​ប្រែ​សម្រួលៈ​បំណង​(​ស្ត្រេត​ថែមស៍​,​ដេល្លី​ម៉េល​)៖ អាម៉េរិក​កំពុង​ព្រួយបារម្ភ​ថា​ការផ្ទុះកូ​វីដ​១៩​ដ៏​រាលដាល​នៅ​ចិន​អាច​បង្ក​បង្កើត​ជា​វីរុស​បំប្លែង​ខ្លួន​ថ្មីៗ​នៅ​ពេល​ប្រទេស​ដែល​មាន​ប្រជាជន​ច្រើន​បំផុត​នេះ​​កំពុង​តស៊ូ​នឹង​ផល​បង្ក​ឡើង​ពី​ការ​បន្ថូរបន្ថយ​វិធា​ការគ្រប់គ្រង​ជំងឺ​កូវី​ដ​១៩​ដ៏​តឹង​ត្អឹង ហៅថា​គោលនយោបាយ​«​សូន្យ​កូវី​ដ​»​ដែល​វា​បាន​ជួយ​ស្រោចស្រង់​ជីវិត​មនុស្ស​យ៉ាង​ច្រើន​នៅ​បី​ឆ្នាំ​មកនេះ​។​

​អ្នកនាំពាក្យ​ក្រសួងការបរទេស​អាម៉េរិក ណេ​ត ប្រាយ​បាន​និយាយ​ក្នុង​សន្និសីទកាសែត​មួយ​កាលពី​ថ្ងៃ​ចន្ទ​ថា « គិត​ដល់​ការផ្ទុះកូ​វីដនៅ​ចិន​នាពេល​បច្ចុប្បន្ន យើង​ចង់​ឃើញ​ការដោះស្រាយ​វា​។​យើង​ដឹង​ថា​​នៅពេល​ណា​មួយ​វីរុស​នេះ​នឹង​ឆ្លង​រាលដាល​ពាសវាល​ពាសកាល ដែល​អាច​នឹង​បង្កបង្កើត​ចេញ​ជា​វីរុស​ថ្មី​និង​បង្ក​ការ​គំរាម​ដល់​មនុស្ស​នៅ​គ្រប់​ទីកន្លែង​»​។​

បើតាមសារព័ត៌មានលោកខាងលិច បណ្តា​ទីក្រុង​ចិន​កំពុង​ជួប​ការ​ឆ្លងកូវី​ដ​១៩​នៅ​រលក​ថ្មី​មួ​យ​និង​មាន​ការសង្ស័យ​ថា​រដ្ឋាភិបា​អាច​លាក់បាំង​តួលេខ​ស្លាប់​និង​ឆ្លង​ពិតប្រាកដ​ក្រោយអាជ្ញាធរ​ដកចេញវិធានការ​ប្រឆាំង​ជំងឺ​នេះ​ដ៏​តឹង​​តឺង​ដែល​ប៉ះពាល់​សេដ្ឋកិច្ច​និង​អារម្មណ៍​របស់​ប្រជាជន​។​

​កាលពី​ថ្ងៃ​ចន្ទ ប៉ូលីស​និង​បុគ្គលិក​សន្តិសុខ​បាន​រុញ​អ្នកកាសែត​ចេញពី​កន្លែង​បូជ្ញា​ស​ពមួយ​នៅ​ទីក្រុង​ប៉េកាំង ហើយ​អ្នកនាំពាក្យ​ស្ថាន​ទូរ​ចិន​នៅ​ក្រុង​វ៉ាស៊ីនតោន​មិន​ឆ្លើយតប​នឹង​សំណួរ​សុំ​ចំណាប់អារម្មណ៍​​ចំពោះ​ការព្រួយបារម្ភ​របស់​អាម៉េរិក​ទេ​។​

​បុគ្គលិក​ពេទ្យ​រុញរ​ទោះ​អ្នកជំងឺ​ក្តៅខ្លួន​ចូល​គ្លីនិច​មួយ​នៅក្រុង​សៀង​ហៃ​កាលពី​ថ្ងៃ​១៩​ធ្នូ​​៤

​បើ​តាម​ការចុះផ្សាយ​របស់​សារព័ត៌មាន ដេល្លី​ម៉េល​របស់​អង់គ្លេស​និង​ទី​ភ្នាក់ងារ​សារព័ត៌មាន​បារាំង សាកសព​មនុស្ស​កំពុង​ដាក់​តម្រៀប​នៅក្នុង​មន្ទីរពេទ្យ​និង​កន្លែង​បូជ្ញា​សព​នៅ​ចិន ចំ​ពេល​មាន​សញ្ញា​ថា​​រដ្ឋាភិបាល​ទីក្រុង​ប៉េកាំង​បិទបាំង​ទំហំ​ពិត​នៃ​ការស្លាប់​ដោយកូវី​ដ​១៩ ក្រោយ​ប្រទេស​បន្ធូរបន្ថយ​វិធានការ​គ្រប់គ្រង​ជំងឺ​។​

​វីដេអូ​ដែល​ត្រូវបាន​ចែក​រំលែកតា​ម​បណ្តាញ​សង្គម​បង្ហាញ​សាកសព​មនុស្ស​នៅតាម​ផ្លូវ​នៃ​អាគារ​ពេទ្យ ហើយ​អ្នកជំងឺ​ដេក​ពេញៗ​បន្ទប់​ពេទ្យ​នៅពេល​រដ្ឋាភិបាល​ទីក្រុង​ប៉េកាំង​កំពុង​ប្រវេប្រវា​ទប់​ការផ្ទុះកូ​​វីដ​នៅ​រលក​ថ្មី​មួយ​។​

​អាជ្ញាធរ​ចិន​បាន​រាយការណ៍​អ្នក​ស្លាប់​ពីរ​នាក់​ដោយកូវី​ដ​១៩​នៅ​ក្រុង​ប៉េកាំង​កាលពី​ថ្ងៃ​ម្សិលមិញ តែ​រូប​បង្ហោះ​ក្នុង​វីដេអូ​បង្ហាញ​សាកសព​មនុស្ស​ជាច្រើន​។​

​ទោះជា​មាន​ព័ត៌មាន​ដូច្នេះ ក៏​អាជ្ញាធរ​ចិន​បាន​សំរេច​បន្ត​បន្ធូរបន្ថយ​វិធានការ​ប្រឆាំង​កូវី​ដ​។​ទីក្រុង​ចុងឈី​ញ បាន​ចូលរួម​ជាមួយ​ទីក្រុង​ចិន​មួយចំនួនទៀត​ដែល​អនុញ្ញាត​អោយ​ប្រជាជន​ចេញ​ទៅ​ធ្វើការ​​ទោះជា​បង្ហាញ​រោគសញ្ញាឆ្លង​កូវី​ដ​។​កាសែត Chongqing Daily​បាន​រាយការណ៍​កាលពី​ថ្ងៃ​ចន្ទ​ថា និយោជិត​រដ្ឋ​ដែល​​ចេញ​រោគសញ្ញា​ស្រាល​« អាច​ធ្វើការ​ធម្មតា​»​។​

​នៅ​ក្រុង​ប៉េកាំង អាជ្ញាធរ​បាន​ទទូច​សុំ​អោយ​ប្រជាជន​”​បន្ត​ជីវិត​និង​ធ្វើការ​ធម្មតា​តាម​លទ្ធភាព​អាច​ធ្វើបាន​” ហើយ​អ្នកជំងឺ​ដែល​ជា​ហើយ មិនចាំបាច់​ធ្វើតេស្តិ៍​មុនវ​ចូល​ទី​សាធារណៈ​ទេ​។​ពួក​មន្ត្រី​ក៏​លើក​​ទឹក​ចិន​អោយមាន​ការជួបជុំ​និង​ពិធី​អាពាហ៍ពិពាហ៍​។​

​កាលពី​ថ្ងៃអាទិត្យ អាជ្ញាធរ​ខេត្ត​ចេ​ជាំង​(Zhejiang)​ដែល​ជា​មណ្ឌល​សេដ្ឋកិច្ច​ធំ​មួយ​ជាមួយនឹង​មនុស្ស​៦០​លាន​នាក់ បាន​និយាយថា អ្នកចេញ​រោគសញ្ញា​ស្រាល​”​អាច​បន្ត​ធ្វើកា​របើ​ចាំបាច់​” ។​ទោះជា​យ៉ាង​​ណា​នៅ​ទូទាំង​ប្រទេស​ចិន អាជ្ញាធរ​បាន​លើកទឹកចិត្ត​អោយ​ប្រជាជន​ដាក់​ខ្លួន​នៅ​ដាច់​ពី​គេ​នៅ​តាម​ផ្ទះក្នុង​ពេល​ព្យាបាល​ជំងឺ ដោយ​ខុស​ពី​មុន​ដែល​តំរូវអោយ​មនុស្ស​ប្រភេទ​ដូច្នះ​ចូលម​មណ្ឌលច​ត្តា​ឡី​ស័ក​គ្រប់​​គ្រង​ដោយ​រដ្ឋ​៕

បណ្តាក្រុមហ៊ុនឳសថចិនធ្វើការពេញសមត្ថភាពដើម្បីផលិតថ្នាំនិងផ្គត់ផ្គង់តំរូវការអោយគ្រប់គ្រាន់