្រី​ម៉េដែល​រុស្ស៊ីកាត់​យក​នៅ​ឆ្នាំ​២០១៤​ផង សំរាប់​ការចរចា​រក​សន្តិភាព​ណាមួយ​អាច​កើតមាន​។​

​លោក​ឃី​ស​ស៊ី​ង​ហ្គ័​រ​បាន​សរសេរ​ចុះផ្សាយ​ក្នុង​ទស្សនា​វ​ដ្តី​ដឹ ស្ពិក​ថេ​ធឺ​(The Spectator)​ថា «​ពេលវេលា​កំពុង​ខិត​ទៅរក​ការផ្លាស់ប្តូរ​ជា​យុទ្ធសាស្ត្រ ដែល​បាន​ធ្វើអោយ​សំរេច​រួច​ហើយ​និង​បញ្ចូល​វា​ទៅ​ក្នុង​​រចនា​សម្ពន្ធ​ថ្មី​មួយ​ឆ្ពោះ​ទៅ​ការសំរេច​បាន​សន្តិភាព​តាម​ការចរចា​គ្នា​។​ដំណើរ​ការចរចា​រក​សន្តិភាព​ណាមួយ​គួរ​ភ្ជាប់​អ៊ុយ​ក្រែ​នទៅ​អង្គកា​រណាតូ ។​ជំរើស​នៅ​ជា​អព្យាក្រិ​តលែងមានន័យ​ទៀតហើយ​។​នេះ​ជា​​វិធី​បញ្ចៀស​សង្គ្រាម​លោក​មួយទៀត​»​។​

​ឃី​ស​ស៊ី​ង​ហ្គ័​រ​បាន​និយាយថា កាលពី​ខែ​ឧសភា​លោក​បាន​ស្នើ​អោយ​មាន​បទ​ឈប់​បាញ់​គ្នា​មួយ ដោយ​ក្រោម​កិច្ចព្រមព្រៀង​នេះ​រុស្ស៊ី​ដកទ័ព​ចេញពី​សមរភូមិ​មុខទៅកាន់ទីតាំងមុន​ការឈ្លានពាន​ថ្ងៃ​២៤​កុម្ភៈ តែគ្រី​ម៉េ​ទុក​អាច​ជា​កម្មវត្ថុ​នៃ​ការចរចា​។​

​តាមពិត​ជម្លោះ​នៅ​អ៊ុយ​ក្រែន​ខាងកើត​បានចាប់ផ្តើម​តាំងពី​ឆ្នាំ​២០១៤​ក្រោយ​ប្រធានាធិបតី​អ៊ុយ​ក្រែនគាំទ្រ​រុស្ស៊ី​ម្នាក់​ត្រូវ​បាន​ទម្លាក់​ចេញពី​តំណែង​ក្នុង​ចលនា​បដិវត្តន៍​មួយ​របស់​អ៊ុ​យក្រែន និង​រុស្ស៊ី​បាន​​ដាក់​គ្រី​ម៉េជា​ឧបសម្ពន្ធ​របស់​ខ្លួន ចំ​ពេល​កងកម្លាំង​ផ្តាច់ខ្លួន​គាំទ្រ​ដោយ​រុស្ស៊ី​កំពុង​ប្រយុទ្ធ​ទល់​នឹង​កងកម្លាំង​អ៊ុយ​ក្រែន​នៅ​ខាង​កើតប្រទេស​។​

​ជំនួយការ​ប្រធានាធិបតី​អ៊ុយ​ក្រែនលោក មី​ខា​អ៊ី​ឡូ ប៉ូ​ដូល​យ៉ា​ក​( Mykhailo Podolyak)​បាន​និយាយថា​«​លោក​ឃី​ស​ស៊ី​ង​ហ្គ័​រ នៅតែ​មិន​យល់​អ្វី​សោះ​…​សូម្បី​លក្ខណៈ​នៃ​សង្គ្រាម​នេះ និង​ផលប៉ះពាល់​លើ​​សណ្តាប់ធ្នាប់​ពិភពលោក​។​ការពណ៌នា​របស់​អតីតរដ្ឋមន្ត្រី​ការបរទេស​នេះ គ្រាន់តែ​ជា​ការបំពេញ​ចិត្ត​ពួក​ឈ្លានពាន​ដោយ​សុខចិត្ត​លះបង់​​ទឹកដី​អ៊ុយ​ក្រែន​មួយ​ផ្នែក​ជាមួយនឹង​ការធានា​ថា​មិន​មាន​​ការឈ្លានពាន​ប្រឆាំង​រដ្ឋ​នានា​នៅ​អឺរ៉ុប​ខាងកើត​»​។​

​លោក​បាន​បន្ថែមថា «​គ្រប់​អ្នកគាំទ្រ​ដំណោះស្រាយ​ងាយៗ​ទាំងឡាយ​គួរ​ចាំ​ច្បាស់​ថា ៖​កិច្ចព្រមព្រៀង​ណាមួយ​ជាមួយ​បិសាច សន្តិភាព​គម្រក់​ណាមួយ​ដោយ​សុខចិត្ត​លះបង់​ទឹកដី​អ៊ុយ​ក្រែ​ននឹង​ជា​ជ័យជម្នះ​​សំរាប់​ពូ​ទីន និង​ពួក​ជន​ផ្តាច់ការ​នៅ​ជុំវិញ​ពិភពលោក​»តែប៉ុណ្ណោះ៕

​លោក​ឃី​ស​ស៊ី​ង​ហ្គ័​រ ដែល​ឥឡូវ​វ័យ​៩៩​ឆ្នាំ បាន​លើកឡើងថា​បើ​វា​មិន​អាច​វិល​ទៅកាន់​ស្ថានភាព​មុន​ឆ្នាំ​២០១៤បានទេ ​ការបោះ​ប្រជាមតិ​នៅក្នុង​ទឹកដី​អ៊ុយ​ក្រែន​ដែល​រុស្ស៊ី​បាន​វាយ​កាន់​កាន់​ក្រោ​ការត្រួតពិនិត្យ​​ដោយ​អន្តរជាតិ​ជា​ជំរើស​មួយ