​ប្រែ​សម្រួល : កញ្ញា​ដា​លី​ស (​ដេល្លី​ម៉េល​) ៖ រុស្សី​បាន​អះអាង​ជ័យជម្នះ​ក្នុងវើ​លខាប់ ជាមួយ​នឹង​ការលើកឡើង​គួរឱ្យ​អស់សំណើច​ថា​អា​ហ្សង់​ទីន​ឈ្នះ​ដោយសារ​តែ​ប្រទេស​របស់​ពួកគេ​បាន​ប្រើប្រាស់​វ៉ាក់សាំង​​កូវី​ដ Sputnik V​។​

​អា​ហ្សង់​ទីន​គឺជា​ប្រទេស​ទី​មួយ​ដែល​ប្រើប្រាស់​វ៉ាក់សាំង​កូវី​ដ Sputnik V របស់​រុស្ស៊ី​យ៉ាង​ទូលំទូលាយ​។​ប៉ុន្តែ​ក្រោយមក អា​ហ្សង់​ទី​ន​បាន​ងាក​ទៅរក​វ៉ាក់សាំង Moderna និង AstraZeneca នៅពេល​​ដែល​រុស្ស៊ី​មិន​អាច​ផ្តល់ដូស​គ្រប់គ្រាន់​សម្រាប់​ការចា​ក់​លើក​ទី​ពីរ ខណៈ​ប្រទេស​នេះ​ប្រណាំងប្រជែង​នឹង​ពេល​វេលា​ដើម្បី​បញ្ឈប់​ការរីក​រាលដាល​នៃ​មេរោគ​បំប្លែង​ដែល​តា​ក្នុង​ឆ្នាំ ២០២១​។​

​មូលនិធិ​ទ្រព្យសម្បត្តិ​អធិបតេយ្យ​របស់​រុស្ស៊ី ដែល​ផ្តល់​ហិរញ្ញប្បទាន​ដល់​វ៉ាក់សាំង​នេះ បាន​និយាយថា “​ភាគច្រើន​នៃ​វ៉ាក់សាំង Sputnik V ដែល​ត្រូវបាន​នាំចេញ គឺ​បញ្ជូនទៅ​អា​ហ្សង់​ទីន​”​។​

“​សូម្បី​តែ​ប្រធានាធិបតី​អា​ហ្សង់​ទីនក៏​បាន​ចាក់​វ៉ាក់សាំ​ង Sputnik V ដែរ​។​ថ្ងៃនេះ​ក្រុម​ជម្រើសជាតិ​អា​ហ្សង់​ទីនបាន​យកឈ្នះ​បារាំង​ដោយការ​ស៊ុតបាល់​ប៉េ​ណាល់​ទីហើយ​បានក្លាយជា​ជើងឯក​​ពិភពលោក​។ ចៃដន្យ​? យើង​មិន​គិត​ដូច្នេះ​ទេ​”​។​

​រឿង​នេះ​កើតឡើង​បន្ទាប់​ពី​សកម្មជន​ប្រឆាំង​វិមាន​ក្រឹម​ឡាំង “Pussy Riot” ត្រូវ​បាន​រារាំង​មិន​ឱ្យ​លុកលុយ​ទីលាន​នៅឯ​ការប្រកួត​វើល​ខាប់វ​គ្គ​ផ្តាច់ព្រ័ត្រ​ជា​ការតវ៉ា​ប្រឆាំង​នឹង​សង្គ្រាម​នៅ​ក្នុង​​ប្រទេស​អ៊ុ​យក្រែន​។​

​រុស្ស៊ី​ធ្វើជា​ម្ចាស់ផ្ទះ​វើល​ខាប់​ចុង​ក្រោយ​ក្នុង​ឆ្នាំ ២០១៨ ប៉ុន្តែ​មិន​ត្រូវបាន​អនុញ្ញាត​ឱ្យ​ចូល​រួម​នៅក្នុង​ប្រទេស​កាតា​នោះទេ បន្ទាប់ពី​មាន​ការហាមឃាត់​ពី FIFA កាលពី​ខែ​កុម្ភៈ បន្ទាប់​ពី​ការ​លុកលុយ​ប្រទេស​អ៊ុ​យក្រែន​។​

​រុស្ស៊ី​បាន​ជាប់​លេង​វគ្គ Play-off ក្រោយ​ចប់​នៅ​លេខ​២​ក្នុង​ពូ​ល H ក្នុង​វគ្គ​ជម្រុះ​វើល​ខាប់​ប្រចាំ​ទ្វីបអឺរ៉ុប​៕

​អា​ហ្សង់​ទីន​ឈ្នះ​ពាន​វើល​ខាប់​ក្រោយ​ឈ្នះ​បារាំង