​ប្រែ​សម្រួល : កញ្ញា​ដា​លី​ស (​អេ​ស៊ាវ័ន​) ៖ ម្ចាស់​ជើងឯក​វើល​ខាប់​ថ្មីថ្មោង អា​ហ្សង់​ទីន មិន​គ្រាន់តែ​រក​បាន​គ្រាប់​បាល់​សំខាន់​នៅ​កីឡដ្ឋាន Lusail ក្នុង​ប្រទេស​កាតា​ប៉ុណ្ណោះ​ទេ​ប៉ុន្តែ​ក៏​ធ្វើឱ្យមាន​​តម្រូវការ​ខ្ពស់​នៅ​តាម​ហាង​លក់រាយ​នៅ​សិង្ហ​បុរី​ផងដែរ​។​

​អាវ​ពណ៌​ស​ខៀវ​របស់​អា​ហ្សង់​ទីន ដែល​កីឡាក​រពាក់​ពេល​ពួកគេ​យកឈ្នះ​បារាំង​ក្នុង​លទ្ធផល ៤-២ ក្នុងការ​ស៊ុត​បាល់​ពិន័យ​១១​ម៉ែត្រ បន្ទាប់​ពី​ស្មើ ៣-៣ នៅ​វគ្គ​ផ្តាច់ព្រ័ត្រ​កាលពី​យប់​ថ្ងៃអាទិត្យ (១៨ ធ្នូ​) ត្រូវបាន​លក់ដាច់​អស់​នៅ​តាម​ហាង​អន​ឡាញ​និង​ហាង​ជាក់ស្តែង​នៅ​សិង្ហ​បុរី​។​

​អ្នកលក់​បន្ត​មួយចំនួន​កំពុង​ផ្តល់​ជូន​អាវ​ក្នុងតម្លៃ​ហើម រាប់​ចាប់ពី​ពាក់កណ្តាល​រាប់រយ​ដុល្លារ​ដល់​ជិត ៥.០០០ ដុល្លារ​នៅ​តាម​ទីផ្សារ​អន​ឡាញ​ដូចជា Carousell ជាដើម​។​

​ឧទាហរណ៍​ជាក់ស្តែង បញ្ជី​លក់រាយ​នៅលើ​ហាង Carousell ដែល​បាន​បង្ហោះ​ប្រហែល​ម៉ោង ២ ទៀប​ភ្លឺ​កាលពី​ថ្ងៃ​ចន្ទ​ទី​១៩​ធ្នូ បាន​ផ្តល់​ជូន​ឈុត​មួយ​កំផ្លេ គឺ​មាន​អាវ​អា​ហ្សង់​ទីន​ក្នុងទឹកដី ខោខ្លី ស្រោមជើង​មួយគូ និង​ខោ​ក្នុងតម្លៃ ៤.៩៨៩ ដុល្លារ​។ បញ្ជី​មួយទៀត ដែល​បាន​បង្ហោះ​ប្រហែល​ម៉ោង ៣ រសៀល​ថ្ងៃ​ចន្ទ មានតម្លៃ ១.០០០ ដុល្លារ​សម្រាប់​តែ​អាវ​ក្នុង​ទឹកដី​ប៉ុណ្ណោះ​។​

​ការត្រួតពិនិត្យ​ដោយ​កាសែត The Straits Times បានបង្ហាញ​ថា អាវ​កីឡាបាល់ទាត់​ពិភពលោ​កកូ​ពី​របស់​អា​ហ្សង់​ទីនល​ក់​ក្នុងតម្លៃ​យ៉ាងតិច ៩៥ ដុល្លារ ខណៈ​អាវ​ហ្ស៊ី​ន​មានតម្លៃ​យ៉ាងហោចណាស់ ១៩០ ដុល្លារ​។​

​លោក រី​វ​យួន ចិន (Ruiyuan Chen)​អ្នកគ្រប់គ្រង Adidas Singapore បាន​និយាយថា​អាវ​អា​ហ្សង់​ទីនស​ម្រាប់​ទាំង​មនុស្ស​ធំ​និង​កុមារបាន​លក់ដាច់​អស់រលីង​ក្នុង​ហាង​លក់ទំនិញ​និង​នៅ​​លើ​វេបសាយ​របស់​ខ្លួន​៕

​ឈុត​អា​ហ្សង់​ទីន​កំពុង​ត្រូវប៉ាន់​ខ្លាំង​នៅ​សិង្ហ​បុរី ក្រោយ​ពួកគេ​គ្រង​ជើង​ឯង​បាល់ទាត់​ពិភពលោក