​ប្រែ​សម្រួល : កញ្ញា​ដា​លី​ស (​ស៊ីនហួ​) ៖ ទិន្នន័យ​ឧស្សាហកម្ម​បាន​បង្ហាញថា​ការលក់​រថយន្ត​ដឹក​អ្នកដំណើរ​កម្រិត​ខ្ពស់​ដែល​ផលិត​ក្នុង​ប្រទេស​ចិន​បាន​កើនឡើង​យ៉ាង​ឆាប់រហ័ស​នៅក្នុង​ប្រទេស​ក្នុងអំឡុង​​ពេល ១១ ខែ​ដំបូង បើទោះបីជា​មាន​ការរំខាន​ពី​កូវី​ដ​។​

​ក្នុង​អំឡុង​ពេល​នេះ រថយន្ត​ជាង ៣,៥១ លាន​គ្រឿង​ត្រូវ​បាន​លក់​នៅក្នុង​ប្រទេស​ចិន គឺ​កើនឡើង ១២,៧ ភាគរយ​ធៀប​ឆ្នាំ​ទៅ​មិញ នេះ​បើ​យោង​តាម​សមាគម​ក្រុមហ៊ុន​ផលិត​រថយន្ត​ចិន​។​

​ក្នុង​ខែវិច្ឆិកា​តែឯង ការលក់​រថយន្ត​ទាំងនោះ​បាន​កើនឡើង ១៨,២ ភាគរយ​ធៀប​ឆ្នាំ​ទៅ​មិញ គឺ ៣៨០.០០០ គ្រឿង នេះ​បើ​យោង​តាម​សមាគម​។​

​វា​បាន​គូសបញ្ជាក់​ពី​ដំណើរការ​ដ៏​ល្អ​នៃ​ទីផ្សារ​រថយន្ត​ដឹក​អ្នកដំណើរ​កម្រិត​ខ្ពស់ ដោយ​កត់សម្គាល់ថា ទីផ្សារ​រក្សាបាន​នូវ​ភាព​ធន់​រឹងមាំ​ល្អ ចំ​ពេល​មាន​ការរំខាន​ពី​កូវី​ដ​៕

មនុស្សម្នា​ទស្សនា​ស្តង់​របស់​ក្រុមហ៊ុន​ផលិត​រថយន្ត​អគ្គិសនី​ចិន NIO ក្នុងអំឡុង​ពិព័រណ៍​រថយន្ត​ចិន (​ធៀន​ជីន​) ២០២២ នៅ​ទីក្រុង​ធៀន​ជីន ភាគ​ខាងជើង​ប្រទេស​ចិន កាលពី​ថ្ងៃទី​១០ ខែវិច្ឆិកា ឆ្នាំ​២០២២