​ដោយៈ​សុផល​/​ភ្នំពេញ​៖​សិក្ខាសាលា​បណ្តុះបណ្តាល​លើ​ការគ្រប់គ្រង​គ្រង​និង​រៀបចំ​វិធីសាស្ត្រ​គរុកោសល្យ​ក្នុងការ​បង្រៀន​ពី​ចម្ងាយ​ដែលមាន​រយៈពេល​បី​ថ្ងៃ​ត្រូវ​បានបញ្ចប់​ដោយ​ជោគជ័យ​នៅ​សាកលវិទ្យាល័យ​វិទ្យាសាស្ត្រ​សុខាភិបាល​ក្រោម​កម្មវិធី​បណ្តុះបណ្តាល​នៃ​គំរោង​បណ្តាញ​មេគង្គ​ហ្វា​ម៉ា (Réseau Mékong Pharma) របស់​ទីភ្នាក់ងារ​ឧ​ត្ត​ម​សិក្សា​ប្រើប្រាស់​ភាសា​បារាំង​(AUF) សហការ​ជាមួយ​មូលនិធិ​ព្យែ​រ​ហ្វា​ប (Fondation Pierre Fabre)​។
​សិក្ខាសាលា​នេះ​បាន​រៀបចំឡើង​ចាប់ពី​ថ្ងៃទី​១៩​និង​បញ្ចប់​នៅ​ថ្ងៃទី​២១​ខែធ្នូ​ឆ្នាំ​២០២២ សំរាប់​ថ្នាក់ដឹកនាំ សាស្ត្រាចារ្យ​វេជ្ជបណ្ឌិត​និង​សាស្ត្រាចារ្យ​ផ្នែក​ឱសថ​សាស្ត្រ ប្រមាណ​១៨​នាក់​មកពី​សាកលវិទ្យាល័យ​វិទ្យាសាស្ត្រ​សុខាភិបាល​កម្ពុជា​និង​សាកលវិទ្យាល័យ​វេជ្ជសាស្ត្រ​និង​ឳ​សថ​សាស្ត្រ​នៃ​ទីក្រុង​ហូជីមិញ​។
​លោកគ្រូ​ឧទ្ទេសនៃ​វគ្គ​សិក្ខាសាលា​នេះ គឺ​លោក​បណ្ឌិត បេន ហេន​ដា​មុក​តា (BEN HENDAMokhtar) សាស្ត្រាចារ្យ​ឯកទេស​ផ្នែក​វិស័យ​បណ្តុះបណ្តាល​ពី​ចម្ងាយ​នៃ​សាកលវិទ្យាល័យ​ប័​រ​ដូ ម៉ុង តែង​(Université Bordeaux Montaigne)​បានផ្តល់​នូវ​ចំណេះដឹង​និង​ចំណេះធ្វើ​ទាក់ទង​នឹង​ឧ​បករ​ណ៏​បច្ចេកវិទ្យា​និង​គរុកោសល្យ​ដ៏​មាន​សារៈសំខាន់​និង​ចាំបាច់ សំរាប់ ការគ្រប់គ្រង​ថ្នាក់រៀន​ពី​ចម្ងាយ​តាម​វិធីសាស្ត្រ​ទំនើប​សំរាប់​ការសិក្សា​ដោយផ្ទាល់​ពី​ចម្ងាយ ឬ ទាំងពីរ​ជម្រើស​បញ្ចូល​គ្នា​ក្នុងនោះ​ក៏មាន​បង្ហាញ​នូវ​វិធីសាស្ត្រ បង្កើត សេណា​រី​យ៉ូ​សកម្ម​ជាច្រើន ជាមួយ​ការរៀបចំ​និង​បង្កើត​វីដេអូ​គរុកោសល្យ​អន្តរ​សកម្ម ក៏ដូចជា​វិធីសាស្ត្រ​វាយតម្លៃ​ជាច្រើន​ជូន​ដល់​សិក្ខាកាម​សាស្ត្រាចារ្យ​ទាំងឡាយ​ផងដែរ​។​

​សិក្ខាសាលា​នេះ​ជាការ​ប្រមូលផ្តុំ​សាស្ត្រាចារ្យ​លើក​ទី​២​បន្ទាប់ពី​ការប្រមូលផ្តុំ​លើក​ទី​១​រួចមកហើយ​នា​ខែកញ្ញា​នៅ​ទីក្រុង​ហូជីមិញ​រវាង​នៃ​គ្រឹះស្ថាន​ដែល​ចូលរួម​អនុវត្តន៍​គំរោង​បណ្តាញ​មេគង្គ​ហ្វា​ម៉ា​ក្នុង​តំបន់​អាស៊ី​ប៉ាស៊ីហ្វិក​ឧបត្ថម្ភ​ដោយ​មូលនិធិ​ព្យែ​រ​ហ្វា​ប​(Fondation Pierre Fabre)​។​ក្រៅពី​ការបន្ត​និរន្តរភាព​នៃ ការគ្រប់គ្រង​និង​ការ រៀន​- បង្រៀន​ពី​ចម្ងាយ​របស់​គ្រឹះស្ថាន​អប់រំ​នានា​ការបណ្តុះបណ្តាល​នេះ​បានរួម​វិភាគទាន​ដល់​ការបង្កើន​គុណភាព​នៃ​ការបង្រៀន​ដោ ផ្តល់នូវ​ចំណេះដឹង​និង​ចំណេះ ធ្វើ​ក្នុងការ​គ្រប់គ្រង​លើ​ការសិក្សា​របស់​និស្សិត​គ្រប់គ្រង​និង​រៀបចំ​មេរៀន​ក៏ដូចជា​ការដាក់បញ្ចូល​មេរៀន​តា​ទំរង់​និង​សកម្មភាព​ផ្សេងៗ​ទៅតាម​គរុកោសល្យ របស់ លោក គ្រូ​- អ្នកគ្រូ​សាស្ត្រាចារ្យ ការប្រឡង​ឬ​ការវាយតម្លៃ​នានា​តាម​អន​ឡាញ ។​ល​។​

​នេះ​ជា​គំរោង​ដែល​ទីភ្នាក់ងារ​ឧ​ត្ត​មសិ​ក្សា​ប្រើប្រាស់​ភាសា​បារាំង​(AUF)​សហការ​រៀបចំ​វគ្គ​បណ្តុះបណ្តាល​លើ​ការគ្រប់គ្រង​វិធីសាស្ត្រ​បង្រៀន​ពី ចម្ងាយ​លើ​កម្មវិធី​Moodle​។ គ្រឹះស្ថាន​នានា​ដែល​ស្ថិតក្នុង​កម្មវិធី​បណ្តុះបណ្តាល​នៃ​បណ្តាញ​មេគង្គ​ហ្វា​ម៉ា​ក្នុង​តំបន់​អាស៊ី​ប៉ាស៊ីហ្វិក និង​ឧបត្ថម្ភ​ដោយ​មូលនិធិ​ព្យែ​រ​ហ្វា​ប (Fondation Pierre Fabre) រួមមាន ៖ សាកលវិទ្យាល័យ​ឳ​សថ​សាស្ត្រ​នៃ​ទីក្រុង​ហាណូយ សាកលវិទ្យាល័យ​សុខាភិបាល​និង​ឳ​សថ​សាស្ត្រ​នៃ​ទីក្រុង​ហូជីមិញ​សាកលវិទ្យាល័យ​វិទ្យាសាស្ត្រ សុខា​ភិ បាល​ឡាវ និង​សាកលវិទ្យាល័យ​វិទ្យាសាស្ត្រ​សុខាភិបាល​កម្ពុជា​។​បណ្តាញ​នេះ​រួមវិភាគទាន​ក្នុងការ​ផ្លាស់ប្តូរ​ចំណេះដឹង​ផ្នែក​វិទ្យាសាស្ត្រ​ឱសថ​សាស្ត្រ​ដើម្បី​ជា​ប្រយោជន៍ ដល់​លោ​គ្រូ​-​អ្នកគ្រូ​សាស្ត្រាចារ្យ​នៃ​សាកលវិទ្យាល័យ​ទាំង​បួន​នៅ​អាស៊ី​អ​គ្នេ​យ៏ ៕.mara