​ដោយៈ​សុផល​/​ភ្នំពេញ​៖ រយៈពេល​ជិត​៣​ខែ នៃ​ការបើក​ឱ្យ​ដំណើរការ​លើផ្លូវ​ល្បឿន​លឿន​ភ្នំពេញ ក្រុងព្រះសីហនុ មាន​យានយន្ត​បានធ្វើ​ចរ​រា​ចរណ៍​ជាង ៨៣១.០០០​គ្រឿង ដែល​គិត​ជា​មធ្យម​មាន​យានយន្ត ធ្វើ​ចរ​រាច​ណ៍​ប្រមាណ​១​ម៉ឺន​គ្រឿងក្នុង​មួយថ្ងៃ​។ នេះ​បើតាម​ការបញ្ជាក់​របស់​លោក ហ៊ាង សុទ្ធា​យុ​ត្តិ អ្នកនាំពាក្យ​នៃ​ក្រសួង​សាធារណការ និង​ដឹកជញ្ជូន​។​

​គួរ​បញ្ជាក់ថា ផ្លូវ​ល្បឿន​លឿន​ភ្នំពេញ ក្រុងព្រះសីហនុ បាន​បើក​ឱ្យ​ប្រជាពលរដ្ឋ​ប្រើប្រាស់​ដោយ​ឥតគិតថ្លៃ ក្នុង​រយៈពេល​មួយខែ ដោយ​គិត​ចាប់ពី​ថ្ងៃទី​០១ ខែតុលា ឆ្នាំ​២០២២ ដល់​ថ្ងៃទី​៣១ ខែតុលា និង​បាន​សម្ពោធ​បើក​ឱ្យ​ដំណើរ​ជា​ផ្លូវការ​កាលពី​ថ្ងៃទី​០៩ ខែវិច្ឆិកា ក្រោម​អធិបតីភាព​សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា និង​លោក លី ខឺ​ឈាង នាយករដ្ឋមន្ត្រី​ចិន​។​

​លោក ហ៊ាង សុទ្ធា​យុ​ត្តិ បានឱ្យដឹង​ទៀតថា សម្រាប់​ការធ្វើ​ចរ​រាច​រណ៍ ដែលមាន​បរិមាណ​ច្រើនជាងគេ​ក្នុង​រយៈពេល ៨០​ថ្ងៃ​មកនេះ មាននៅ​ក្នុង​ខែវិច្ឆិកា ឆ្នាំ​២០២២ ដែល​ស្ថិតនៅក្នុង​ពិធីបុណ្យ​អុំទូក ដែលមាន​ចំនួន​ចរ​រា​ចរណ៍​រហូតដល់ ១៨.០០០​ចរ​រាច​រណ៍​ក្នុង​មួយថ្ងៃ និង​នៅក្នុង​ខែធ្នូ​នេះ មាន​ចរ​រា​ចរណ៍​ប្រមាណ ១៥.០០០ ចរ​រាច​រណ៍​ក្នុង​មួយថ្ងៃ​។​.mara