​ដោយ​៖​សុផល​/​ភ្នំពេញ​៖​សាកលវិទ្យាល័យ​វិទ្យាសាស្ត្រ​សុខាភិបាល នា​ព្រឹក​ថ្ងៃទី​២០ ខែធ្នូ ឆ្នាំ​២០២២ សហការ​ជាមួយ​ក្រុមហ៊ុន​ទឹក​ពិសា​វី​តា​ល់ និង​មជ្ឈមណ្ឌល​ជាតិ​ផ្តល់​ឈាម​ព្រមទាំង​ដៃគូ​ជាច្រើន​ទៀត​រួមមាន កាកបាទក្រហមកម្ពុជា សមាគម​គ្រូពេទ្យ​ស្ម័គ្រចិត្ត​យុវជន​សម្តេច​តេ​ជោ សហភាព​សហព័ន្ធ​យុវជន​កម្ពុជា​វិស័យ​សុខាភិបាល​បា​រៀបចំ​កម្មវិធី​បរិច្ចាគ​ឈាម​ដ៏​ធំ​ចុងឆ្នាំ​២០២២ ក្រោម​ប្រធានបទ “​ចែករំលែក​ជីវិត គឺ​បរិច្ចាគ​ឈាម​ទាំងអស់គ្នា​” នៅ​បរិវេណ​ទី​២​នៃ​សាកលវិទ្យាល័យ​វិទ្យាសាស្ត្រ​សុខាភិ បាល​។ កម្មវិធី​នេះ​ជា​កម្មវិធី​លើក​ទី​១៥ របស់​សាកលវិទ្យាល័យ​វិទ្យាសាស្ត្រ​សុខាភិបាល​ដែល​រៀបចំឡើង​ក្នុង​គោលបំណង​បំផុស​ចលនា​ស្ម័គ្រចិត្ត​ផ្តល់​អំណោយ​ឈាម​ដើម្បី​ចូលរួមចំណែក​បំពេញ​តម្រូវ​ស្តុក​ឈាម ដល់​អ្នកជំងឺ​កំពុង​ត្រូវការ​ឈាម​ជា​ចាំបាច់​នៅតាម​មន្ទីរពេទ្យ​នានា​។​

 

 

​កម្មវិធី​ប្រព្រឹត្តទៅ​ក្រោម​អធិបតីភាព ឯកឧត្តម​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល និង​ជា​ប្រធាន​ក្រុមប្រឹក្សាភិបាល​សាកលវិទ្យាល័យ​វិទ្យាសាស្ត្រ​សុខា ភិបាល​, ឯកឧត្តម​សាស្ត្រាចារ្យ សា​ផុន វឌ្ឍនៈ ទីប្រឹក្សា ក្រសួងសុខាភិបាល និង​ជា​សាកលវិទ្យាធិការ នៃ​សាកលវិទ្យាល័យ​វិទ្យាសាស្ត្រ​សុខាភិបាល​,​លោកជំទាវ​អ្នកឧកញ៉ា ជឹ​ង សុគន្ធា​វី អគ្គនាយិកា​ក្រុមហ៊ុន វ័ន ហ្វ្រេ​ត​ធើ​នី​ធី (​វី​តា​ល់​), លោក​ប្រធាន​មជ្ឈមណ្ឌល​ជាតិ​ផ្តល់​ឈាម​, និង​វត្តមាន លោក លោកស្រី ថ្នាក់ដឹកនាំ តំណាង​ដៃគូ​ព្រមទាំង សាស្ត្រាចារ្យ​-​បុគ្គលិក និង​និស្សិត​អ្នកស្ម័គ្រចិត្ត​ផ្តល់​អំណោយ​ឈាម ប្រមាណ​ជាង​៣០០​នាក់ ។​

​ឯកឧត្តម​សាស្ត្រាចារ្យ ម៉ម ប៊ុនហេង រដ្ឋមន្ត្រី​ក្រសួងសុខាភិបាល បាន​មានប្រសាសន៍​កោត​ស​សើរ​ដល់​ទឹកចិត្ត​សប្បុរសធម៌​ដ៏​ថ្លៃថ្លា​របស់​និស្សិត សាស្ត្រាចារ្យ​និង​អ្នកស្ម័គ្រ ចិត្ត​ផ្តល់​អំណោយ​ឈាម​ទាំងឡាយ​ដែលមាន​សណ្តាន​ចិត្តសប្បុរស​ក្នុងការ​បរិច្ចាគ​ឈាម​ជា​ទៀងទាត់​ដែល​ទង្វើ​នេះ​បានបង្ហាញ​យ៉ាងច្បាស់​នូវ​ឆន្ទៈ​សាមគ្គីភាព​របស់​យុវ ជន​ខ្មែរ​ជំនាន់​ថ្មី ដែល​គប្បី​បន្ត​អនុវត្ត​ឲ្យ​កាន់តែច្រើន​ក្នុងសង្គម​ខ្មែរ​យើង​។ ជាមួយគ្នានេះ ឯកឧត្តម​ក៏បាន​ថ្លែងអំណរគុណ​ចំពោះ​ក្រុមហ៊ុន​វី​តា​ល់​និង​មជ្ឈមណ្ឌល​ជាតិ​ផ្តល់​ឈាម ដែល​តែងតែ​ខ្នះខ្នែង​ផ្សព្វផ្សាយ និង​ប្រមូល​ឈាម​សប្បុរស​គ្រប់​ទីកន្លែង ដើម្បី​បំពេញបន្ថែម​ដល់​តម្រូវការ​ឈាម​ជា​ចាំបាច់​។​

​ឯកឧត្តម​សាស្ត្រាចារ្យ សា​ផុន វឌ្ឍនៈ សាកលវិទ្យាធិការ នៃ​សាកលវិទ្យាល័យ​វិទ្យាសាស្ត្រ​សុខាភិបាល បាន​មានប្រសាសន៍ថា ដោយ​ស្ថានភាព​នៃ​សង្គម​មាន​សភាព​វិល ត្រឡប់​មកកាន់​ប្រក្រតីភាព​វិញ គួបផ្សំ​ជាមួយ​យុទ្ធសាស្ត្រ​ចាក់​វ៉ាក់សាំង​របស់​ប្រមុខ​រាជរដ្ឋាភិបាល សាកលវិទ្យាល័យ​បានធ្វើការ​សម្រេចចិត្ត​ប្រកបដោយ​ការទទួលខុសត្រូវ​ខ្ពស់ ក្នុងការ​រៀបចំ​ឲ្យ​មាន​ឡើងវិញ​នូវ​ការបរិច្ចាគ​ឈាម​ដោយ​ស្ម័គ្រចិត្ត​របស់​ថ្នាក់ដឹកនាំ សាស្ត្រាចារ្យ​-​បុគ្គលិក និង​និស្សិត​នៅ​បរិវេណ​សាកលវិទ្យាល័យ​ស្របតាម​គន្លង​ប្រក្រតីភាព​ថ្មី​។ បន្ថែម​ពីនេះ ឯកឧត្តម​សូម​កោត​ស​សើរ និង​ថ្លែងអំណរគុណ​ដល់​វី​តា​ល់ ដែល​តែងតែ​នៅ​ជាមួយ​សាកលវិទ្យាល័យ ចូលរួម​ឧបត្ថម្ភ​គាំទ្រ​ទាំងស្រុង​ដល់​ដំណើរ​ការរៀបចំ​តាំងពី​ឆ្នាំ​២០១៣ រហូតមកដល់​បច្ចុប្បន្ន​។​

​លោកជំទាវ អ្នកឧកញ៉ា ជឹ​ង សុគន្ធា​វី​, អគ្គនាយិកា ក្រុមហ៊ុន វ័ន ហ្វ្រេ​ត​ធើ​នី​ធី (​វី​តា​ល់​) បាន​រំលឹក​ពី​អនុស្សាវរីយ៍ វី​តា​ល់ និង​សាកលវិទ្យាល័យ​វិទ្យាសាស្ត្រ​សុខាភិបាល ដោយ​ចាប់តាំងពី​ឆ្នាំ​២០១៣ វី​តា​ល់ បាន​ក្លាយជា​ដៃគូ​យុទ្ធសាស្ត្រ របស់​សាកលវិទ្យាល័យ វិទ្យាសាស្ត្រ​សុខាភិបាល​ក្នុងការ​ចូលរួម​ឧបត្ថម្ភ​ទាំងស្រុង​សម្រាប​ការរៀបចំ​កម្មវិធី​ទទួលយក​អំណោយ​ឈាម ជា​រៀងរាល់ឆ្នាំ​ពី​សប្បុរសជន​។​លោកជំទាវ បាន​បន្ថែមថា វី​តា​ល់ បានកំណត់​អាទិភាព​ការងារ​របស់ខ្លួន មិន​ត្រឹមតែ​ផ្តល់ជូន​នូវ​ទឹក​ពិសា​ដែលមាន​គុណភាព​ខ្ពស់​, សុវត្ថិភាព​, និង​អនាម័យ ប៉ុណ្ណោះ​ទេ ការចូលរួម​សកម្មភាព​សង្គម គឺជា​កិច្ចការ​មួយទៀត​ដែល វី​តា​ល់ បាន​ចាត់ទុកជា​អាទិភាព​ផងដែរ​។ តួ​យ៉ាង ដូច​អ្វីដែល​បាន​កំពុង​រៀបចំ​នាពេលនេះ គឺ​កើតឡើង​បានក៏ដោយ​សារ​មានការ​គាំទ្រ​ពី​សំណាក់​អតិថិជន និង​អ្នកប្រើប្រាស់​ផលិតផល វី​តា​ល់ ដែលជា​និច្ចកាល វី​តា​ល់បាន​ បន្ត​រក្សា​បេសកកម្មក្នុងការ​កាត់​ប្រាក់ចំណេញ​២៥៛ពី​វី​តា​ល់​ក្នុង​១​ដបបង្វិល​ចូល​មូលនិធិសម្រាប់​ប្រើប្រាស់​ក្នុង​សកម្មភាព​សប្បុរសធម៌ និង​ការងារ​សង្គម​នានា​។បុ​រេ​ប្រទាន​នេះ បាន​ជំរុញ​ទឹកចិត្ត​ឱ្យ វី​តា​ល់​បន្ត​ចូ​រួម​ឧបត្ថម្ភ គាំទ្រ​ដល់​ការបង្កើត​ឲ្យ​មាន​គម្រោង​ថ្មីៗ​បន្ថែមទៀត ដើម្បី​ចូលរួម​ដោះស្រាយ និង​ឆ្លើយតប​បញ្ហា​សង្គម​លើ​គ្រប់​វិស័យ ពិសេស​គឺ​យុទ្ធនាការ​និង​កម្មវិធី​ផ្តល់​អំណោយ​ឈាម ដោយ​ស្ម័គ្រចិត្ដ និង​ក្តី​សប្បុរស​។​

​លោក​វេជ្ជបណ្ឌិត សុខ ប៉ូ ប្រធាន​មជ្ឈមណ្ឌល​ជាតិ​ផ្តល់​ឈាម បាន​ថ្លែងថា ក្នុងនាម​មជ្ឈមណ្ឌល​ជាតិ​ផ្តល់​ឈាម​កម្ពុជា នៃ​ក្រសួងសុខាភិបាល មន្ត្រីរាជការ​បុគ្គ​លិ​ទាំងអស់ យើង​ពិត​ជាមាន​កិត្តិយស​ក្រៃលែង​ដោយបាន​រួមសហការ​ជាមួយ​សាកលវិទ្យាល័យ​វិទ្យាសាស្ត្រ​សុខាភិបាល​និង​ក្រុមហ៊ុន​វី​តា​ល់​ក្នុងការ​លើកកម្ពស​ការ​បរិច្ចាគ​ឈាម​ដោយ​ស្ម័គ្រចិត្ត ព្រមជាមួយ​គោលបំណង​ធានា​ឲ្យ​បាន​នូវ​ការផ្គត់ផ្គង់​ឈាម មាន​សុវត្ថិភាព​ក្នុង​បរិមាណ​គ្រប់គ្រាន់​ទាន់ពេលវេលា ដើម្បី​ជួយសង្គ្រោះ​ជីវិត​ជនរងគ្រោះ​អ្នកជំងឺ​ទាំងអស់ ដែល​ត្រូវការ​ឈាម​ជា​ចាំបាច់ និង​ក្នុងពេល​បន្ទាន់​បំផុត​។​

​គួរបញ្ជាក់​ផងដែរ​ថា កម្មវិធី​បរិច្ចាគ​ឈាម​ដ៏​ធំ​ចុងឆ្នាំ​២០២២ របស់​សាកលវិទ្យាល័យ​វិទ្យាសាស្ត្រ​សុខាភិបាល ក្រោម​ការឧបត្ថម្ភ គាំទ្រ​ដោយ​វី​តា​ល់ រយៈពេល​១​ថ្ងៃនេះ ទទួលបាន​អ្នកស្ម័គ្រចិត្ត​ផ្តល់​អំណោយ​ឈាម​ប្រមាណ​ជិត​៣០០​នាក់​។ វី​តា​ល់ ដែលមាន​មូលនិធិ​២៥៛ បាន​បន្ត​រក្សា​នូវ​មូលដ្ឋាន​នៃ​ការឧបត្ថម្ភ គាំទ្រ​ក្នុង​គ្រប់​សកម្មភាព និង​យុទ្ធនាការ នៃ​ការបរិច្ចាគ​អំណោយ​ឈាម​ដោយ​ស្ម័គ្រចិត្ត​ពី​គ្រប់​ស្ថាប័ន​៕Ph