​ប្រែ​សម្រួល : កញ្ញា​ដា​លី​ស (​ស្ពុត​និក​) ៖ រដ្ឋមន្ត្រី​ការពារជាតិ​រុស្ស៊ី លោក សឺ​ហ្គី សយ​ហ្គូ (Sergei Shoigu) បាន​និយាយ​កាលពី​ថ្ងៃ​ពុធ​ទី​២១​ធ្នូ​ថា មន្ត្រី​អង្គការ​ណា​តូ ទាហាន​កាំភ្លើង​ធំ​និង​អ្នក​​ឯកទេស​ផ្សេងទៀត​បាន​ស្ថិតនៅក្នុង​តំបន់​ប្រយុទ្ធ​ក្នុងប្រទេស​អ៊ុ​យក្រែន ហើយ​ផ្កាយរណប​របស់​អាម៉េរិក​និង​អង្គការ​ណា​តូ​ជាង​៥០០ គ្រឿង​កំពុង​ធ្វើការ​ឱ្យ​រដ្ឋាភិបាល​ក្រុង​គៀវ​។​

​លោក​សយហ្គូ​បាន​និយាយថា “​គួរកត់សម្គាល់​ថា មន្ត្រី​ណា​តូ ទាហាន​កាំភ្លើង​ធំ និង​អ្នកឯកទេស​ផ្សេងទៀត​បាន​ស្ថិតនៅក្នុង​តំបន់​ប្រយុទ្ធ​។ យានអវកាស​របស់​អាម៉េរិ​ក​និង​ណាតូ​ជាង ៥០០​គ្រឿង​កំពុង​​ធ្វើ​ប្រតិបត្តិការ​ដើម្បី​ផលប្រយោជន៍​របស់​យោធា​អ៊ុ​យក្រែន ដែល​ក្នុងនោះ​យាន​ជាង ៧០ នាក់​ជា​យាន​យោធា នៅសល់​ផ្សេង​ក្រៅពី​នោះ​គឺ​ប្រើ​ទ្វេ​មុខងារ​”​។​

​លោក​សយហ្គូ​បាន​និយាយ​នៅក្នុង​កិច្ចប្រជុំ​មួយ​នៅ​ក្រសួង​ការពារ​ជាតិ​ថា ផ្កាយរណប Kupol​ទី​ប្រាំមួយ​ត្រូវ​បាន​បាញ់​បង្ហោះ​ទៅ​កាន់​ទី​អវកាស​ដែល​នឹង​ធានាបាន​នូវ​ការត្រួតពិនិត្យ​ជា​បន្ត​​បន្ទាប់​នៃ​តំបន់​ងាយ​រង​គ្រាប់​មី​ស៊ី​ល​នៅ​អឌ្ឍគោល​ខាងជើង​។​

​លោក​សយហ្គូ​បាន​បន្ថែមថា ការផ្គត់ផ្គង់​ប្រព័ន្ធ​មី​ស៊ី​ល​ល្បឿន​លឿន Kinzhal និង Zircon ដល់​កងទ័ព​រុស្ស៊ី​នឹង​កើនឡើង​នៅ​ឆ្នាំ ២០២៣​។​លោក​បាន​និយាយ​ដូច្នេះ​ថា “​នឹង​មាន​ការបង្កើន [​នៅ​ឆ្នាំ​ ២០២៣] នូវ​ការផ្គត់ផ្គង់​ប្រព័ន្ធ​មី​ស៊ី​ល​ល្បឿន​លឿន​ជាង​សំឡេង​ដែល​មាន​ភាពជាក់លាក់​ខ្ពស់ គឺ Kinzhal និង Zircon ។ កំពុង​បន្ត​ធ្វើកា​រលើ​គំរូ​មី​ស៊ី​ល​ជាទី​រំពឹង​ផ្សេងទៀត​”​។​

​លោក​សយហ្គូ​បាន​និយាយថា ដោយ​ពិចារណា​លើ​ការពង្រីក​របស់​អង្គការ​ណា​តូ​និង​ការកសាង​កម្លាំង​ដ៏​មាន​សក្តានុពល​ពី​ប្រទេស​សម្ពន្ធមិត្ត វា​ពិតជា​ចាំបាច់​ត្រូវ​ចាត់វិធានការ​សងសឹក​ដើម្បី​បង្កើត​ក្រុម​​ទាហាន​សមស្រប​មួយ​នៅ​ភាគ​ពាយព្យ​នៃ​ប្រទេស​រុស្ស៊ី​។​

​លោក​បាន​បន្ថែមថា វា​នឹង​ចាំបាច់​ក្នុង​ការបង្កើត​សមាគម​ដែនដី​យុទ្ធសាស្ត្រ​អន្តរ​សេវាកម្ម​ថ្មី​ចំនួន​ពីរ​នៃ​កងកម្លាំង​ប្រដាប់អាវុធ គឺ​នៅ​ទីក្រុង​មូ​ស្គូ​និង​តំបន់​យោធា​ឡេ​នី​ន​ហ្គ្រា​ដ (Leningrad)៕

​រដ្ឋមន្ត្រី​ការពារជាតិ​រុស្ស៊ី លោក សឺ​ហ្គី សយ​ហ្គូ​

រុស្ស៊ីអះអាងថា ផ្កាយរណបលោកខាងលិចទាំងរបស់រដ្ឋនិងឯកជនត្រូវបានប្រើសំរាប់ជួយកងកម្លាំងអ៊ុយក្រែន។តាមរយៈផ្កាយរណប ទីតាំងយោធារុស្ស៊ីត្រូវបានបង្ហាញច្បាស់ៗ