​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ ក្នុងពេល​បន្ទាប់​ពី​ការប្រកួត​វគ្គ​ផ្តាច់ព្រ័ត្រ​វើល​ខាប់​ដ៏ជក់ចិត្ត​បំផុត​ក្នុង​ប្រវត្តិសាស្ត្រ​ត្រូវបាន​យក​ឈ្នះ​ដោយ​អា​ហ្សង់​ទីន លី​អូ​នែ​ល ម៉េស​ស៊ី​ត្រូវបាន​ម្តាយដ៏​រីក​​រាយ​ស្ទុះ​មក​ឱប​នៅលើ​ទីលាន បន្ទាប់​ពី​ខ្សែប្រយុទ្ធ​រូបនេះ​បាន​ឈ្នះ​ពានរង្វាន់​មួយ​ដែល​តែងតែ​គេច​ពី​រូបគាត់​ក្នុង​អាជីព​របស់​គាត់​។​

​លោកស្រី សេ​លី​យ៉ា ម៉ា​រី​យ៉ា ឃូស៊ី​ត​ធីនី (Celia Maria Cuccittini) ត្រូវបាន​កាមេរ៉ា​ចាប់​ជាប់​ក្នុង​ឈុត​អា​ហ្សង់​ទីន​ប្រញាប់​រត់​ទៅរ​កកូនប្រុស​ទាំង​ទឹកភ្នែក​។ ម៉េស​ស៊ី​កំពុង​មើល​កន្លែង​ផ្សេង ខណៈ​លោកស្រី​សំដៅ​ទៅរ​ក​គាត់ ហើយ​អារម្មណ៍​រំជួលចិត្ត​ដែល​លោកស្រី​មាន​ចំពោះ​កូន​ពេល​ម៉េស​ស៊ី​មើល​ឃើញ​គាត់​ក្នុងនាម​ជា​ម្ចាស់​ពាន​វើល​ខា​ប់​លើកដំបូង​ត្រូវបានថ​ត​ជាប់​លើ​កាមេរ៉ា​។​

​ម៉េស​ស៊ី​ស៊ុតចូ​លពីរ​គ្រាប់​ក្នុងការ​ប្រកួត​និង​មួយ​គ្រាប់​ទៀត​ពី​ការ​ស៊ុត​បាល់​ប៉េណាល់​ទី ខណៈ​អា​ហ្សង់​ទីន​លេង​បាន​ត្រឹម​ស្មើ ៣-៣ ជាមួយ​បារាំង បន្ទាប់​ពី​ម៉ោង​បន្ថែម មុន​ពេល​ឈ្នះ ៤-២​ដោយ​ការ​​ស៊ុត​បាល់​ប៉េណាល់​ទី​។ មិត្ត​រួម​ក្រុម​របស់​ម៉េស​ស៊ីនៅ Paris Saint-Germain គឺ កាយ​លៀន អឹម​បា​ហ្វេ (Kylian Mbappe) ស៊ុត​បាន​បី​គ្រាប់ (Hat-trick) ឱ្យ​បារាំង​ប៉ុន្តែ​នៅតែ​ស្ថិត​​ក្នុង​ក្រុម​ចាញ់​។​

​នៅ​ចន្លោះ​ពេល​បញ្ចប់​ការ​ប្រកួត​និង​ការលើក​ពាន កូនៗ​របស់​ម៉េស​ស៊ី​ក៏​បាន​ឡើង​លើ​ទី​លានដែ​រ​។ គាត់​មានកូន​ប្រុស​បីនាក់ ឈ្មោះ ធី​អា​ហ្គោ (Thiago) ម៉ាតេ​អូ (Mateo) និង​ស៊ីរ៉ូ (Ciro) ជាមួយនឹង​គូស្នេហ៍​វ័យ​កុមារ​របស់គាត់ គឺ​នាង អាន​តូ​នែ​ល​ឡា រ៉ូកូ​ស​ហ្សូ (Antonella Roccuzzo) ។​

​ឈុត​ឆាក​រំជួលចិត្ត​នេះ​បាន​កើតឡើង​បន្ទាប់​ពី​ការប្រកួត​វើល​ខាប់វ​គ្គ​ផ្ដាច់ព្រ័ត្រដ៏​រំភើប​បំផុត​មិន​ធ្លាប់មាន​។ ម៉េស​ស៊ីបាន​ស៊ុតបាល់​ប៉េណាល់​ទីជួយ​អា​ហ្សង់​ទីន​នាំមុខ​មុននៅ​តង់​ទីមួយ មុន​ពេល​កីឡា​ករអេន​ជែល ឌី ម៉ា​រៀ (Angel di Maria) រក​បាន​គ្រាប់​ទី​ពីរ​ពី​ការញាក់​បាល់​យ៉ាង​អស្ចារ្យ​។​

​សម្រាប់​តង់​ទី​ពីរ​ភាគ​ច្រើន វា​ហាក់ដូចជា​អា​ហ្សង់​ទីន​ត្រៀម​លើកពាន​ទៅហើយ ប៉ុន្តែ​ការពិន័យ​បាល់​១១​ម៉ែត្រ​នៅ​នាទី​ទី ៨០ សម្រាប់​អឹម​បា​ប៉េ​បាន​ជំរុញ​ឱ្យ​បារាំង​មាន​សកម្មភាព​វាយបក​ឡើងវិញ​។​

​បន្ទាប់មក មួយ​នាទី​ក្រោយមក អឹម​បា​ប៉េ​បាន​ស៊ុត​តាម​ស្មើ​ដើម្បី​បញ្ជូន​ការប្រកួត​ទៅក្នុង​ម៉ោង​បន្ថែម ជាហេតុ​ធ្វើឱ្យម៉េ​សស៊ី​និង​អា​ហ្ស​ង់​ទីន​បារម្ភ​។ ប៉ុន្តែ​ម៉េ​សស៊ី​បាន​ស៊ុត​នាំមុខ​មុន​នៅ​នាទី​១០៨​។ ជា​លើក​ទី​ពីរ វា​ហាក់ដូចជា​អា​ហ្សង់​ទីន​ហៀបនឹងលើ​កពាន​សាជា​ថ្មី ប៉ុន្តែ​បារាំង​បាន​វាយបក​តាម​ស្មើ​ម្តងទៀត​។​

​អឹម​បា​ប៉េ​បាន​ស៊ុត​បាល់​ប៉េណាល់​ទី​បានសម្រេច បន្ទាប់​ពី​បាល់​ប៉ះ​ដៃ​កីឡាករ​អា​ហ្សង់​ទីន​ក្នុង​តំបន់​គ្រោះ​ថ្នាក់​ក្នុង​ម៉ោង​បន្ថែម​។​

​ម៉េស​ស៊ី និង អឹម​បា​ប៉េ បាន​ស៊ុត​បាល់​ប៉េណាល់​ទីទី​មួយ​ចូល​ដូចគ្នា ប៉ុន្តែ​ឃី​ង​ស្លេ ខូ​មែន (Kingsley Coman) និង អូ​រេ​លៀន ឈូ​អា​មេ​នី (Aurelian Tchouameni) ស៊ុត​មិន​ចូល​សម្រាប់​បារាំង ខណៈ​អា​ហ្សង់​ទីន​ឈ្នះ​ប៉េណាល់​ទី ៤-២៕

​ម្តាយ និង​ប្រពន្ធ​ព្រមទាំង​កូនៗ​ម៉េស​ស៊ីស្ទុះឱ​ប​ម៉េស​ស៊ី ក្រោយ​អា​ហ្សង់​ទីន​ឈ្នះ​វើល​ខា​ប់