​ប្រែ​សម្រួលៈ​បំណង​(Cgtn,Xinhua)៖​ចំនួន​អ្នក​ឆ្លងកូវី​ដ​១៩​សរុប​នៅពេល​ជិត​បី​ឆ្នាំ​មកនេះ​នៅ​សហរដ្ឋ​អាម៉េរិក​បាន​ឡើង​ហួស​១០០​លាន​នាក់​កាលពី​ថ្ងៃ​អង្គារ​ទី​២០​ធ្នូ នេះ​បើ​តាម​ទិន្ន​ន័យមក​ពី​សកល​វិទ្យាល័យ​​ច​នស៍ ហប់​ឃី​នស៍​(Johns Hopkins)​។​

​ទិន្នន័យ​បានបង្ហាញ​ថា ករណី​ឆ្លងកូវី​ដ​១៩​នៅ​អាម៉េរិក បាន​កើន​ដល់​១០០.០០២.២៤៨​នាក់ ចាប់តាំងពី​ជំងឺឆ្លង​នេះ​បាន​ផ្ទុះ​ឡើង​ដំបូង​កាលពី​ជិត​បី​ឆ្នាំ​មុន ក្នុងនេះ​ ១.០៨៨.២១៨​នាក់​បាន​ស្លាប់​។​

​បើ​និយាយ​អំពី​ការ​ឆ្លង​តាម​រដ្ឋ កាលីហ្វ័​រញ៉ា ឆ្លង​ច្រើនជាងគេ គឺ​ជាង​១១,៦​លាន​នាក់ បន្ទាប់​មក​រដ្ឋ​តិច​សាស់ និង​ផ្លរីដា ដែល​ឆ្លង​៨,១​លាន​និង​៧,៣​លាន​នាក់​រៀងៗ​ខ្លួន​។​

​វីរុស​អូ​មី​ក្រុង​បំ​ប្លែងខ្លួន​BQ.1 និង BQ.1.1 តំណាងអោយ​៧០​ភាគរយ​នៃ​ការឆ្លង​ថ្មីៗ​នៅ​អាម៉េរិក​នា​សប្តាហ៍​នេះ នេះ​បើ​តាម​ការ​វាយ​តំលៃ​របស់​មជ្ឈមណ្ឌល​គ្រប់គ្រងនិង​បង្ការ​ជំងឺ​អាម៉េរិក​(CDC)​។​

​តាមពិត​អាម៉េរិក​នៅតែ​ជា​ប្រទេស​រងគ្រោះ​អាក្រក់​បំផុត​ជាង​គេ​ពី​ការផ្ទុះ​ជំងឺ​កូវី​ដ​១៩ ទាំង​ចំនួន​ឆ្លង​និង​ស្លាប់​គឺ​ច្រើន​ជា​គេ​។​

​វេជ្ជបណ្ឌិត អាស៊ី​ស ចា​(Ashish Jha)​អ្នកសម្របសម្រួល​ការ​ឆ្លើយតប​នឹង​ជំងឺឆ្លង​របស់​សេត​វិមាន បាន​ប្រាប់​អ្នកយក​ព័ត៌មាន​កាលពី​សប្តាហ៍​មុន​ថា «​យើង​បានឃើញ​ការឆ្លង​កើនឡើង ការ​ចូល​ដេក​​ពេទ្យ​កើនឡើង និង​ការស្លាប់​ក៏​ចាប់ផ្តើម​កើនឡើង​»​។​

​កំណើន​ការ​ឆ្លងកូវី​ដ​១៩​នៅ​រដូវរ​ងារ​នេះ​គ្រាន់តែ​ជា​ផ្នែក​មួយ​នៃ​ការ​គំរាម​ផ្នែក​សុខភាព​ដែល​អាម៉េរិក​កំពុង​ប្រឈម ដោយ​ជំងឺ​ផ្តាសាយ​និង​វីរុស​ផ្លូវដង្ហើម​RSV​ក៏​កំពុង​ឆ្លង​រាលដាល​ផងដែរ​។​

​បើ​តាម​លោក​ចា រដូវរ​ងារ​នេះ​ក៏​ផ្ទុះ​ជំងឺ​ផ្តាសាយ​ដ៏​អាក្រក់​ផង​ដែរ​នៅ​រយៈពេល​មួយ​ទសវត្សរ៍​មក​នេះ​។​មាន​អ្នកជំងឺ​ផ្តាសាយយ៉ាងតិច​១៥​លាន ប្រមាណ​១៥០.០០០​ដេកពេទ្យ និង​៩.៣០០​នាក់​ស្លាប់​ដោយ​ផ្តាសាយ​នៅ​​រដូវ​នេះ នេះ​បើ​តាម​CDC​។

​ជំងឺ​ផ្លូវដង្ហើម​RSV​ដែល​ចេញ​រោគសញ្ញា​ដូច​ផ្តាសាយ​ក៏​កើន​ខ្ពស់បំផុត​ ហើយទោះជា​មាន​វ៉ាក់សាំង​ការពារ​វា​គ្រប់គ្រាន់​ក៏វាអាច​បង្ក​គ្រោះថ្នាក់​ដក់​កូន​ក្មេង​និង​មនុស្ស​ចាស់​។

​វីរុស​អូ​មី​ក្រុង​បំ​ប្លែងខ្លួន​BQ.1 និង BQ.1.1 តំណាងអោយ​៧០​ភាគរយ​នៃ​ការឆ្លង​ថ្មីៗ​នៅ​អាម៉េរិក​នា​សប្តាហ៍​នេះ​

​ឥឡូវ​ចំនួន​មនុស្ស​ស្លាប់ និង​ដេកពេទ្យ​ដោយកូវី​ដ​១៩​នៅ​បន្ត​កើន​ឡើង​នៅ​ក្រុង​/​ខណ្ឌ ឡូ​ស អ៊ែន​ជើ​ឡេស ក្នុង​រដ្ឋ​កាលីហ្វ័​រញ៉ា ដោយ​កើន​លើស​រដូវរងារ​ឆ្នាំមុន​ទៅទៀត​។​ខណ្ឌ​នេះ​បាន​រាយការណ៍​ចំនួន​ស្លាប់​​ដោយ​កូ​វីដជា​មធ្យម​កើនឡើង​ទ្វេដង​នៅ​ប្រាំពីរ​ថ្ងៃ​មកនេះ បើ​ធៀប​នឹង​ពីរ​សប្តាហ៍​មុន​។​

​មនុស្ស​ជិត​៣៤.៤០០​នាក់​បាន​ស្លាប់​នៅក្នុង​ខណ្ឌ​នេះ​ដោយកូវី​ដ​១៩​ចាប់តាំងពី​ជំងឺ​នេះ​បាន​ចាប់ផ្តើម​ផ្ទុះ ហើយ​ទោះជា​ចំនួន​ឆ្លង​ប្រចាំ​ថ្ងៃ​ធ្លាក់ចុះ​បន្តិច​ក៏​វា​នៅ​ខ្ពស់​ជាង​ចំនួន​ឆ្លង​កាលពី​មួយខែ​មុន​ដល់​​ទៅ​១២០​ភាគរយ​៕