​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ លោក អេ​ឡុន ម៉ាស ទំនងជា​នឹង​លាឈប់​ពី​ការងារ​កំពូល​នៅ Twitter បន្ទាប់​ពី​កាន់កាប់​ត្រឹម​តែ​ពីរ​ខែ​ប្រសិនបើ​គាត់​គោរព​លទ្ធផល​នៃ​ការស្ទង់មតិ​តាម​​អ៊ីនធឺណិត​ដែល​បាន​ចាប់ផ្តើម​កាលពី​យប់​ថ្ងៃអាទិត្យ​។​

​ប្រហែល ៥៧ ភាគរយ​នៃ​អ្នកបោះឆ្នោត ១៤ លាន​នាក់​បាន​និយាយថា លោក​ម៉ាស​គួរតែ​លាលែង​ពី​តំណែង​ជា​នាយក​ប្រតិបត្តិ Twitter ក្នុង​រយៈពេល​ប្រហែល ៣ ម៉ោង​រហូត​ដល់​ការស្ទង់មតិ​ត្រូវ​បិទ​។​

​លោក​ម៉ាស​បានចាប់ផ្តើម​ការស្ទង់មតិ​តាម Twitter កាលពី​យប់​ថ្ងៃអាទិត្យ បន្ទាប់ពី​បាន​មើល​អា​ហ្សង់​ទីន​យកឈ្នះ​បារាំង​ក្នុង​ការប្រកួត​វគ្គ​ផ្តាច់ព្រ័ត្រ​វើល​ខាប់​នៅ​ប្រទេសកាតា​។​

​លោក​បាន​សរសេ​រលើ Twitter​ថា “​តើ​ខ្ញុំ​គួរ​ចុះចេញ​ពី​តំណែង​ជា​ប្រធាន Twitter ទេ​? ខ្ញុំ​នឹង​គោរព​តាម​លទ្ធផល​នៃ​ការស្ទង់មតិ​នេះ​” រួម​ជាមួយ​ជម្រើស “​ចុះ​” ឬ “​មិន​ចុះ​”​។​

​គេ​មិន​ច្បាស់​ទេ​ថា​តើ​លោក​ម៉ាស​នឹង​គោរព​លទ្ធផល​និង​ពិតជា​ចុះចេញ​ពី​តំណែង​ឬ​យ៉ាងណា​។ កាលពី​សប្តាហ៍​មុន លោក​បាន​លុបចោល​ការស្ទង់មតិ​លើ​ការដាក់​គណនី​អ្នកកាសែត​ដែល​ត្រូវ​បាន​ព្យួរ​ឱ្យ​ដំណើរការ​ឡើងវិញ មុន​ពេល​ការស្ទង់មតិ​ត្រូវបាន​បញ្ចប់​។​

​ការស្ទង់មតិ​រយៈពេល ១២ ម៉ោង​បាន​ចាប់ផ្តើម​នៅ​ម៉ោង ១១ និង ២០ នាទី​យប់​ថ្ងៃអាទិត្យ​៕

​លោក​បាន​សរសេ​រលើ Twitter ថា “​តើ​ខ្ញុំ​គួរ​ចុះចេញ​ពី​តំណែង​ជា​ប្រធាន Twitter ទេ​? ខ្ញុំ​នឹង​គោរព​តាម​លទ្ធផល​នៃ​ការស្ទង់មតិ​នេះ​” រួម​ជាមួយ​ជម្រើស “​ចុះ​” ឬ “​មិន​ចុះ​”