ដោយៈ​សុផល​/​ភ្នំពេញ​៖ នា​ព្រឹក​ថ្ងៃ​ពុធ​ថ្ងៃទី​២១ ខែធ្នូ ឆ្នាំ​២០២២ នៅ​ទីស្តីការ​ក្រសួងទេសចរណ៍ លោក ថោង ខុន រដ្ឋមន្ត្រី​ក្រសួងទេសចរណ៍​បាន​ដឹកនាំ​កិច្ចប្រជុំ​“​តាមដាន​វឌ្ឍនភាព នៃ​ការអនុវត្ត​ផែនទី​ចង្អុល​ផ្លូវ​ស្តីពី​ផែនការ​ស្តារ និង​លើកស្ទួយ​វិស័យ​ទេសចរណ៍​ក្នុង និង​ក្រោយ​វិ​ប​ត្ត​ជំងឺ​កូ​វីដ​-១៩” ដោយមាន​ការចូលរួម​ពី​ថ្នាក់ដឹកនាំ មន្ត្រី​ក្រសួង មន្ទីរ​ទេសចរណ៍​រាជធានី​ខេត្ត និង​ផ្នែក​ឯកជន សរុប​ប្រមាណ ៧០​នាក់​។​

​យោងតាម​ក្រសួងទេសចរណ៍​បានឱ្យដឹងថា​៖​កិច្ចប្រជុំ​នេះ មានការ​ធ្វើ​បទ​បង្ហាញ​លើ​ប្រធានបទ​សំខាន់ៗ​ដូចជា​៖១-​របាយការណ៍​វឌ្ឍនភាព​នៃ​ការអនុវត្ត​ផែនទី ចង្អុល​ផ្លូវ​ស្តីពី​ផែនការ​ស្តារ និង​លើកស្ទួយ​វិស័យ​ទេសចរណ៍​ក្នុង និង​ក្រោយ​វិ​ប​ត្ត​ជំងឺ​កូ​វីដ​-១៩​។​

២-​សេចក្តីព្រាង​វិធានការ​គោលនយោបាយ​អ​នុ​វត្ត​យុទ្ធនាការ​“​ឆ្នាំ​ទស្សនា​ទេសចរណ៍​កម្ពុជា​ឆ្នាំ​២០២៣”​និង​ទី​៣-​សេចក្តីព្រាង​គោលការណ៍​ណែនាំ​អំពី​គំរូ​អាជីវកម្ម ទេសចរណ៍​ឆ្នើម​តាម​គន្លង​ប្រក្រតីភាព​ថ្មី ហៅ​កាត់​ថា (IBEST)​។​.mara